റിയല്‍ ലൈഫില്‍ ശ്രീനാഥ് ഭാസി പാവമാണ്; 10 വര്‍ഷം പ്രണയമായിരുന്നു, ഭര്‍ത്താവിനെ കുറിച്ച് താരപത്‌നി പറഞ്ഞത്

താന്‍ വിജെ ആയിരുന്ന കാലത്ത് എന്റെ പല പരിപാടികളുടേയും പ്രൊഡ്യൂസര്‍ റീത്തുവായിരുന്നെന്നാണ് ശ്രീനാഥ് പറയുന്നത്. 10 വര്‍ഷത്തോളം ഞങ്ങള്‍ സുഹൃത്തുക്കളായിരുന്നു. ഒരു സമയമായപ്പോള്‍ ഒന്നിച്ച് ജീവിക്കാമെന്ന് തീരുമാനിച്ചു. വീട്ടുകാരോട് ഇതേപറ്റി പറഞ്ഞു. രണ്ട് വീട്ടിലും എതിര്‍പ്പൊന്നുമുണ്ടായില്ല. അങ്ങനെ 2016 ല്‍ വിവാഹിതരായെന്നും മുന്‍പ് അഭിമുഖത്തില്‍ ശ്രീനാഥ് പറഞ്ഞിരുന്നു.

ശ്രീനാഥിന്റെ മോശം സ്വഭാവത്തെ കുറിച്ചുള്ള ചോദ്യത്തിന് നല്ല കാര്യങ്ങളാണ് ഭാര്യയായ റീത്തു പറഞ്ഞത്. 'റിയല്‍ ലൈഫില്‍ ശ്രീനാഥ് പാവമാണ്. ആരു വിളിച്ചാലും ഫോണെടുക്കില്ലെന്നുള്ളതാണ് ആകെയുള്ള ഒരു പ്രശ്നം. അതുപോലെ ബീഫ് എത്ര കിട്ടിയാലും കഴിക്കും. ഇത് മാത്രമേ തനിക്ക് ശ്രീയില്‍ നെഗറ്റീവായി തോന്നിയിട്ടുള്ളതെന്നാണ് ഭാര്യ പറഞ്ഞത്.

പറവയിലെ കഥാപാത്രം പോലെ അലസനായി കള്ള് കുടിച്ച് സിഗററ്റ് വലിച്ച് നടക്കുന്ന ഒരാളാണ് റിയല്‍ ലൈഫിലും ഞാനെന്ന് പൊതുവേ ആളുകള്‍ക്ക് ഒരു ധാരണയുണ്ട്. എന്തിനാണ് ആളുകള്‍ ഇങ്ങനെ ചിന്തിക്കുന്നതെന്ന് ഒരു പിടിയുമില്ല.

ഞാന്‍ ആദ്യമഭിനയിച്ച സെറ്റുകളില്‍ നിന്നെല്ലാം വിഷമങ്ങളാണ് ലഭിച്ചതെന്ന് ശ്രീനാഥ് പറഞ്ഞിരുന്നു. ഒരുപക്ഷേ നമ്മള്‍ നന്നാവാന്‍ വേണ്ടിയായിരിക്കാം. അതല്ലെങ്കില്‍ നമ്മളില്‍ സ്പാര്‍ക്ക് ഉണ്ടാക്കാന്‍ വേണ്ടിയാകാം. എന്തായാലും എന്നെ സംബന്ധിച്ച് അത്തരം അനുഭവങ്ങളെല്ലാം കൂടുതല്‍ തളര്‍ത്തുകയാണ് ചെയ്തത്. ആളുകള്‍ തമ്മില്‍ അങ്ങോട്ടും ഇങ്ങോട്ടുമുള്ള അസൂയ, മറ്റൊരാളെ താഴ്ത്താനുള്ള പ്രവണത, വേര്‍തിരിവുകള്‍, തുടങ്ങി ഞാന്‍ കണ്ട സിനിമാലോകം ഇങ്ങനെയായിരുന്നുവെന്നാണ് ശ്രീനാഥ് പറയുന്നത്.

പിന്നെ ഈ ഫാന്‍സ് അസോസിയേഷനും ആരാധനയും നമ്മുക്ക് പറ്റുന്ന പരിപാടിയല്ല. ചേട്ടാ, ചേട്ടനെ എനിക്ക് ഇഷ്ടമാണ് എന്നൊക്കെ പറഞ്ഞ് വിളിക്കുന്നവരോട് ഞാന്‍ ആദ്യം വയസാണ് ചോദിക്കാറ്. ഇരുപത് വയസിന് മുകളിലാണെങ്കില്‍ ഞാന്‍ പറയും, 'ഇഷ്ടപ്പെടുന്നത് കൊണ്ടൊന്നും കുഴപ്പമില്ല. പക്ഷേ ഫാന്‍സ് അസോസിയേഷന്‍, പ്രമോഷന്‍ എന്നൊക്കെ പറഞ്ഞ് ഒരു ജോലിയ്ക്ക് പോകാതെയിരുന്നാല്‍ എന്റെ കൈയ്യീന്ന് നല്ല ഇടി മേടിക്കുമെന്ന്. അത്രേയെ ഉള്ളുവെന്ന്' ശ്രീനാഥ് പറയുന്നു.

ഭാര്യയുടെ കൂടെ ഒരിക്കല്‍ സിനിമ കാണാന്‍ പോയപ്പോള്‍ ഒരു പയ്യന്‍ അരികിലേക്ക് വന്ന് സംസാരിച്ചു. 'ചേട്ടന്റെ ക്യാരക്ടറുകള്‍ ഒരുപാട് സ്വാധീനിച്ചിട്ടുണ്ടെന്നും ഇപ്പോള്‍ രണ്ട് പാക്കറ്റ് സിഗറാറ്റൊക്കെ വലിക്കും' എന്നും അവന്‍ പറഞ്ഞു. ഞാനും റീത്തുവും മുഖത്തോട് മുഖം നോക്കി ഇങ്ങനെയും മണ്ടന്മാരാണോ ഞാനെന്റെ ക്യാരക്ടറിന്റെ ഭാഗമായി ചെയ്തതാണ്. അതെന്റെ ജോലിയാണ്. ജോലി ചെയ്താലേ എനിക്ക് പൈസ കിട്ടൂ. അത് തന്നെയാണ് എല്ലാവരോടും പറയാനുള്ളതെന്നും നടന്‍ വ്യക്തമാക്കി.