"ഭാര്യയ്ക്ക് മുന്‍പ് ഈ വ്യക്തിക്കൊപ്പം കിടപ്പറ പങ്കിട്ടു" തുറന്നുപറച്ചിലുകളുമായി ബാലചന്ദ്രമേനോന്‍

സംസാരത്തിലും പുലിയാണ്

എഴുത്ത് മാത്രമല്ല സംസാരത്തിലും ആളുകളെ പിടിച്ചിരുത്താനുള്ള കഴിവുണ്ട് ബാലചന്ദ്രമേനോന്. ലോക് ഡൗൺ കാരണമാണ് filmy Fridays' സീസൺ 2. വരാൻ കാലതാമസമുണ്ടായത് . ഇതിനിടെയാണ് ബാലചന്ദ്രമേനോന്‍റെ 'പച്ചമുളക്' എന്ന വീഡിയോ പെട്ടെന്ന് വൈറലായത്. പച്ചമുളകിനെ തന്റെ സ്വതസിദ്ധമായ ശൈലിയിൽ വ്യാഖ്യാനിച്ചപ്പോൾ പ്രേക്ഷകർ അതിനെ ഒരു ബാലചന്ദ്ര മേനോൻ സിനിമയായി നെഞ്ചിലേറ്റി . സമീപകാലത്തൊന്നും ഇത്ര വൈറലായ ഒരു വീഡിയോ ഉണ്ടായിട്ടില്ല എന്ന് തന്നെ പറയാം .

വൈറലായ കഥ

filmy Fridays' ന്‍റെ വീഡിയോ കണ്ടിട്ടു സത്യന്‍ അന്തിക്കാട്, മഞ്ജു വാര്യര്‍, അരുണ്‍ ഗോപി, റോഷന്‍ ആന്‍ഡ്രൂസ്, വികെ പ്രകാശ്, അനൂപ് മേനോന്‍, ജിസ് ജോയ്, രണ്‍ജി പണിക്കര്‍, മുരളി ഗോപി എന്നിവർ തങ്ങളുടെ ആസ്വാദനം സോഷ്യൽ മീഡിയയിൽ പങ്കുവെച്ചു .

കൊച്ചുവര്‍ത്തമാനം

കമന്‍റുകള്‍ക്കൊന്നും ബാലചന്ദ്രമേനോന്‍ മറുപടി കൊടുക്കുന്നില്ലെന്ന പരാതിയുണ്ട് ആളുകള്‍ക്ക്. ഇത് പരിഹരിക്കുകയാണ് ഇനി. 'filmy Fridays' എപ്പിസോഡ് വെള്ളിയാഴ്ച്ച യുട്യൂബിൽ വരുമ്പോൾ ആദ്യ 48 മണിക്കൂറിനുള്ളിൽ വരുന്ന കമ്മന്റുകളിൽ തിരഞ്ഞെടുക്കപ്പെടുന്നവക്ക് ബാലചന്ദ്രമേനോൻ മറുപടി നല്‍കും. 'കൊച്ചുവര്‍ത്തമാനം' എന്നാണ് ഈ വിനിമയവേദിക്ക് പേര് നല്‍കിയിട്ടുള്ളത്.

ഹോളിവുഡ് സിനിമയിലേക്കാണോ

സീസൺ 1 ൽ ഇതുവരെയായി 18 എപ്പിസോഡുകളാണ് വന്നത്. പ്രൈമറി സ്‌കൂള്‍ മുതല്‍ ജേണലിസം വരെ ഇതുവരെ പഠിച്ച സ്ഥാപനങ്ങളെക്കുറിച്ചും അവിടത്തെ കാര്യങ്ങളെക്കുറിച്ചുമൊക്കെയാണ് പറഞ്ഞത്. സിനിമാ പത്ര പ്രവർത്തകനായി മദ്രാസിൽ ചെല്ലുന്നിടത്താണ് സീസൺ 2 ആരംഭിക്കുന്നത് കോടമ്പാക്കത്തു കാലു കുത്തിയപ്പോൾ ആദ്യം കണ്ണിൽ പെട്ടത് " ഹോട്ടൽ ഹോളിവുഡ് ". എന്ന ബോർഡായിരുന്നു .ഹോളിവുഡ് സിനിമയിലേക്കാണോ എന്റെ കാലെടുത്ത് വെപ്പ് എന്നായിരുന്നു ആദ്യത്തെ സംശയം. നല്ലൊരു വരവേല്‍പ്പായിരുന്നു.

കിടപ്പറ പങ്കിട്ടത്

കോടമ്പാക്കത്തെ ജീവിതത്തിനിടയിലാണ് ആദ്യമായി ഒരാളോടൊപ്പം കിടക്ക പങ്കിട്ടത്. ഭാര്യയ്ക്ക് മുന്‍പ് വേറെ ആരെങ്കിലുമൊത്ത് കിടക്ക പങ്കിട്ടിട്ടുണ്ടെങ്കില്‍ അത് ഈ കഥാപാത്രമാണ്. ആരായിരിക്കും അന്ന് അദ്ദേഹത്തിനൊപ്പമുണ്ടായിരുന്നത്? ആകാംക്ഷ അവസാനിക്കാന്‍ അടുത്ത വെള്ളിയാഴ്ച വരെ കാത്തിരിക്കാം നമുക്ക്.