അച്ഛനെ ആരെങ്കിലും അടിക്കുന്നതോ, അച്ഛൻ മരിക്കുന്നതോ ഇഷ്ടമല്ല; ഫാഷന്‍ സങ്കല്‍പ്പങ്ങളെ പറ്റി നടന്‍ കുഞ്ചന്റെ മകൾ

പണ്ട് സിനിമയില്‍ അച്ഛനെ ആരെങ്കിലും അടിക്കുന്നതും അച്ഛന്‍ മരിക്കുന്നതുമൊന്നും എനിക്ക് ഇഷ്ടമല്ലായിരുന്നു. ലേലത്തിലെ സീന്‍ കണ്ട് കരഞ്ഞ് പൊളിച്ചിട്ടുണ്ട്. 'ഏയ് ഓട്ടോ' കണ്ട് ത്രില്ലടിച്ച് കുരിശ് കമ്മലൊക്കെ ഇട്ട് ഞാന്‍ പുറത്ത് പോകാനിറങ്ങി. അന്ന് അച്ഛന്‍ കണ്ണുരുട്ടി കാണിക്കുകയാണ് ചെയ്തത്.

ചെറിയ പ്രായം മുതലേ ഫാഷന്‍ മേഖലയോട് തനിക്കും ചേച്ചിയ്ക്കും ആഗ്രഹമുണ്ടായിരുന്നു. ഇതേ പറ്റിയും സ്വതി പങ്കുവെച്ചു. 'അമ്മ സൂപ്പര്‍ മാര്‍ക്കറ്റില്‍ പോവുമ്പോഴൊക്കെ ഞാനും ചേച്ചിയും കാത്തിരുന്നത് സ്റ്റൈലന്‍ വസ്ത്രങ്ങളിഞ്ഞുള്ള പെണ്‍കുട്ടികളുടെ ചിത്രമുള്ള ഫെമിന മാസികയ്ക്ക് വേണ്ടിയായിരുന്നു. കണ്ടിട്ടും കണ്ടിട്ടും മതിയാകാതെ ആ പേജുകള്‍ തൊട്ടും മണത്തും നോക്കും.

എട്ടാം ക്ലാസ് മുതല്‍ ഫാഷന്‍ ടെക്‌നോളജി പഠിക്കണമെന്ന മോഹം മനസില്‍ കയറി. ചേച്ചിയുമായി പത്ത് വയസിന്റെ വ്യത്യാസമുണ്ട്. കോളേജിലെ ചേച്ചിയുടെ സുഹൃത്തുക്കള്‍ ഒന്നിനൊന്ന് ഫാഷനബിളായിരുന്നു. അവരുടെ ഡ്രസ്സുകളാണ് എന്റെ ഉള്ളിലും നല്ല വസ്ത്രങ്ങളോടുള്ള മോഹം ഉണര്‍ത്തിയത്.

Recommended Video

ഇതാ റോബിന്‍ രാധാകൃഷ്ണന്റെ രണ്ടാമത്തെ സിനിമ

അമ്മയുടെ സാരിയും ചേച്ചിയുടെ ഡ്രസ്സുകള്‍ പല തരത്തില്‍ മിക്‌സ് ആന്‍ഡ് മാച്ച് ചെയ്തും കണ്ണാടിയ്ക്ക് മുന്നില്‍ പോസ് ചെയ്യുന്നതുമാണ് കുട്ടിക്കാലത്തെ പ്രധാന വിനോദം.

ഇതിന് പുറമേ തന്റെ വീടിന് അടുത്തുള്ള മോസ്റ്റ് സ്‌റ്റൈലിഷ് താരത്തെ കുറിച്ച് പറയാതെ തന്റെ കുട്ടിക്കാലം തീരില്ലെന്നും സ്വാതി പറഞ്ഞു. 'അത് നമ്മുടെ സ്വന്തം മമ്മൂക്കയാണ്. ഈയിടെ റിലീസായ ഭീഷ്മപര്‍വ്വത്തില്‍ കറുപ്പ് മുണ്ടും നീളന്‍ മുടിയും ലെതര്‍ ചെരുപ്പുമിട്ട് മമ്മൂക്ക വന്നപ്പോള്‍ തിയറ്ററില്‍ ഞാന്‍ എഴുന്നേറ്റ് നിന്ന് കൈയ്യടിച്ചെന്നും സ്വാതി പറയുന്നു.