സുലൈമാനായി ഫഹദിനെ ആദ്യം കണ്ടപ്പോള്‍ ഉണ്ടായ അനുഭവം, പങ്കുവെച്ച് ദിവ്യപ്രഭ

'വയസായ കഥാപാത്രത്തിന് ഡബ്ബ് ചെയ്തത് എളുപ്പമായിരുന്നില്ല. കാരണം ബോഡി ലാംഗ്വേജും മൊത്തത്തിലുളള സ്വഭാവവും ഒരുമിച്ച് കൈകാര്യം ചെയ്യണം. പിന്നെ സ്ലാങ്ങും വേറെയാണ്. ഇതെല്ലാം ഒരുമിച്ച് വരുന്ന സമയത്താണ് ഒകെ ആവുക. ഇതുവരെ ചെയ്ത റോളുകളില്‍ വെല്ലുവിളി ഉയര്‍ത്തുന്നതാണ് മാലിക്കിലേത് എന്നും' നടി പറഞ്ഞു.

'മഹേഷേട്ടന്‌റെ കൂടെ വര്‍ക്ക് ചെയ്യുമ്പോള്‍ പുളളിക്ക് എന്താണ് നമ്മളെ കൊണ്ട് ചെയ്യിപ്പിക്കേണ്ടത് എന്നതില് മൊത്തം ക്ലാരിറ്റിയുണ്ടാവും. അപ്പോ ഡയറക്ടറുടെ ഭാഗം ക്ലിയറാണെങ്കില്‍ നമുക്കും വലിയ സംശയങ്ങളൊന്നും ഉണ്ടാവില്ല. അദ്ദേഹം എല്ലാം വന്ന് ക്ലിയറ് ചെയ്തുതരും. അവര് പറയുന്നത് പോലെ ചെയ്തുകൊടുക്കുക എന്ന ജോലി മാത്രം നമുക്കുളളത്'.

ടേക്ക് ഓഫിന് പിന്നാലെ മാലിക്കിനും പോസിറ്റീവ് പ്രതികരണങ്ങള്‍ ലഭിച്ചതില്‍ സന്തോഷമുണ്ടെന്നും ദിവ്യപ്രഭ പറയുന്നു. 'മാലിക്കില്‍ ദിവ്യയെ ആരും കണ്ടില്ലെന്നും കഥാപാത്രമായി തന്നെ തോന്നിയെന്ന് പലരും പറഞ്ഞു. ഇതിഹാസയിലെ റോളും ശ്രദ്ധിക്കപ്പെട്ടിരുന്നു. രാജീവ് സാറിന്‌റെ സീരിയല്‍ ചെയ്ത ശേഷം ഒരു സ്‌റ്റേറ്റ് അവാര്‍ഡ് കിട്ടി, അപ്പോഴാണ് അഭിനയം സീരിയസായി കണ്ടുതുടങ്ങിയത്'.

Recommended Video

Malik Malayalam Movie Review by R3 | Mahesh Narayanan | Fahadh Faasil |Nimisha Sajayan

മാലിക്കില്‍ ഭാഗമായിരുന്നില്ലെങ്കിലും താന്‍ എക്‌സ്‌റ്റൈഡ് ആവുമായിരുന്നു എന്ന് നടി പറയുന്നു. 'അതിന്‌റെ ഹാങ്ങ്ഓവര്‍ ഇതുവരെ മാറിയിട്ടില്ല. വലിയൊരു ക്യാന്‍വാസിലുളള
സിനിമ. ഫഹദിനെ സുലൈമാനായി അണിഞ്ഞൊരുങ്ങി ആദ്യം സെറ്റില്‍ കണ്ടിട്ടുണ്ടായിരുന്നില്ല. എന്നാല്‍ ചിത്രീകരണ സമയത്ത് ആദ്യമായി കണ്ടപ്പോള്‍ ഞെട്ടിപ്പോയി. സുലൈമാന്‌റെ ലുക്ക് കണ്ട് ശരിക്കും ഞെട്ടി. അത് ശരിക്കും വേറൊരു ഫീല് തന്നെയായിരുന്നു. സ്‌ക്രിറ്റ് വായിച്ച് മാത്രം പരിചയമുളള ആ കഥാപാത്രത്തെ നേരില്‍ കാണുമ്പോള്‍ ഫഹദിനെയല്ല എവിടെയും കണ്ടത്. സുലൈമാനായിട്ട് തന്നെയാണ് തോന്നിയത്', ദിവ്യപ്രഭ വ്യക്തമാക്കി.