അതൊരു കുട്ടിയാണെന്ന് തോന്നുന്നു, ഇനി ഈ ആഭാസം അനുവദിക്കില്ല, മുന്നറിയിപ്പുമായി ശ്രിന്ദ

ഇത് അവസാനിപ്പിക്കണം എന്ന് എഴുതിയ ചിത്രം പങ്കുവെച്ചു കൊണ്ടായിരുന്നു ശ്രിന്ദയുടെ കുറിപ്പ്. ക്രിയാത്മകമായ അഭിപ്രായങ്ങളു നിലപാടുകളും അറിവും പങ്കുവെയ്ക്കുന്ന ഒരു സ്ഥലമാണ് സോഷ്യൽ മീഡിയ. എന്നാൽ ചില ആളുകൾ ഇതിനെ മോശമായ രീതിയിൽ വിനിയോഗം ചെയ്യുന്നുണ്ട്. പൊതുവെ സോഷ്യൽ മീഡിയ പേജുകളിൽ പ്രത്യക്ഷപ്പെടുന്ന ആശ്ലീല കമന്റുകളോട് ഞാൻ പ്രതികരിക്കാറില്ല. ഇത്തരക്കാർ മറ്റുള്ളവരുടെ ശ്രദ്ധ ലഭിക്കാൻ വേണ്ടിയാണ് ഇത്തരം പ്രവർത്തികൾ ചെയ്യുന്നതെന്ന് തനിയ്ക്ക് അറിയാം. മാത്രമല്ല ഇതൊന്നും തന്നെ ബാധിക്കുന്ന കാര്യമേയല്ലെന്നും ശ്രിന്ദ കുറിപ്പിൽ പറയുന്നു.

എന്നാൽ ഇത്തവണ തുറന്നു പറയാൻ തനിയ്ക്ക് ഒരു കാരണമുണ്ടെന്നും ശ്രിന്ദ പറയുന്നു. ഇത്തവണ ഒരു കുട്ടിയുടെ പ്രെഫൈലിൽ നിന്നാണ് എനിയ്ക്ക് മോശം കമന്റ് വന്നിരിക്കുന്നത്. ഇത് ഒരു കുട്ടിയായതിനാലാണ് താൻ പ്രതികരിക്കുന്നത്. വളരെ മോശമായ കമന്റുകളാണ് ഈ കുട്ടിയിൽ നിന്ന് വന്നിരിക്കുന്നത്. അത് പിന്നീട് വലിയൊരു ബഹളമാകുകയായിരുന്നു. എനിയ്ക്ക് വേണ്ടി പിന്തുണച്ച നിന്ന ഒരുകുട്ടിയുണ്ട്. അവർക്ക് നന്ദിയുണ്ടെന്നും ശ്രിന്ദ പറയുന്നുണ്ട്.

എന്നാൽ ഇത് ഇങ്ങനെ വിട്ട് കൊടുക്കാൻ കഴിയുകയില്ല.എന്റെ പേജിൽ ഇതുപോലുളള വെറുപ്പും അശ്ലീല കമന്റുകളുംയാതൊരു കാരണവശാലും അംഗീകരിക്കാനാകില്ല' ഇതുപോലെ സംസാരിക്കുന്നത് ശരിയല്ല. ഞാന്‍ എന്ത് ധരിക്കണമെന്നുള്ളത് എന്റെ തീരുമാനമാണ്. എന്റെ പ്രൊഫൈലിൽ മോശം ഭാഷയിലൂടെ സംസാരിക്കുന്നതും അശ്ലീലം പ്രചരിപ്പിക്കുന്നതും നിങ്ങളാണ്. ഇത് ഇനിയൊട്ടും സഹിക്കാനാകില്ല. ഇത് അവസാനിപ്പിച്ചേ മതിയാകൂ, സ്വയം ബഹുമാനിക്കാൻ പഠിക്കൂ. നല്ല കാര്യങ്ങൾ ചെയ്യൂ.'-ശ്രിന്ദ ഇൻസ്റ്റഗ്രാമിൽ കുറിച്ചു.

നടി രംഗത്ത് എത്തിയതോടെ അക്കൗണ്ട് ഡിആക്ടിവേറ്റ് ചെയ്തിരിക്കുകയാണ്. ശ്രിന്ദയ്ക്കി പിന്തുണയുമായി നടിമാരായ പ്രയാഗ മാര്‍ട്ടിന്‍, മീര നന്ദന്‍, ഗായിക രഞ്ജിനി ജോസ് തുടങ്ങിയവര്‍ രംഗത്തെത്തിയിട്ടുണ്ട്. തുറന്നെഴുത്തിനെ പ്രശംസിച്ചിട്ടുമുണ്ട്. സോഷ്യല്‍മീഡിയയിലൂടെയുളള ഇത്തരം ആഭാസം നിയമത്തിനു മുന്നില്‍ കൊണ്ടു വരേണ്ടതു തന്നെയാണെന്ന് രഞ്ജിനി ജോസ് പറഞ്ഞു. നേരത്തെ നടി മീര നന്ദനും തനിക്കെതിരെ വന്ന ഇത്തരം അശ്ലീല പരാമര്‍ശങ്ങള്‍ക്കെതിരെ ശബ്ദമുയര്‍ത്തിയിരുന്നു- ശ്രിന്ദ കുറിച്ചു. കഴിഞ്ഞ ദിവസം നടി അനുമോളും ഇതെ പരാതിയുമായ് രംഗത്തെത്തിയിരുന്നു. നിയമപരമായി നേരിടും എന്ന മുന്നറിയിപ്പും താരം നൽകിയിരുന്നു.