നിവിന്‍ പോളിയുടെ ഹേയ് ജൂഡ് കാണുന്നതിന് മുമ്പ് ശ്യാമപ്രസാദിന്റെ അവസാന അഞ്ച് സിനിമകളെ കുറിച്ച് അറിയാം!

ഇവിടെ

ശ്യാമപ്രസാദ് അവസാനമായി സംവിധാനം ചെയ്ത സിനിമയാണ് ഇവിടെ. പതിയെ പോവുന്ന ഒരു സ്ലോ ത്രില്ലര്‍ സിനിമയാണ് ഇവിടെ. പൃഥ്വിരാജ്, നിവിന്‍ പോളി, ഭാവന എന്നിവരായിരുന്നു സിനിമയില്‍ പ്രധാന കഥാപാത്രങ്ങളെ അവതരിപ്പിച്ചിരുന്നത്. മോശമില്ലാത്ത പ്രതികരണം കിട്ടിയ സിനിമ പ്രേമം ഇറങ്ങിയ ഓളത്തിലായിരുന്നു റിലീസിനെത്തിയത്.

ആര്‍ട്ടിസ്റ്റ്

ഫഹദ് ഫാസിലിനെ നായകനാക്കി ശ്യാമപ്രസാദ് സംവിധാനം ചെയ്ത സിനിമയായിരുന്നു ആര്‍ട്ടിസ്റ്റ്. ആന്‍ അഗസ്റ്റിന്‍ നായികയായ സിനിമ 2014 ലായിരുന്നു റിലീസ് ചെയ്തിരുന്നത്. തിയറ്ററുകളില്‍ നിന്നും മികച്ച പ്രതികരണം തന്നെയായിരുന്നു സിനിമയ്ക്ക് കിട്ടിയത്.

ഇംഗ്ലീഷ്

2013 ല്‍ റിലീസിനെത്തിയ ശ്യാമപ്രസാദിന്റെ ഹിറ്റ് മൂവിയായിരുന്നു ഇംഗ്ലീഷ്. ജയസൂര്യ, നിവിന്‍ പോളി, നാദിയ മൊയ്തു, മുകേഷ്, രമ്യ നമ്പീശന്‍ എന്നിവരായിരുന്നു ചിത്രത്തിലെ പ്രധാന കഥാപാത്രങ്ങള്‍. ഇംഗ്ലണ്ടില്‍ സ്ഥിരതാമസമാക്കിയ മലയാളികളുടെ കഥയായിരുന്നു സിനിമ പറഞ്ഞിരുന്നത്.

അരികെ

ദിലീപ്, മംമ്ത മോഹന്‍ദാസ്, സംവൃത സുനില്‍ എന്നിവരെ പ്രധാന കഥാപാത്രങ്ങളാക്കി ശ്യാമപ്രസാദ് ഒരുക്കിയ സിനിമയായിരുന്നു അരികെ. മനോഹരമായൊരു സൗഹൃദവും പ്രണയവുമായിരുന്നു സിനിമയുടെ ഇതിവൃത്തം.

ഇലക്ട്ര

മൂന്നാമതും ശ്യാമപ്രസാദിന് മികച്ച സംവിധായകനുള്ള സംസ്ഥാന പുരസ്‌കാരം നേടി കൊടുത്ത സിനിമയാണ് ഇലക്ട്ര. നയന്‍താര പ്രധാന കഥാപാത്രത്തെ അവതരിപ്പിച്ച സിനിമ 2010 ലെ അന്താരാഷ്ട്ര ഫിലിം ഫെസ്റ്റിവല്‍ (ഐഎഫ്എഫ്‌കെ) യില്‍ പ്രദര്‍ശിപ്പിച്ചിരുന്നു.