ഹോം

വിശേഷങ്ങൾ

ടെലിവിഷന്‍ പരമ്പരയിലൂടെയും കോമഡി പരിപാടികളിലൂടെയുമൊക്കെ ശ്രദ്ധേയായി മാറിയ നടിയാണ് സുരഭി ലക്ഷ്മി. മികച്ച നടിയ്ക്കുള്ള ദേശീയ പുരസ്‌കാരം നേടിയതിന് പിന്നാലെയാണ് സുരഭിയുടെ അഭിനയം പലരും ചര്‍ച്ചയാക്കി തുടങ്ങിയത്. എന്നാല്‍ പുരസ്‌കാര നേട്ടത്തിന് പിന്നാലെ സിനിമാ ജീവിതത്തില്‍ കാര്യമായ മാറ്റമൊന്നും സംഭവിച്ചിട്ടില്ലെന്നാണ് ന്യൂസ് മിനുറ്റിന് നല്‍കിയ അഭിമുഖത്തിലൂടെ സുരഭി പറയുന്നത്.

തുടക്കത്തിലുള്ള പ്രയാസം എത്രത്തോളം ഉണ്ടായിരുന്നെന്ന് ചോദിച്ചാല്‍ ഇപ്പോഴും പ്രയാസങ്ങളുണ്ടെന്നാണ് സുരഭി പറയുന്നത്. ശരിക്കും സുരഭി ലക്ഷ്മിയെ അവതരിപ്പിക്കുന്ന ഒരു ഇന്‍ട്രോ അവസരം ഇനിയും എനിക്ക് ലഭിച്ചിട്ടില്ല. സിനിമയുടെ ഇന്റര്‍വല്ലില്‍ വരുന്ന പഞ്ച് കഥാപാത്രങ്ങളില്‍ നിന്ന് പ്രധാന്യമുള്ള വേഷമായി മാറുന്ന കഥാപാത്രമാണ് തുടക്കം മുതല്‍ ഞാന്‍ ചെയ്ത് വന്നിരുന്നത്. മാത്രമല്ല നാടകങ്ങളിലും ടെലിവിഷന്‍ ഷോ കളിലും നിരന്തരം പങ്കെടുക്കുന്ന ആളായത് കൊണ്ട് സിനിമയില്‍ എനിക്ക് വ്യത്യസ്തത ഉണ്ടായിരുന്നെന്ന് പറയാം.

ഇതുവരെ എനിക്ക് വേഷങ്ങള്‍ തിരഞ്ഞെടുക്കാനുള്ള അധികാരം ലഭിച്ചിട്ടില്ല. ടൈപ്പ് കാസ്റ്റ് ചെയ്യപ്പെടുമോ എന്ന പേടിയുള്ളത് കൊണ്ടാണ് ചില സിനിമകള്‍ വേണ്ടെന്ന് പറഞ്ഞത്. പക്ഷേ അവിടെ അവസരങ്ങള്‍ കുറവായി. മികച്ച നടിയ്ക്കുള്ള ദേശീയ പുരസ്‌കാരം നേടിയത് കൊണ്ടൊന്നും ഇതിന് മാറ്റമുണ്ടായില്ല. പിന്നെയും നാലഞ്ച് വര്‍ഷമെടുത്തു കുറച്ചെങ്കിലും മാറാന്‍. കപ്പേള സിനിമയുടെ സംവിധായകനും എന്റെ സുഹൃത്തുമായ മുസ്തഫ ഇക്കാര്യം പറഞ്ഞിരുന്നു. ഇതുകൊണ്ടൊന്നും ഒന്നും മാറാന്‍ പോവില്ലെന്നാണ് മുസ്തഫ പറഞ്ഞത്.

ബിപാഷയോട് വല്ലാത്ത ആകര്‍ഷണം തോന്നിയിട്ടുണ്ട്; പൊതുവേദിയില്‍ നടിയെ കുറിച്ച് നടന്‍ മാധവന്‍ പറഞ്ഞത്

ഞാന്‍ പെട്ടെന്ന് ഒരു സൂപ്പര്‍സ്റ്റാറിന്റെ നായികയാവാന്‍ പോവുന്നില്ല. ഇപ്പോള്‍ ശരിയായ ദിശയില്‍ തന്നെയാണ് പോവുന്നത്. അതുകൊണ്ടാണ് ഈ അവാര്‍ഡ് ലഭിച്ചതെന്നും അദ്ദേഹം പറഞ്ഞതായി സുരഭി പറയുന്നു.

ഭര്‍ത്താവിനൊപ്പം താമസിച്ച വീട സാമന്ത സ്വന്തമാക്കിയത് 100 കോടിയ്ക്ക്; നടി വീട് വാങ്ങിയതിനെ പറ്റി പ്രമുഖ നടന്‍

എനിക്ക് ചേരുമെന്ന് തോന്നിയ കഥാപാത്രങ്ങള്‍ മാത്രമാണ് ഇതുവരെ സ്വീകരിച്ചിട്ടുള്ളത്. മുന്‍പൊക്കെ ഒരു സിനിമയില്‍ ഞാന്‍ ചെയ്ത നാല് സീനുകളില്‍ ഒരെണ്ണം മാത്രമേ അതില്‍ ഉണ്ടാവു. ബാക്കി സീനുകളൊക്കെ വെട്ടി മാറ്റിയെന്ന കാര്യം അവര്‍ നമ്മളെ അറിയിക്കില്ല. തിയറ്ററില്‍ പോയി സിനിമ കാണുമ്പോഴാണ് നമ്മള്‍ അഭിനയിച്ചതൊന്നും ഇല്ലെന്ന് അറിയുക. ദേശീയ പുരസ്‌കാരം കിട്ടുന്നത് വരെ ഇങ്ങനൊക്കെ നടന്നിട്ടുണ്ടെന്ന് സുരഭി പറയുന്നു.

കല്യാണം കഴിക്കാമെങ്കില്‍ പ്രണയിക്കാം, കണ്ടയുടന്‍ ഇഷ്ടം പറഞ്ഞു; ആദ്യ പ്രണയത്തെ കുറിച്ച് നടി വീണ നായര്‍

ഇപ്പോള്‍ എന്നെ തേടി കുറച്ചൂടി പ്രധാന്യമുള്ള വേഷങ്ങള്‍ വരുന്നുണ്ട്. ഇതിനകം അമ്പത് സിനിമകളോളം ചെയ്തിട്ടുണ്ട്. അതില്‍ ചിലതില്‍ ഒന്നോ രണ്ടോ സീനുകള്‍ മാത്രമേ എനിക്കുള്ളുവെന്ന് സുരഭി പറഞ്ഞു. അതേ സമയം ക്യാമറയ്ക്ക് മുന്നില്‍ വരുമ്പോള്‍ പേടിച്ചിട്ടുണ്ടോന്ന് ചോദിച്ചാല്‍ അങ്ങനെ ഉണ്ടെന്നാണ് നടിയ്ക്ക് പറയാനുള്ളത്.

Recommended Video

സ്റ്റേജില്‍ കയറുമ്പോള്‍ തോന്നുന്ന അതേ ഭയം ക്യാമറയുടെ മുന്നില്‍ വരുമ്പോഴും തോന്നിയേക്കാം. ആ സിനിമയില്‍ ഒരു സീന്‍ മാത്രമേ ഉണ്ടാവൂ. എങ്കിലും ആ ഭയം എപ്പോഴും കൂടെയുണ്ടാവും. ആ അവസ്ഥ ഞാന്‍ ശരിക്കും ആസ്വദിക്കുന്നുണ്ട്. അത് ഗൗരവ്വമായി തന്നെ എടുക്കുകയും ചെയ്യുമെന്നും സുരഭി വ്യക്തമാക്കുന്നു.