ടൊവിനോ ഭക്ഷണം കഴിക്കുന്നത് കണ്ടിട്ടില്ല! നിവിന്‍ ഫുഡ് വാങ്ങിച്ച് തന്നിരുന്നുവെന്നും അഹാന കൃഷ്ണ!

നിവിന്‍ പോളി ഫുഡിയാണ്

ഞണ്ടുകളുടെ നാട്ടില്‍ ഒരിടവേളയിലൂടെയാണ് നിവിന്‍ പോളിയും അഹാന കൃഷ്ണയും ഒരുമിച്ച് അഭിനയിച്ചത്. ഐശ്വര്യ ലക്ഷ്മിയായിരുന്നു ചിത്രത്തിലെ നായിക. മലയാളികളുടെ എക്കാലത്തേയും പ്രിയപ്പെട്ട നായികമാരിലൊരാളായ ശാന്തി കൃഷ്ണയുടെ ശക്തമായ തിരിച്ചുവരവ് കൂടിയായിരുന്നു ഈ ചിത്രത്തിലൂടെ നടന്നത്. നിവിന്‍ ചേട്ടനൊപ്പമുള്ള അനുഭവം രസകരമായിരുന്നുവെന്ന് താരം പറയുന്നു. നിവിനുമായി ഒറ്റയ്ക്ക് സീനുകളൊന്നുമില്ലായിരുന്നു. നിവിന്‍ ചേട്ടന്‍ നന്നായി ഫുഡ് കഴിക്കാറുണ്ട്. പുറത്ത് കൊണ്ടുപോയി ഫുഡൊക്കെ വാങ്ങിച്ച് തരുമെന്നായിരുന്നു. ഇതുവരെ പ്രവര്‍ത്തിച്ച സിനിമകളിലെല്ലാം മികച്ച റാപ്പോ ഉണ്ടാക്കാന്‍ തനിക്ക് കഴിഞ്ഞിട്ടുണ്ടെന്നും താരം പറയുന്നു.

ടൊവിനോയുടെ ഡയറ്റ്

ടൊവിനോയുമായി കൂടുതല്‍ സ്‌ക്രീന്‍ സ്‌പേസ് ഉണ്ടായിരുന്നു. ഡയറ്റിന്റെ കാര്യത്തില്‍ കൃത്യമായി ശ്രദ്ധിക്കുന്ന ആളായതിനാല്‍ ടൊവിനോ ഫുഡ് കഴിക്കുന്നത് താന്‍ കണ്ടിട്ടില്ലെന്ന് അഹാന പറയുന്നു. ലൂക്കയിലെ കെമിസ്ട്രിക്ക് ഗംഭീര കൈയ്യടിയാണ് ലഭിച്ചുകൊണ്ടിരിക്കുന്നത്. ചിത്രീകരണത്തിന് മുന്‍പ് തന്നെ തങ്ങള്‍ റിഹേഴ്‌സല്‍ നോക്കാറുണ്ടായിരുന്നുവെന്നും ഡയലോഗുകളൊക്കെ പറഞ്ഞ് നോക്കാറുണ്ടെന്നുമൊക്കെ അഹാന പറഞ്ഞിരുന്നു. ലൂക്കയായി ടൊവിനോ എത്തിയപ്പോള്‍ നിഹാരികയായാണ് താരമെത്തിയത്. ഈ ചിത്രത്തിലൂടെ മികച്ച നടിക്കുള്ള പുരസ്‌കാരം താരത്തിന് ലഭിച്ചേക്കുമെന്ന തരത്തിലുള്ള പ്രവചനങ്ങള്‍ വരെ നടന്നിരുന്നു. അതുവരെ താരത്തെ വിമര്‍ശിച്ചവര്‍ പോലും ആരാധകരായി മാറുന്ന കാഴ്ചകളുമുണ്ടായിരുന്നു.

ആദ്യ ചിത്രത്തിലെ നായകന്‍

ഫര്‍ഹാന്‍ ഫാസിലായിരുന്നു അഹാന കൃഷ്ണയുടെ ആദ്യ നായകന്‍. ലൂക്കയുടെ ട്രെയിലര്‍ വച്ചു കണ്ടിരുന്നുവെന്നും സിനിമ കണ്ടതിന് ശേഷമുള്ള അഭിപ്രായം പറഞ്ഞിരുന്നില്ലെന്നും താരം പറയുന്നു. പാട്ട് കണ്ടതിന് ശേഷം സൂപ്പറായിരുന്നുവെന്ന് പറഞ്ഞിരുന്നു. തിരക്കഥാകൃത്ത് മുതല്‍ സിനിമയുമായി ബന്ധപ്പെട്ട് പ്രവര്‍ത്തിക്കുന്നവര്‍ എല്ലാവരുമായും നല്ല ബന്ധമുണ്ടാക്കാന്‍ കഴിഞ്ഞിട്ടുണ്ടെന്നും താരം പറയുന്നു. ലൂക്കയ്ക്കും പതിനെട്ടാം പടിക്കും ശേഷം റിലീസ് ചെയ്യുന്ന ചിത്രത്തിനായി കാത്തിരിക്കുകയാണ് ആരാധകര്‍.

ഇഷ്ടപ്പെട്ട നടന്‍മാര്‍

ഒരുപാട് താരങ്ങളെ ഇഷ്ടമുണ്ടെന്നും ഫഹദ് ഫാസിലിനെ ഏറെ ഇഷ്ടമാണെന്നും താരം പറയുന്നു. താന്‍ ഭാവിയില്‍ സിനിമയിലേക്കെത്തുമെന്ന തകാര്യത്തെക്കുറിച്ച് ഒരു ധാരണയുമുണ്ടായിരുന്നില്ലെന്നും താരം പറയുന്നു. കോളേജ് പിള്ളേരും ആന്റമാരുമൊക്കെ സിനിമ നന്നായെന്ന് പറഞ്ഞപ്പോള്‍ സന്തോഷം തോന്നിയിരുന്നു. എല്ലാവര്‍ക്കും ഇഷ്ടപ്പെടുന്ന തരത്തിലുള്ള സിനിമയായിരിക്കും ലൂക്കയെന്ന് നേരത്തെ തന്നെ അറിയാമായിരുന്നു. ചിത്രീകരണത്തിനിടയില്‍ത്തന്നെ ഇക്കാര്യത്തെക്കുറിച്ച് തങ്ങള്‍ മനസ്സിലാക്കിയിരുന്നുവെന്നും അഹാന പറയുന്നു.