ക്രിസ്മസ് റിലീസായെത്തി പ്രേക്ഷക മനം കവര്‍ന്ന മമ്മൂട്ടി ചിത്രങ്ങള്‍, കളക്ഷനിലും മുന്നിലായിരുന്നു!

ബാവൂട്ടിയുടെ നാമത്തില്‍

രഞ്ജിത്തിന്റെ തിരക്കഥയില്‍ ജിഎസ് വിജയന്‍ സംവിധാനം ചെയ്ത ബാവൂട്ടിയുടെ നാമത്തില്‍ ക്രിസ്മസ് റിലീസായാണ് തിയേറ്ററുകളിലേക്ക് എത്തിയത്. 2012 ലാണ് ചിത്രം റിലീസ് ചെയ്തത്. ബോക്‌സോഫീസില്‍ നിന്നും മോശമല്ലാത്ത കളക്ഷനാണ് ചിത്രം നേടിയത്. മമ്മൂട്ടിയുടെ കരിയറിലെ ഹിറ്റ് ചിത്രങ്ങളിലൊന്ന് കൂടിയാണിത്.

വെനീസിലെ വ്യാപാരി

ഒരുപാട് പ്രതീക്ഷകളോടെ തിയേറ്ററുകളിലേക്കെത്തിയ സിനിമയായിരുന്നു വെനീസിലെ വ്യാപാരി. ക്രിസ്മസിന് ഒരാഴ്ചയ്ക്ക് മുന്‍പായിരുന്നു ചിത്രം തിയേറ്ററുകളിലേക്ക് എത്തിയത്. ബോക്‌സോഫീസില്‍ ദയനീയമായി പരാജയപ്പെടുകയായിരുന്നു ചിത്രം.

ബെസ്റ്റ് ആക്ടര്‍

2010 ലെ ക്രിസ്മസ് റിലീസുകളില്‍ ബെസ്റ്റ് ആക്ടറുമുണ്ടായിരുന്നു. നടനാവാന്‍ വേണ്ടിയുള്ള മമ്മൂട്ടിയുടെ ശ്രമങ്ങളെ പ്രേക്ഷകര്‍ ഇരുകൈയ്യും നീട്ടി സ്വീകരിക്കുകയായിരുന്നു. ബോക്‌സോഫീസില്‍ നിന്നും മികച്ച പ്രതികരണം നേടിയ സിനിമ സൂപ്പര്‍ഹിറ്റായിരുന്നു.

ചട്ടമ്പിനാട്

2009 ല്‍ ബോക്‌സോഫീസില്‍ മികച്ച കളക്ഷന്‍ സ്വന്തമാക്കിയ സിനിമകളിലൊന്നാണ് ചട്ടമ്പിനാട്. മമ്മൂട്ടിയും ലക്ഷ്മി റായിയും തകര്‍ത്തഭിനയിച്ച സിനിമയെ കാണികള്‍ ഹര്‍ഷാരവത്തോടെ സ്വീകരിക്കുകയായിരുന്നു. കളക്ഷന്റെ കാര്യത്തിലും ഏറെ മുന്നിലായിരുന്നു ഈ സിനിമ.

കഥ പറയുമ്പോള്‍

ശ്രീനിവാസനും മീനയും മമ്മൂട്ടിയും മത്സരിച്ച് അഭിനയിച്ച സിനിമയായ കഥ പറയുമ്പോള്‍ക്രിസ്മസ് റിലീസായാണ് തിയേറ്ററുകളിലേക്ക് എത്തിയത്. സൗഹൃദത്തിന്റ കഥ പറഞ്ഞ സിനിമയില്‍ അതിഥി താരമായാണ് പ്രത്യക്ഷപ്പെടുന്നതെങ്കിലും മികച്ച അഭിനയമാണ് മമ്മൂട്ടി കാഴ്ച വെച്ചത്. ബോക്‌സോഫീസില്‍ മികച്ച കളക്ഷനാണ് ചിത്രം നേടിയത്.