മമ്മൂട്ടിയെ കാണുമ്പോള്‍ സംസാരിക്കുന്നത് ഇതാണ്; അദ്ദേഹത്തിന് പ്രായം ഒരു നമ്പര്‍ മാത്രമാണെന്ന് നാദിയ മൊയ്തു

'മമ്മൂക്കയോടൊപ്പം 11 വര്‍ഷത്തിന് ശേഷമാണ് താന്‍ ഒന്നിച്ച് അഭിനയിക്കുന്നതെന്നാണ്. വളരെ യാദൃശ്ചികമായാണ് മമ്മൂക്കയുടെ കൂടെയുള്ള സിനിമകളൊക്കെ വരുന്നത്. അതേ സമയം എല്ലാവരും കരുതും പോലെ മമ്മൂക്ക ഒരു ഗൗരവക്കാരന്‍ മാത്രമല്ലെന്നാണ് നാദിയയുടെ അഭിപ്രായം. മമ്മൂക്കയില്‍ ഒരു രസികന്‍ മനുഷ്യന്‍ കൂടി ഉണ്ട്. അത് എപ്പോഴും അദ്ദേഹം പ്രകടിപ്പിക്കാറില്ല എന്നേയുള്ളൂ. മമ്മൂക്കയോടൊപ്പം പ്രവര്‍ത്തിക്കുമ്പോള്‍ എന്റെ കംഫര്‍ട്ടബിള്‍ വളരെ കൂടുതലാണ്. ഞങ്ങള്‍ കാണുമ്പോഴൊക്കെ കൂടുതല്‍ സംസാരിക്കുന്നത് കുടുംബങ്ങളെ കുറിച്ചും കുട്ടികളെ കുറിച്ചുമായിരിക്കും.

പിന്നെ സിനിിമയെ കുറിച്ച് ഉള്‍പ്പെടെ ധാരാളം കാര്യങ്ങളെ പറ്റിയും ഞങ്ങള്‍ ചര്‍ച്ച ചെയ്യാറുണ്ട്. തന്നെക്കാളും കൂടുതല്‍ തന്റെ പപ്പയും ആയി മമ്മൂട്ടിക്ക് അടുപ്പമുണ്ടായിരുന്നു. അതിനെ കുറിച്ചുള്ള ഓര്‍മകളും നദിയ പങ്കുവെച്ചിരുന്നു. 'അന്നൊക്കെ സെറ്റില്‍ തന്റെ കൂടെ വന്നിരുന്നത് പപ്പ ആണ്. അഭിനയിക്കുമ്പോള്‍ മാത്രമല്ല, എല്ലായിപ്പോഴും ആ പഴയ ഊര്‍ജ്ജം എപ്പോഴും മമ്മൂക്കയ്ക്ക് ഉണ്ട്. ഒരു മാറ്റവുമില്ല. പഴയ ആള് തന്നെ. മമ്മുക്കയെ സംബന്ധിച്ച് പ്രായം ഒരു ഒരു നമ്പര്‍ മാത്രം ആണെന്നാണ് നാദിയയുടെ അഭിപ്രായം.

അതേസമയം സിനിമയ്ക്കാണോ കുടുംബത്തിനാണോ നാദിയ കൂടുതല്‍ പ്രാധാന്യം നല്‍കുക എന്ന് ചോദിച്ചാല്‍ താന്‍ കുടുംബത്തിനായിരിക്കും പ്രധാന്യം നല്‍കുക എന്നാണ് നടി പറയുന്നത്. എത്ര ആയാലും കുടുംബത്തിനാണ് എന്റെ പ്രയോറിറ്റി കൂടുതല്‍. സിനിമ എന്റെ പാഷനാണ്. അതിനനുസരിച്ച് കരിയര്‍ പ്ലാന്‍ ചെയ്യും. ഇപ്പോള്‍ മക്കള്‍ രണ്ട് പേരും വിദേശത്താണ്. ഞാനും ഭര്‍ത്താവും മാത്രമാണ് വീട്ടില്‍. അതുകൊണ്ട് കൂടുതല്‍ സമയം കിട്ടും. സിനിമയ്ക്ക് അത് സൗകര്യം ആണെന്നും നടി വ്യക്തമാക്കുന്നു.

Recommended Video

നീ പറയടാ പറഞ്ഞിട്ട് പോയാൽ മതി, ചിരിപ്പിച്ച് പൊട്ടിത്തെറിച്ച് മമ്മൂക്ക

നോക്കെത്ത ദൂരത്ത് കണ്ണും നട്ട് എന്ന സിനിമയിലൂടെ 1984 മുതല്‍ മലയാള സിനിമയില്‍ സജീവമായി അഭിനയിച്ചിരുന്നു. ഗേര്‍ളി എന്ന ഈ കഥാപാത്രത്തിന് വലിയ ജനപ്രീതി ലഭിച്ചിരുന്നു. പിന്നീട് തമിഴ് സിനിമയിലാണ് നാദിയ സജീവമായത്. ചെറിയൊരു ഇടവേളയ്ക്ക് ശേഷം മലയാളത്തിലേക്ക് എത്തുമ്പോള്‍ ഭീഷ്മപര്‍വ്വത്തിലെ ഫാത്തിമ എന്ന കഥാപാത്രത്തെയാണ് നടി അവതരിപ്പിക്കുന്നത്.