എനിക്ക് നഷ്ടമായതിനെ കണ്ടെത്തിയത് നിന്നെ കണ്ട ദിവസമാണെന്ന് റെയ്ജൻ രാജൻ! ഭാര്യക്ക് ഒപ്പമുള്ള ചിത്രം വൈറൽ

സോഷ്യൽ മീഡിയയിൽ സജീവമായ താരം ഭാര്യക്കൊപ്പമുള്ള ചിത്രവും അതിന് നൽകിയിരിക്കുന്ന ക്യാപ്ഷനുമാണ് ഇപ്പോൾ ശ്രദ്ധ നേടുന്നത്. 'നിന്നെ കണ്ടപ്പോഴാണ് എനിക്ക് എന്നിൽ നിന്നും നഷ്ടമായതിനെ കണ്ടെത്താൻ കഴിഞ്ഞത്. നീ എനിക്ക് പൂർണത വരുത്തുന്നു, എന്നെ നല്ല മനുഷ്യനാക്കുന്നു. നിന്നെ ഞാനൊരുപാട് ഇഷ്ടപ്പെടുന്നു', എന്നാണ് ചിത്രത്തിനൊപ്പം റെയ്ജൻ കുറിച്ചത്.

സാധിക വേണുഗോപാലുൾപ്പടെ നിരവധി പേർ ചിത്രത്തിന് കമന്റുമായി എത്തിയിട്ടുണ്ട്. ജീവിതത്തിൽ പ്രണയവും ബ്രേക്കപ്പുമൊക്കെ ഉണ്ടായിട്ടുണ്ടെന്ന് നേരത്തെ തന്നെ റെയ്ജൻ പറഞ്ഞിട്ടുണ്ട്. നാലാമത്തെ പ്രണയമാണ് വിവാഹത്തിലേക്ക് എത്തിയതെന്നും താരം യൂട്യൂബ് വീഡിയോയിലൂടെ പറഞ്ഞു.

വിവാഹ ശേഷം എന്തുകൊണ്ടാണ് തങ്ങൾ രജിസ്റ്റർ വിവാഹം തിരഞ്ഞെടുത്തതെന്ന് റെയ്ജനും ശിൽപയും വ്യക്തമാക്കിയിരുന്നു. ഞങ്ങളുടേത് ഹിന്ദു-ക്രിസ്ത്യൻ വിവാഹമാണ്. അതുകൊണ്ട് പലരും പല അഭിപ്രായങ്ങളും പറഞ്ഞു. ഞങ്ങൾ അങ്ങോട്ടും ഇങ്ങോട്ടും മാറുന്നില്ല. രജിസ്റ്റർ ചെയ്യാം, അതാണ് ഞങ്ങളുടെ ഇഷ്ടം. അത് ആദ്യമേ തന്നെ പരസ്പരം പറഞ്ഞിരുന്നു. അങ്ങോട്ട് മാറാം, ഇങ്ങോട്ട് മാറാം. അവിടെ നടത്താം.

ഇവിടെ നടത്താം എന്നിങ്ങനെ പലർക്കും പല അഭിപ്രായം ഉണ്ടായിരുന്നു. അതൊന്നും വേണ്ട. ഓരോരുത്തരും അവരുടെ വിശ്വാസത്തിൽ നിൽക്കട്ടെ. അതുകൊണ്ട് ഞങ്ങൾ രജിസ്റ്റർ ചെയ്തു'' എന്നാണ് റെയ്ജൻ പറഞ്ഞത്.

'അഭിനയത്തോടുള്ള ഇഷ്ടം കൊണ്ട് സെയിൽസ് മേഖലയിൽ നിന്നുമാണ് റെയ്ജൻ സീരിയലിലേക്കെത്തിയത്. സീരിയലിൽ അഭിനയിക്കുന്നുണ്ടെങ്കിലും സിനിമയിലേക്ക് എത്തണമെന്നാണ് ആ​ഗ്രഹം. ഒരിടയ്ക്ക് റെയ്ജൻ നടി അനുശ്രീയുമായി പ്രണയത്തിലാണെന്ന തരത്തിൽ വ്യാപകമായി വാർത്തകൾ പ്രചരിച്ചിരുന്നു. അനുശ്രീയുടെ സ​ഹോദരന്റെ വിവാഹത്തിന് പോയപ്പോൾ എടുത്ത ചിത്രങ്ങൾ ചേർത്താണ് അനുശ്രീയുമായി പ്രണയത്തിലാണെന്ന വാർത്ത പ്രചരിപ്പിച്ചത്'.

'അവൾ വന്നതിന് ശേഷം ഞാൻ തന്നെ മാറി. എന്റെ സ്വഭാവത്തിൽ തന്നെ വലിയ മാറ്റങ്ങൾ വന്നു. എന്റെ കരിയറിലും കുറേ മാറ്റം വന്നു. ഞാനിപ്പോൾ വളരെ കൂളും സന്തോഷത്തിലുമാണ്. മൊത്തത്തിൽ എന്റെ സർക്കിൾ തന്നെ മാറി. അതിന്റെ ക്രെഡിറ്റ് അവൾക്കാണ്'. ഗേൾ ഫ്രണ്ട് വന്നതിന് ശേഷം ജീവിതത്തിൽ മാറ്റങ്ങളുണ്ടായിട്ടുണ്ടോ എന്ന അവതാരികയുടെ ചോദ്യത്തിന് മുമ്പ് റെയ്ജൻ നൽകിയ മറുപടിയാണിത്.