ഇപ്പോൾ യാത്ര എന്ന് പറഞ്ഞ് ചെല്ലുമ്പോൾ തന്നെ സന്തോഷേട്ടൻ ഓടിക്കും, ആ ഗോവ ട്രിപ്പിനെ കുറിച്ച് നവ്യ

സിനിമയിൽ സജീവമായി നിൽക്കുമ്പോഴായിരുന്നു നവ്യ വിവാഹിതയാവുന്നത്. ഇതോടെ അഭിനയത്തിന് ചെറിയ ഇടവേള നൽകുകയായിരുന്നു. ഇത് നവ്യയുടെ ആരാധകരെ ഏറെ സങ്കടത്തിലാഴ്ത്തിയിരുന്നു. പ്രേക്ഷകരുടെ നിരാശയൊക്കെ മാറ്റി കൊണ്ടായിരുന്നു നടിയുടെ രണ്ടാം വരവ്. മടങ്ങി വരവിൽ മിനിസ്ക്രീനിലും നടി സജീവമായിട്ടുണ്ട്. പ്രേക്ഷകരുടെ പ്രിയപ്പെട്ട ഗെയി ഷോയായ സ്റ്റാർമാജിക്കിലെ സ്ഥിരം അതിഥിയാണ് താരം. ഷേയിൽ എത്തിയതോടെ നടിക്ക് ആരാധകരുടെ എണ്ണം കൂടിയിരിക്കുകയാണ്. മത്സരാർഥികൾക്കൊപ്പം നവ്യയും രസകരമായ ഗെയിമുകളിൽ കൂടാറുണ്ട്

അഭിനേത്രി നർത്തകി എന്നതിൽ ഉപരി മിമിക്രിയും ചെയ്യും ഷോയിൽ കാവ്യ മാധവനെ നടി അനുകരിച്ച് കാണിച്ചിരുന്ന. നടൻ സലിംകുമാർ എത്തിയ എപ്പിസോഡിലാണ് നടി കാവ്യയെ അനുകരിച്ചത്. വളരെ മികച്ച രീതിയിൽ തന്നെ ശബ്ദം എടുക്കുകയും ചെയ്തു. കാവ്യ ഇത് കാണുന്നുണ്ടെങ്കില്‍ ക്ഷമിക്കണമെന്ന് ആമുഖമായി പറഞ്ഞ് കൊണ്ടാണ് നവ്യ ശബ്ദം അനുകരിച്ചത്. എല്ലാവരും നല്ല അഭിപ്രായമായിരുന്നു പറഞ്ഞത്. ദിലീപിന്റേയും കാവ്യയുടേയും അടുത്ത സുഹൃത്താണ് നവ്യ. നിരവധി ഹിറ്റ് ചിത്രങ്ങളാണ് ദിലീപ്- നവ്യ കൂട്ടുകെട്ടിൽ പിറന്നത്.

ഇപ്പോഴിത നടക്കാതെ പോയ ഒരു യാത്രയെ കുറിച്ച് വെളിപ്പെടുത്തുകയാണ് നവ്യ. സ്റ്റാർമാജിക് ഷോയിൽ വെച്ചാണ് രസകരമായ സംഭവം വെളിപ്പെടുത്തിയത്. ഗോവ യാത്രയെ കുറിച്ചായിരുന്നു നടി പറഞ്ഞത്. നവ്യയുടെ വാക്കുകൾ ഇങ്ങനെ'' വിവാഹത്തിന് മുന്‍പുള്ള ന്യൂയര്‍ ഗോവയില്‍ പോയി ആഘോഷിച്ചാലോ എന്ന് സന്തോഷേട്ടൻ ചോദിച്ചു. വീട്ടില്‍ നിന്നും അനുമതി കിട്ടുമോ എന്നായിരുന്നു എന്റെ ആശങ്ക. ചേട്ടന്‍ നിര്‍ബന്ധിച്ചതോടെ അച്ഛനോട് അതേക്കുറിച്ച് ചോദിച്ചിരുന്നു. ഇനി വിവാഹത്തിന് അധികനാളില്ലല്ലോ, വിവാഹ ശേഷം പോയാല്‍ മതിയെന്നായി അച്ഛൻ. അന്ന് നടക്കാതെ പോയ ആ ഗോവന്‍ യാത്ര ഇത്ര കാലമായിട്ടും നടന്നില്ല. ഇപ്പോള്‍ യാത്ര എന്ന് പറഞ്ഞ് ചെല്ലുമ്പോള്‍ത്തന്നെ ചേട്ടന്‍ ഓടിക്കും, നവ്യ പറയുന്നു. നടിയുടെ വാക്കുകൾ സോഷ്യൽ മീഡിയയിൽ വൈറലായിട്ടുണ്ട്.

Recommended Video

ഒരുത്തിയുടെ പൂജ ദൃശ്യങ്ങള്‍ | Oruthi Movie pooja visuals | Filmibeat Malayalam

2010 ൽ ആയിരുന്നു നവ്യയുടേയും സന്തോഷ് മേനോന്റേയും വിവാഹം. വീട്ടുകാർ ഉറപ്പിച്ച വിവാഹമായിരുന്നു. കല്യാണത്തിന് ശേഷം സന്തോഷിനോടൊപ്പം മുംബൈയിലേയ്ക്ക് പോവുകയായിരുന്നു താരം. മകൻ വലുതായതിന് ശേഷമാണ് നവ്യ സിനിമയിൽ എത്തിയത്. ഇവർക്ക് സായി കൃഷ്ണ മേനോൻ എന്നൊരു മകനുണ്ട്. ഒരുത്തിയാണ് ഇനി പുറത്ത് വരാനുള്ള നവ്യയുടെ ചിത്രം കന്നഡയിൽ ദൃശ്യം 2 ന്റെ രണ്ടാം പതിപ്പിലും നവ്യ അഭിനയിക്കുന്നുണ്ട് ചിത്രത്തിന്റെ ആദ്യ പതിപ്പിലും നവ്യ ആയിരുന്നു നായിക. വികെപി സംവിധാനം ചെയ്യുന്ന ഒരുത്തിയിൽ ഒരു ശക്തമായ സ്ത്രീ കഥാപാത്രമാണ് നടി അവതരിപ്പിക്കുന്നത്.