ഒരിക്കലും കല്യാണം കഴിക്കരുതെന്ന് നിത അംബാനി; കെട്ടാതെ പൊങ്ങി പോയാല്‍ മതിയോന്ന് മമ്മൂട്ടിയും, സ്വാതി പറയുന്നു

മമ്മൂട്ടിയുടെ അടുത്ത് പോവുമ്പോള്‍ ഉപദേശിക്കാറുണ്ടോ എന്ന ചോദ്യത്തിന് അതിനൊരു കുറവുമില്ലെന്നാണ് സ്വാതി പറയുന്നത്. 'കഴിഞ്ഞ മാസം ഞാന്‍ വീട്ടില്‍ പോയ ഉടനെ ഒരു ചോദ്യം 'നീ കെട്ടുന്നില്ലേ ഇങ്ങനെ പൊങ്ങി പോയാല്‍ മതിയോ എന്ന്'. ഞാന്‍ പറഞ്ഞു ഇല്ല അങ്കിള്‍ എനിക്ക് ഒരു വര്‍ഷം കൂടി കഴിഞ്ഞു മതി കല്യാണമെന്ന്. അപ്പോള്‍ അച്ഛനോട് പറയുകയാണ്, എടോ താന്‍ ഇങ്ങനെ ഇരുന്നോ മോളെ കെട്ടിക്കാതെ എന്ന്. അപ്പോള്‍ അച്ഛന്‍ തന്റെ സങ്കടം അവിടെ പറഞ്ഞു.

അതിന് അവള്‍ സമ്മതിക്കണ്ടേ എന്നും അവള്‍ ഇപ്പോള്‍ കരിയറില്‍ ആണ് ശ്രദ്ധ കേന്ദ്രീകരിച്ചിരിക്കുന്നതെന്നും. ഇതുകൂടെ കേട്ടതോടെ മമ്മൂട്ടി അങ്കിള്‍ വീണ്ടും എന്റെ നേരെ തിരിഞ്ഞു. അച്ഛന് പ്രായമായി വരികയല്ലേ, കല്യാണം കഴിഞ്ഞശേഷം നീ എന്ത് വേണമെങ്കിലും പഠിച്ചോ. അതാണ് നല്ലതെന്ന് അദ്ദേഹം ഉപദേശിച്ചു. ദുല്‍ഖറിനെയും സുറുമി ചേച്ചിയെയും നല്ല പ്രായത്തില്‍ കല്യാണം കഴിപ്പിച്ചിട്ടുണ്ട് മമ്മൂട്ടി അങ്കിള്‍. അവരുടേത് മനോഹരമായ കുടുംബമാണെന്നും താരപുത്രി പറയുന്നു.

അപ്പോള്‍ സ്വാതി ഉടനെ വിവാഹിതയാവുമോ എന്ന് ചോദിച്ചാല്‍ ഇല്ലെന്നാണ് ഉത്തരം. 'ജീവിതത്തില്‍ ലക്ഷ്യങ്ങള്‍ നേടിയതിന് ശേഷം മാത്രം കല്യാണം മതി എന്ന സങ്കല്‍പ്പത്തിലാണ് താന്‍. ഇപ്പോള്‍ ഞാന്‍ ഹാപ്പിയാണ്. സ്വാതന്ത്ര്യത്തോടെ ജോലി ചെയ്യാന്‍ പറ്റുന്നുണ്ട്. സമ്പാദിക്കാനും ശ്രമിക്കാം, വിവാഹം എന്റെ ലക്ഷ്യങ്ങളെയും സ്വപ്നങ്ങളെയും നശിപ്പിക്കുമോ എന്ന് പേടി ഉള്ളില്‍ ഉണ്ടെന്നും സ്വാതി പറയുന്നു. അതേ സമയം നിത അംബാനിയുമായിട്ടുള്ള ബന്ധത്തെ കുറിച്ചും അവര്‍ തന്നോട് വിവാഹം കഴിക്കേണ്ടെന്ന് പറഞ്ഞതിനെ പറ്റിയും സ്വാതി വെളിപ്പെടുത്തി.

Recommended Video

Santhosh Varkey Talks About Nithya Menon | FilmiBeat Malayalam

നിത അംബാനിയുമായി അടുത്ത ബന്ധമാണുള്ളത്. അവര്‍ എപ്പോഴും ഒരു മെന്ററേ പോലെ ആണ്. അത്രയധികം കെയര്‍ ചെയ്യാറുണ്ട്. നീ ഒരിക്കലും കല്യാണം കഴിക്കരുത് എന്ന് ഒരിക്കല്‍ നിത എന്നോട് പറഞ്ഞിരുന്നു. അത് എന്താ അങ്ങനെ പറഞ്ഞതെന്ന് ചോദിച്ചപ്പോള്‍ അവരുടെ മറുപടി ഇങ്ങനെയായിരുന്നു, 'തനിക്ക് ഒരുപാട് കഴിവുകളുണ്ട്. ലോകത്തിന് മുന്നില്‍ അത് കാണിച്ചു കൊടുക്കണം. ഇനി മുപ്പതുകളുടെ അവസാനം ഒക്കെ എത്തുമ്പോള്‍ ഒരു പങ്കാളി വേണമെന്ന് തോന്നിയാല്‍ മാത്രം അപ്പോള്‍ കല്യാണത്തെ കുറിച്ച് ആലോചിച്ചാല്‍ മതി' എന്ന്. വീട്ടില്‍ വന്ന് ഞാന്‍ ഇക്കാര്യം പറഞ്ഞപ്പോള്‍ അച്ഛന്റെ മറുപടി ഇങ്ങനെയാണ്, 'അവര്‍ അങ്ങനെ വല്ലതും പറയും അതൊന്നും കേട്ട് നീ കല്യാണം വേണ്ടെന്നു തീരുമാനിക്കേണ്ട'എന്ന്.