ശരീരത്തിലെ മാറ്റം മനസിലാക്കി തന്നത് സോഷ്യൽ മീഡിയ, മേക്കോവറിനെ കുറിച്ച് അന്ന രാജൻ

അയ്യപ്പനും കോശിയും ചെയ്യുന്ന സമയം മുതൽ മറ്റൊരു ചിത്രത്തിന് വേണ്ട തടി കുറയ്ക്കാൻ തുടങ്ങിയിരുന്നു. എന്നാൽ കൊറോണ വന്നതോടെ പ്ലാൻ എല്ലാം മാറുകയായിരുന്നു. ഇനി ഈ പ്രശ്നങ്ങളെല്ലാം കഴിഞ്ഞിട്ട് തുടങ്ങാം എന്നും കരുതി. ലോക്ക് ഡൗൺ കാലത്ത് ജീവിത ശൈലി മാറിയപ്പോൾ അതിനോടൊപ്പം ശരീരവും മാറി. എങ്കിലും ആരോഗ്യകാര്യങ്ങളിൽ കുറച്ച് കൂടി ശ്രദ്ധിക്കാം എന്ന് തീരുമാനിക്കുകയായിരുന്നു.

ലോക്ക് ഡൗൺ കാല വെറുതെ ഇരുന്ന് ആകെ ബോർ ആയപ്പോഴാണ് ഷട്ടിൽ കളിച്ചാലോ എന്ന് ആലോചിക്കുന്നത്. അങ്ങനെ ഞാനും ചേട്ടനും കൂടി കളി തുടങ്ങി. ഇപ്പോൾ എല്ലാ ദിവസവും രാവിലേയും വൈകുന്നേരവും മണിക്കൂറോളം ഷട്ടിൽ കളിക്കുന്നുണ്ട് ഒപ്പം മധുര പലഹാര കഴിക്കുന്നത് നിർത്തി. പിന്നെ ഭക്ഷണ കഴിക്കുന്ന ശൈലി കൂടി മാറ്റുകയും ചെയ്തപ്പോൾ സംഭവിച്ചതാണ് ഇപ്പോൾ കാണുന്ന ഈ മാറ്റം.

നേരത്തെ മുതൽ പിന്തുടരുന്ന ആഹാര രീതിയുണ്ടായിരുന്നു. ബ്രേക്ക് ഫാസ്റ്റിനോട വലിയ താൽപര്യമില്ല. രാവിലെ ഒരു കോഫി കഴിക്കും. ഞാൻ അധികം ഭക്ഷണം കഴിക്കുന്ന ആളല്ലായിരുന്നു. പകൽ വെള്ളം മാത്രം കുടിക്കും. രാത്രി മാത്രമാണ് കാര്യമായി ഭക്ഷണ കഴിക്കുന്നത്. അതിനിടെ മധുര പലഹാരങ്ങൾ കഴിച്ച് കൊണ്ടേ ഇരിക്കും . ഇപ്പോൾ അതൊക്കെ പൂർണ്ണമായി നിർത്തി ഭക്ഷണം കഴിക്കാൻ തുടങ്ങി. തനിക്ക് ഏറ്റവും ഇഷ്ടമുള്ള മധുര പലഹാരങ്ങൾ കടുത്ത ആഗ്രഹം തോന്നുമ്പോഴാണ് ഇപ്പോൾ കുറച്ച് കഴിക്കുന്നത്.

ഒരു പ്രോഗ്രാമിന് വേണ്ടി എടുത്ത ചിത്രമായിരുന്നു ഓണാശംസയ്ക്കൊപ്പ ഞാൻ പോസ്റ്റ് ചെയ്തത്. ഈ ചിത്രം കണ്ടതിന് ശേഷമാണ് മേക്കോവർ എന്ന് പറഞ്ഞ് പലരും മെസേജ് അയക്കാൻ തുടങ്ങിയത്. തന്റെ മേക്കോവർ കണ്ടു പിടിച്ചത് സോഷ്യൽ മീഡിയയാണ് അന്ന വനിതയോട് പറഞ്ഞു. ചിത്രത്തിന് മികച്ച കമന്റുകൾ ലഭിച്ചപ്പോഴാണ് മാറ്റത്തെ കുറിച്ച് തനിക്കും തോന്നിയത്. എങ്കിലും കൃത്യമായി എത്ര കിലോ കുറഞ്ഞു എന്ന് താൻ നോക്കിയിട്ടില്ലെന്നും അന്ന അഭിമുഖത്തിൽ പറയുന്നു.