എൻ്റെ പുത്രിയാണ്, ആഘോഷത്തിന് ഒരുങ്ങുകയാണെന്ന് അനു ജോസഫ്; നടി വിവാഹം കഴിച്ചോന്ന് ആരാധകരും

തന്റെ വീട്ടില്‍ വന്ന സ്‌പെഷ്യല്‍ ഗസ്റ്റിനെ പരിചയപ്പെടുത്തി തരാമെന്ന് പറഞ്ഞാണ് ഇത്തവണ അനു ജോസഫ് എത്തിയിരിക്കുന്നത്. കാര്‍ന്നോന്മാരെ പോലെ വീട്ടില്‍ വന്നിട്ട് ചായ മാത്രം മതി എന്ന് പറഞ്ഞാണ് ആളിരിക്കുന്നതെന്ന് പറഞ്ഞ് അനു ഗസ്റ്റിന് ചായ കൊടുത്തു. ഇതിന് ശേഷമാണ് ഇതെന്റെ പുത്രിയാണെന്നും അവളുടെ ജന്മദിനമാവാറായെന്നും നടി പറയുന്നത്. മുന്‍പ് കാത് കുത്തുന്ന വീഡിയോയിലാണ് കുഞ്ഞിനെ നിങ്ങള്‍ക്ക് കാണിച്ചത്.

ഇപ്പോള്‍ വീണ്ടും അവളുടെ ജന്മദിനത്തോട് അനുബന്ധിച്ച് ഷോപ്പിങ്ങിന് പോവുന്ന വീഡിയോയുമായിട്ടാണ് അനു എത്തിയിരിക്കുന്നത്. എറണാകുളത്ത് താമസിക്കുന്ന നക്ഷത്ര എന്ന കുഞ്ഞിനെയാണ് അനു ജോസഫ് സ്വന്തം മകളെ പോലെ കരുതുന്നത്. അവളുമായിട്ടുള്ള തന്റെ ബന്ധത്തെ കുറിച്ച് നടി മുന്‍പ് പറഞ്ഞിരുന്നു. തിരുവനന്തപുരത്തേക്ക് വരുമ്പോഴാണ് കൂടുതലായും കുഞ്ഞിനെ കാണാറുള്ളത്. അങ്ങനെ പിറന്നാൡന് മുന്നോടിയായി കുടുംബത്തോടൊപ്പം കുഞ്ഞ് എത്തിയിരിക്കുകയാണ്.

പിറന്നാളിന് വേണ്ട ഉടുപ്പുകളും ചെരുപ്പുമൊക്കെ അനു തന്നെയാണ് വാങ്ങി കൊടുത്തത്. അങ്ങനെ തന്റെ കാഴ്ചക്കാര്‍ക്ക് രസകരമായൊരു വീഡിയോ നല്‍കാന്‍ നടിയ്ക്ക് സാധിച്ചു. പക്ഷേ മുന്‍പും ഉയര്‍ന്ന് വന്നത് പോലെ ഈ കുഞ്ഞ് ആരുടെയാണെന്ന ചോദ്യം വന്നിരുന്നു. അനുച്ചേച്ചി ഇതുവരെ കല്യാണം കഴിച്ചില്ലല്ലോ പിന്നെ എങ്ങനെയാണ് സ്വന്തം പുത്രിയാണെന്ന് പറയുന്നതെന്നാണ് ഒരാള്‍ വീഡിയോയുടെ താഴെ കമന്റിലൂടെ ചോദിച്ചത്.

വീഡിയോ മുഴുവന്‍ കാണാത്തത് കൊണ്ടാണോ ഇങ്ങനെ ചോദിക്കുന്നത്. ഇത് അനുവിന്റെ സുഹൃത്തിന്റെ കൊച്ചാണ്. സൗഹൃദം എത്രത്തോളം കാത്തൂസൂക്ഷിക്കുന്ന ആളാണ് അനുവെന്ന് ഇതിലൂടെ തന്നെ മനസിലാവും. എന്ന് തുടങ്ങി നിരവധി അഭിപ്രായങ്ങളാണ് നടിയുടെ പുതിയ വീഡിയോയ്ക്ക് ലഭിക്കുന്നത്. ചിലര്‍ അനുവിനോട് വിവാഹത്തെ കുറിച്ച് ആലോചിക്കുന്നില്ലേ എന്നും ചോദിക്കുന്നുണ്ട്. എന്തായാലും അഭിനയത്തിന് പുറമേ യൂട്യൂബ് വീഡിയോയുമായി സജീവമായി തുടരാനാണ് നടിയുടെ തീരുമാനം.