ആദ്യം ദേഷ്യം വന്നു പിന്നെ ചിരിയാണ് തോന്നിയത്, ട്രോൾ ആക്രമണത്തെ കുറിച്ച് ലിച്ചി

സോഷ്യൽ മീഡിയയിൽ വരുന്ന ഇത്തരം കമന്റുകൾ ദേഷ്യമുണ്ടാക്കിയിരുന്നു. പക്ഷെ, എല്ലാവർക്കും സ്വരം നൽകുന്ന ഇടമാണ് സോഷ്യൽ മീഡിയ. അവിടെ ആർക്കും എന്തുവേണോ പറയാം. എന്ത് കമന്റും ചെയ്യാം. അതവരുടെ സന്തോഷമാണ്. അങ്ങനെ അവർക്ക് സന്തോഷം ലഭിക്കുന്നെങ്കിൽ ആയിക്കൊള്ളട്ടെ. അങ്ങനെയൊരു സബ്ജക്ട് ഉണ്ടാക്കാൻ സാധിച്ചതിൽ തനിയ്ക്ക് വളരെ സന്തോഷമുണ്ടെന്ന് അന്ന പറഞ്ഞു.

ഇന്ന് ഓരോരുത്തരും സോഷ്യൽ മീഡിയയിൽ വൈറലാകാൻ വേണ്ടി എന്തൊക്കെ കാര്യങ്ങൾ ചെയ്യുന്നു. അങ്ങനെയൊന്നും ആവണ്ടല്ലോ എന്ന് നർമത്തിൽ പറയുകയാണ് നടി. ഇത്രയും ആളുകൾ ഉണ്ടായിട്ടും ഒരാളെ മാത്രം സോഷ്യൽ മീഡിയയിൽ ഇടുന്നത് വലിയ കാര്യമല്ലേ. അങ്ങനെയെങ്കിലും അറിയപ്പെടുന്നുണ്ടല്ലോ? താരം ചോദിക്കുന്നു.

ലാൽ ജോസ് സംവിധാനം ചെയ്ത മോഹൻലാൽചിത്രമായ വെളിപാടിന്റെ പുസ്തകത്തിന്റെ ഷൂട്ടിങ് കഴിഞ്ഞ് ഒരാഴ്ച കഴിഞ്ഞ് ജോയിൻ ചെയ്ത ചിത്രമാണ് സച്ചിൻ. രണ്ട് തലമുറയിൽപ്പെട്ട നയാകന്മാരോടൊപ്പം അഭിനയിക്കുന്നതിൽ ഏറെ സന്തോഷമുണ്ട്. എല്ലാ ജനറേഷനിലു പെട്ട താരങ്ങളോടൊപ്പം അഭിനയിക്കാൻ അവസരം ലഭിക്കുന്നത് ഭാഗ്യമാണ്. എല്ലാ റോളുകളും കൈകാര്യം ചെയ്യാൻ പറ്റും എന്ന തോന്നലുളളതുകൊണ്ടാണല്ലോ അവർ എന്നെ വിളിക്കുന്നത്.എനിക്ക് എന്റേതായ പരിമിതികളുണ്ട്. എങ്കിലും മലയാള സിനിമയിലെ സൂപ്പര്‍സ്റ്റാറുകള്‍ക്കൊപ്പം യുവതാരങ്ങള്‍ക്കൊപ്പവുമൊക്കെ അഭിനയിക്കാന്‍ പറ്റി. ഇതില്‍ കൂടുതൽ എന്താണ് വേണ്ടതെന്ന് അന്ന ചോദിക്കുന്നു.

കൈനിറയെ ചിത്രങ്ങളാണ് അന്നയ്ക്ക്. മലയാളത്തിൽ മാത്രമല്ല മറ്റ് തെന്നിന്ത്യൻ ഭാഷകളിൽ നിന്നു നിരവധി ഓഫറുകളാണ് താരത്തെ തേടിയെത്തുന്നത്. മലയാളത്തിൽ മൂന്ന് ചിത്രങ്ങൾ ഷൂട്ടിങ് ആരംഭിക്കാനുണ്ട്. ഒരു തമിഴ് ചിത്രം റിലീസിനൊരുങ്ങുകയാണ് . തെലുങ്കിലും താരത്തിന്റെ ഒരു ചിത്രം എത്തുന്നുണ്ട്. ധ്യാൻ ശ്രീനിവാസൻ നായകനായി എത്തിയ സച്ചിനാണ് അന്നയുടെ ഏറ്റവും ഒടുവിൽ പുറത്തിറങ്ങിയ മലയാള ചിത്രം. 'ക്രിക്കറ്റ് പശ്ചാത്തലത്തിലുള്ള ഒരു ലവ് സ്റ്റോറിയാണിത്.