ഈ കാര്യങ്ങൾ കേട്ടാൽ പിന്നെ ആരും പറയില്ല പ്രണവ് വളരെ സിംപിൾ ആണെന്ന്

" എല്ലാരും പറയാറുണ്ട് അവന് ശാന്ത സ്വഭാവമാണ് ഒരു പായ വിരിച്ചുകൊടുത്താൽ അവിടെ കിടക്കും എന്നൊക്കെ. ഇതൊക്കെ ലാലേട്ടനെ അറിയാത്തതുകൊണ്ടാണ് നിങ്ങൾ ഇതൊക്കെ പറയുന്നത്. ലാലേട്ടൻ ഇതിന് അപ്പുറമാണ്."

ലൊക്കേഷനിൽ എത്ര മോശപ്പെട്ട ഭക്ഷണം കിട്ടിയാലും മോഹൻലാൽ കഴിക്കുമെന്നും എവിടെ വേണമെങ്കിലും കിടന്നുറങ്ങുമെന്നും സുരേഷ് കൃഷ്ണൻ പറയുന്നു.

"ലൊക്കേഷനിൽ എവിടെയെങ്കിലും കിടന്നുറങ്ങണമെങ്കിൽ ഉറങ്ങും. ഇപ്പോഴല്ലേ ക്യാരവനൊക്കെ വന്നത്. കാരവാന് ഇല്ലെങ്കിൽ തന്നെ ലാലേട്ടൻ ഒരു ചെറിയ പായ വിരിച്ചിട്ട് അതിലാണ് കിടക്കുന്നത്. പുലി മുരുകന്റെ ഷൂട്ടിംഗ് ലൊക്കേഷനിലൊക്കെ അങ്ങനെയായിരുന്നു."

അറബിയും ഒട്ടകവും പി. മാധവൻ നായരും എന്ന ചിത്രത്തിന്റെ ഷൂട്ടിംഗ് നടക്കുമ്പോൾ മരുഭൂമിയിൽ ഒരു പായ വിരിച്ചിട്ട് അതിന്റെ അടിയിൽ ഇരുന്നതായും സുരേഷ് കൃഷ്ണ ഓർത്തു.

ഇത്രെയും എളിമയുള്ള ഒരു വ്യക്തിയുടെ മകന് അങ്ങനെയേ പെരുമാറുകയുള്ളുവെന്നും സുരേഷ് കൃഷ്ണൻ പറഞ്ഞു.

" ലാലേട്ടനെ അറിയാത്തവരാണ് അപ്പു അത്രെയും സിംപിൾ ആണെന്ന് പറയുന്നത്. ലാലേട്ടൻ അതിനേക്കാൾ സിംപിൾ ആണ് ". അപ്പുവിന്റെ അമ്മയും അങ്ങനെ തന്നെയാണെന്നും ഇവരെ കണ്ട വളർന്ന അപ്പുവും അങ്ങനെ തന്നെയാണെന്നും സുരേഷ് കൃഷ്ണൻ വ്യക്തമാക്കി.

Recommended Video

Gayathri Suresh about Vinayakan's statement | FilmiBeat Malayalam

അച്ഛനെപ്പോലെ താരം വളരെ സിംപിൾ ആണെങ്കിലും സിനിമയിൽ വലിയ താല്പര്യം ഇല്ലാത്ത വ്യക്തിയാണ് അപ്പുവെന്ന് അദ്ദേഹം പറയുന്നു. പ്രണവ് സിനിമയിൽ എത്തുമെന്ന് താൻ പ്രതീക്ഷിച്ചിരുന്നില്ലെന്നും സുരേഷ് കൃഷ്ണ വ്യക്തമാക്കി. "അപ്പു സിനിമയിൽ ഒരു താല്പര്യവും ഇല്ലാത്ത ആളാണ്. നിർബന്ധിച്ചൊക്കെയാണ് അഭിനയിപ്പിക്കുന്നത്."

താല്പര്യം ഇല്ലാതെ ഇരുന്നിട്ടും കുഞ്ഞാലി മരക്കാറിലും ഹൃദയത്തിലും വളരെ ഗംഭീരമായാണ് താരം അഭിനയിച്ചതെന്ന് സുരേഷ് കൃഷ്ണൻ പറയുന്നു. പ്രണവിന്റെ അഭിനയത്തെപ്പറ്റി പണ്ട് പ്രിയദർശൻ പറഞ്ഞ കാര്യവും അദ്ദേഹം പറയുന്നു.

"പ്രണവ് പ്ലസ് ടൂവിൽ പടിക്കുമ്പോഴാണെന്ന് തോന്നുന്നു. പ്രിയൻചേട്ടൻ എന്നോട് പറഞ്ഞത് ഞാൻ ഇപ്പോഴും ഓർക്കുന്നു. പ്രിയൻ ചേട്ടൻ അവന്റെ ഒരു നാടകം കാണാൻ വേണ്ടി പോയി. ഒരു ഇംഗ്ലീഷ് നാടകം.

ഇവന്റെ സ്കൂളിൽ. ലാലേട്ടനും പ്രിയൻ ചേട്ടനും കൂടെയാണ് പോയത്. ആ നാടകം കണ്ടിട്ട് തിരിച്ച് വന്നിട്ട് ഞാൻ ചോദിച്ചു അപ്പുന്റെ നാടകം എങ്ങനെയുണ്ട്. ഇവന്റെ തന്ത ഒന്നും അല്ലടെയ് അതിനേക്കാൾ ഉഗ്രനായിട്ടാണ് ഇവാൻ ചെയ്തിരിക്കുന്നതെന്ന് പ്രിയൻ ചേട്ടൻ പറഞ്ഞു".

കല്യാണിയും അഭിനയം താല്പര്യമിലാതെ നടന്ന കുട്ടിയാണെന്നും ഒരിക്കലും സിനിമയിൽ വരുമെന്ന് താൻ പ്രതീക്ഷിച്ചിരുന്നില്ലെന്നും സുരേഷ് കൃഷ്ണൻ പറഞ്ഞു.