ബിന്ദു പണിക്കരുടെ മകള്‍ക്ക് നടി ആവാനല്ല താല്‍പര്യം; തന്റെ ആഗ്രഹത്തെ കുറിച്ച് പറഞ്ഞ് താരപുത്രി കല്യാണി

ഈ ലോക്ഡൗണില്‍ മോഡലിങ് രംഗത്തേക്ക് കൂടി എത്തിയ കല്യാണിയുടെ ചിത്രങ്ങള്‍ കണ്ടതോടെ വൈകാതെ സിനിമയിലെത്തുമെന്ന തരത്തില്‍ വാര്‍ത്തകള്‍ പ്രചരിച്ചിരുന്നു. എന്നാല്‍ സിനിമയല്ലെ തന്റെ ലക്ഷ്യം മറ്റൊന്നാണെന്ന് ബീഹൈന്‍ഡവുഡ്‌സിന് നല്‍കിയ അഭിമുഖത്തിലൂടെ കല്യാണി വ്യക്തമാക്കിയിരിക്കുകയാണ്.

'നായിക ആവാനാണോ താല്‍പര്യമെന്ന് എല്ലാവരും ചോദിക്കുന്നുണ്ട്. പക്ഷെ എന്താണെന്ന് എനിക്ക് അറിയില്ല. പ്ലാനിങ് ഒന്നുമില്ല, തട്ടിമുട്ടി അങ്ങനെ പോവുന്നു. ശരിക്കും എന്റെ മനസിലുള്ള ഒരു ആഗ്രഹം ഷെഫ് ആകാനാണ്. നന്നായി ഫുഡ് കഴിക്കുന്നൊരാളാണ് ഞാന്‍. എനിക്കിഷ്ടമുള്ള വഴി ഷെഫാണ്. വീട്ടിലൊക്കെ കുക്ക് ചെയ്യുമെന്നും കല്യാണി പറയുന്നു. ഞാന്‍ കുക്കിങ് പരീക്ഷണത്തിന്റെ ആളാണ്. ലോക്ഡൗണില്‍ കൂടുതലായി അടുക്കളയില്‍ കേറാന്‍ പറ്റി. അമ്മയൊക്കെയാണ് എന്റെ പാചകം ആദ്യം ടേസ്റ്റ് ചെയ്യുന്നത്.

അടുത്ത കാലത്തൊന്നും അച്ഛനും അമ്മയും മകള്‍ സിനിമയിലേക്ക് പോയിക്കോ എന്ന് പറഞ്ഞ് വരുമെന്ന് എനിക്ക് തോന്നുന്നില്ല. അങ്ങനെയൊരു ഓഫര്‍ വന്നാല്‍ ചിലപ്പോള്‍ ആലോചിക്കുമായിരിക്കും. പൃഥ്വിരാജ് ആണ് നായകനെന്ന് പറഞ്ഞാല്‍ എന്താണ് കല്യാണിയുടെ മറുപടി എന്ന് അവതാരകന്‍ ചോദിച്ചപ്പോള്‍ എന്നെ ഇങ്ങനെ മോട്ടീവേറ്റ് ചെയ്യരുതെന്നാണ് താരപുത്രിയുടെ ഉത്തരം. അച്ഛനും അമ്മയും അങ്ങനെ പറയാന്‍ സാധ്യതയില്ല. ഇനി എങ്ങാനും പറഞ്ഞാല്‍ ആലോചിക്കുമായിരിക്കും.

മകളുടെ കുക്കിംഗിനെ കുറിച്ച് സായി കുമാറിനോടും അവാതരകന്‍ ഫോണ്‍ വിളിച്ച് ചോദിച്ചിരുന്നു. 'സത്യമാണ്. അവള്‍ ഇടയ്ക്ക് ഇടയ്ക്ക് ഫുഡ് ഒക്കെ ഉണ്ടാക്കി തരും. ഗുലാബ് ജാം, തുടങ്ങി കല്യാണി ഒരുപാട് സാധനങ്ങള്‍ ഉണ്ടാക്കി തന്നിട്ടുണ്ടെന്ന് സായികുമാറും സമ്മതിക്കുന്നു. ഇപ്പോള്‍ അവളുടെ ഇഷ്ടം ഷെഫ് ആകാനാണെന്ന കാര്യം കൂടി താരം പറയുന്നു.