നല്ല രീതിയില്‍ സംസാരിച്ച് പിരിയാന്‍ പറ്റിയില്ല; ഒടുവില്‍ സന്തോഷ വാര്‍ത്ത പങ്കുവെച്ച് അശ്വതി ശ്രീകാന്ത്

ലൈഫ് അണ്‍എഡിറ്റഡ് എന്ന് പറഞ്ഞാണ് അശ്വതി വീഡിയോ പങ്കുവെക്കാറുള്ളത്. ഇന്നത്തെ ദിവസം വളരെ പ്രത്യേകതയുള്ള ദിവസമാണ്. ഇങ്ങനൊരു ദിവസം സംഭവിക്കുമെന്ന് ഞാന്‍ ഒരിക്കലും പ്രതീക്ഷിച്ചിരുന്നില്ല. മറ്റൊന്നുമല്ല, ചക്കപ്പഴം എന്ന സീരിയല്‍ ഇന്ന് വീണ്ടും ആരംഭിക്കാന്‍ പോകുകയാണ്.

നമ്മള്‍ ഒരു സമയത്ത് ഭയങ്കര സന്തോഷത്തോടെ ഒരു ആഘോഷം പോലെ സെലിബ്രേറ്റ് ചെയ്തിരുന്ന ഷോ യും സെറ്റുമൊക്കെ ആണ് ചക്കപ്പഴത്തിന്റേത്. ഒരു കുടുംബം പോലെ ഒരു വര്‍ഷത്തോളം ഞങ്ങള്‍ ഒരുമിച്ച് ഉണ്ടായിരുന്നു.

വ്യക്തിപരമായും പ്രൊഫഷണലായിട്ടുള്ള ഓരോ കാരണങ്ങള്‍ കൊണ്ട് അതില്‍ നിന്നും ഓരോരുത്തരായി പിന്മാറി. പിന്നീട് ചാനലിനും അത് തുടര്‍ന്ന് കൊണ്ടു പോകാന്‍ കഴിഞ്ഞില്ല. അങ്ങനെയാണ് ചക്കപ്പഴം ഒരിടയ്ക്ക് നിര്‍ത്തുന്നത്. ഞാനും കമലയുടെ ഡെലിവറിയുമായി ബന്ധപ്പെട്ടാണ് പിന്മാറിയത്. അതിന് ശേഷം രണ്ട് മാസം കഴിഞ്ഞപ്പോള്‍ മുതല്‍ തിരിച്ച് പോവണം എന്ന് കരുതിയെങ്കിലും പല കാരണങ്ങള്‍ കൊണ്ടും അത് സംഭവിച്ചില്ല.

എല്ലാവരും നല്ല രീതിയില്‍ സംസാരിച്ച് പിരിയാത്തതില്‍ ഞങ്ങള്‍ക്കും വല്ലാത്ത വിഷമം ഉണ്ടായിരുന്നു. അവസാനം ചാനല്‍ തന്നെ മുന്‍കൈ എടുത്ത് ആദ്യം തുടങ്ങിയപ്പോള്‍ മുതല്‍ ഉണ്ടായിരുന്ന പഴയ ടീമിനെ ഒരുമിച്ച് കൊണ്ട് വന്നു. വീണ്ടും അതേ ചക്കപ്പഴത്തെ കൊണ്ട് വന്നു. അതിന്റെ ആകാംഷയിലാണ് ഞാനിന്നെന്നും അശ്വതി പറയുന്നു.

കഴിഞ്ഞ ഒരു വര്‍ഷത്തിനിടയില്‍ സോഷ്യല്‍ മീഡിയയിലും നേരിട്ട് കാണുന്നവരുമൊക്കെ ഏറ്റവും കൂടുതല്‍ ചോദിച്ചത് എന്നാണ് ചക്കപ്പഴം സ്‌ക്രീനില്‍ വരിക എന്നാണ്. ഇനിയിപ്പോ എന്തായാലും അതുണ്ടാവില്ലെന്നും നമുക്ക് വേറെന്തെങ്കിലും ചെയ്യാം. അതിനി നടക്കുമോന്ന് അറിയില്ലെന്ന് ഞാനും പറഞ്ഞു. പലപ്പോഴും ഇതിനുള്ള മറുപടിയും ഞാന്‍ പറയാറില്ലായിരുന്നു. എന്തായാലും അത് തന്നെ സംഭവിച്ചുവെന്ന് അശ്വതി പറയുന്നു.

മക്കളായ പത്മയോടും കമലയോടും യാത്ര പറഞ്ഞാണ് വീട്ടില്‍ നിന്നും നടി ഇറങ്ങുന്നത്. ചക്കപ്പഴത്തിന്റെ ലൊക്കേഷനിലേക്ക് എത്തുന്നതും അവിടുത്തെ താരങ്ങളെയുമൊക്കെ അശ്വതി വീഡിയോയില്‍ കാണിച്ചിരുന്നു. വീണ്ടും ആശയും ഉത്തമനും ആവാന്‍ പോവുകയാണെന്ന് ശ്രീകുമാറിനൊപ്പം ചേര്‍ന്ന് അശ്വതി പറയുന്നു. പെണ്ണ് കെട്ടിയതിന് ശേഷം ഫുള്‍ മാറ്റത്തോടെയാണ് സുമേഷ് എന്ന കഥാപാത്രത്തെ അവതരിപ്പിക്കുന്ന റാഫി എത്തിയിരിക്കുന്നത്.