തുണിയൂരി തുടങ്ങിയല്ലേ, സാരി ഉടുത്ത് ബോള്‍ഡായതിന് വന്ന കമന്റ്! പെണ്‍കുട്ടികള്‍ മാത്രം മോശക്കാരികളെന്ന് നയന

'മോഡേണും നാടനുമായ കഥാപാത്രങ്ങള്‍ക്ക് നമ്മുടെ ലുക്കും ഹെയര്‍ സ്റ്റൈലുമൊക്കെ നോക്കിയാണ് വിളിക്കുന്നത്. അതുകൊണ്ടാണ് പല വേഷത്തിലും ലുക്കിലുമുള്ള ഫോട്ടോഷൂട്ടുകള്‍ ചെയ്യുന്നതെന്നാണ് നയന പറയുന്നത്.

എന്നാല്‍ നിക്ക് ബബ്ലി ലുക്കാണെന്ന് പറഞ്ഞ് വേഷങ്ങള്‍ തരാതിരുന്നിട്ടുണ്ട്. അഭിനയം ശരിയാകാത്തത് കൊണ്ട് വേഷം കിട്ടിയില്ലെന്ന് പറയുന്നത് മനസിലാക്കാം. പക്ഷേ പലപ്പോഴും ലുക്ക് നോക്കിയാണ് ഒഴിവാക്കുന്നത്. ഒറ്റ നോട്ടത്തില്‍ തന്നെ ഈ കുട്ടിയ്ക്ക് ഇത് ചെയ്യാന്‍ പറ്റില്ലെന്ന് പറയും'.

Also Read: എന്റെ പഴയ സാരി കൊണ്ട് ഷര്‍ട്ടാക്കിയാലും പൃഥ്വി ഇടും; പക്ഷേ കാറിന്റെ കാര്യം അങ്ങനെയല്ലെന്ന് മല്ലിക സുകുമാരന്‍

'അങ്ങനെ റിജക്ട് ചെയ്യപ്പെടുന്നത് വിഷമം നല്‍കാറുണ്ടെന്നാണ് നയന പറയുന്നത്. ഇതെല്ലാം കൊണ്ടാണ് വെയിറ്റ് കുറയ്ക്കുകയും ബോള്‍ഡ് ലുക്കിടക്കം ഫോട്ടോഷൂട്ട് നടത്തിയതും. ബോളിവുഡ് സ്‌റ്റൈലില്‍ സാരി ഉടുത്തും റിപ്ഡ് ജീന്‍സ് ധരിച്ചുമുള്ള ഫോട്ടോഷൂട്ടുകള്‍ ഈ അടുത്ത് ചെയ്തിരുന്നു. സിനിമയില്ലാത്തത് കൊണ്ട് തുണിയൂരി തുടങ്ങിയല്ലേ, എന്നായിരുന്നു ആ ചിത്രങ്ങള്‍ക്ക് താഴെ വന്ന കമന്റുകള്‍. ഇതൊക്കെ ആരും ഒരിക്കലും കേള്‍ക്കാന്‍ ആഗ്രഹിക്കുന്ന കാര്യങ്ങളല്ല'.

'ഞാന്‍ എന്റെ ശരീരം എക്‌സ്‌പോസ് ചെയ്യുന്നുവെന്നാണ് പറയുന്നത്. ആയിക്കോട്ടെ, അതൊക്കെ ഓരോരുത്തരുടെ ഇഷ്ടമല്ലേ. ഡ്രസിന്റെ നീളം അനുസരിച്ചാണോ ഒരു പെണ്‍കുട്ടിയുടെ ക്യാരക്ടര്‍ തീരുമാനിക്കുന്നതെന്ന'് നയന ചോദിക്കുന്നു.

'സിനിമയില്‍ അഭിനയിക്കുന്ന പെണ്‍കുട്ടികളെ മോശമായിട്ടാണ് പലരും കാണുന്നത്. ആളുകളുടെ മെന്റാലിറ്റി ഇനിയും മാറിയിട്ടില്ല. എന്നാല്‍ പുരുഷനാണെങ്കില്‍ അയാളെ ഹീറോ ആയിട്ടാണ് കണക്കാക്കുന്നത്. നിങ്ങള്‍ അടിപൊളിയാണ്, ഞാന്‍ വലിയ ഫാനാണ്, എന്നൊക്കെയാണ് അവരെ കുറിച്ച് ആളുകള്‍ പറയുന്നത്. എന്നാല്‍ സിനിമയില്‍ അഭിനയിക്കുന്ന പെണ്‍കുട്ടിയാണെങ്കില്‍ ആ കുട്ടി ശരിയല്ലെന്നാണ് പലരും പറയാറ്.

എന്തുകൊണ്ടാണ് പെണ്‍കുട്ടികളെ മാത്രം മോശക്കാരായി കാണുന്നത്. കമന്റ് ബോക്‌സുകളില്‍ മറ്റുള്ളവരെ വേദനിപ്പിക്കുന്ന രീതിയില്‍ എന്തിനാണ് കമന്റ് ചെയ്യുന്നത്. പലരും സ്വന്തം പ്രൊഫൈലില്‍ നിന്ന് പോലുമല്ല കമന്റിടാറുള്ളത്. ഇതില്‍ നിന്നും എന്ത് സന്തോഷമാണ് ഇവര്‍ക്ക് ലഭിക്കുന്നത്. അഭിപ്രായം പറയാം. പക്ഷേ മറ്റുള്ളവരെ വേദനിപ്പിക്കാതിരുന്നൂടെ?', എന്നും നയന ചോദിക്കുന്നു.