കാരംസ് കളിക്കാരനായി ധനുഷ്: വട ചെന്നൈയുടെ ഫസ്റ്റ്‌ലുക്ക് പോസ്റ്റര്‍ കാണാം

ആടുകളം കൂട്ടുക്കെട്ട് വീണ്ടും

2011ല്‍ വെട്രിമാരന്‍ സംവിധാനം ചെയ്ത് ധനുഷ് നായകനായ ആടുകളം ഏറെ ശ്രദ്ധ നേടിയ ചിത്രങ്ങളിലൊന്നാണ്. നിരവധി അന്താരാഷ്ട്ര ചലച്ചിത്ര മേളകളിലും മറ്റും പ്രദര്‍ശിപ്പിച്ച ചിത്രം പ്രമേയം കൊണ്ട് ശ്രദ്ധിക്കപ്പെട്ടിരുന്നു. ചിത്രത്തിലെ മികച്ച അഭിനയമാണ് ധനുഷിനെ ദേശീയ പുരസ്‌കാരത്തിന് അര്‍ഹനാക്കിയത്.

ഇവര്‍ ഒന്നിച്ച പൊല്ലാതവന്‍

ധനുഷ്-വെട്രിമാരന്‍ കൂട്ടുക്കെട്ട് ആദ്യമായി ഒന്നിച്ചത് പൊല്ലാതവന്‍ എന്ന ചിത്രത്തിലായിരുന്നു. സെന്‍സര്‍ ബോര്‍ഡ് എ സര്‍ട്ടിഫിക്കറ്റ് നല്‍കിയ ചിത്രമായിരുന്നു പൊല്ലാതവന്‍. ചിത്രത്തില്‍ ധനുഷിന്റെ അഭിനയം ശ്രദ്ധിക്കപ്പെട്ടിരുന്നു. കന്നട നടി ദിവ്യ സ്പന്ദനയായിരുന്നു ചിത്രത്തില്‍ ധനുഷിന്റെ നായികയായി എത്തിയത്. ജിവി പ്രകാശ് കുമാര്‍ ഒരുക്കിയ ചിത്രത്തിലെ പാട്ടുകള്‍ എറെ ശ്രദ്ധിക്കപ്പെട്ടിരുന്നു.

ധനുഷ് എന്ന പെര്‍ഫോമര്‍

എന്റര്‍ടെയ്‌നര്‍ എന്നതിലുപരി ഒരു പെര്‍ഫോമറായാണ് ആരാധകര്‍ ഒന്നടങ്കം ധനുഷിനെ വിലയിരുത്താറുളളത്. അനായാസ അഭിനയവും അസാധ്യ പ്രകടനങ്ങളുമാണ് അദ്ദേഹത്തിന്റെ മുന്‍ ചിത്രങ്ങളില്‍ നിന്ന് കാണാന്‍ കഴിയുക.കരിയറിന്റെ തുടക്കത്തിലും മികവുറ്റ കഥാപാത്രങ്ങള്‍ക്ക് ധനുഷ് ജീവന്‍ നല്‍കിയിരുന്നു.

കാരംസ് കളിക്കാരനായി പുതിയ ചിത്രത്തില്‍

വെട്രിമാരന്‍ സംവിധാനം ചെയ്യുന്ന പുതിയ ചിത്രത്തില്‍ കാരംസ് കളിക്കാരാനായാണ് ധനുഷ് അഭിനയിക്കുന്നത്.ദേശീയ കാരംസ് കളിക്കാരനായ അന്‍പ് എന്ന നായകകഥാപാത്രത്തെയാണ് ധനുഷ് ചിത്രത്തില്‍ അവതരിപ്പിക്കുന്നത്. കാക്കമുട്ടൈ എന്ന ചിത്രത്തിലൂടെ പ്രശസ്തയായ ഐശ്വര്യ രാജേഷാണ് ചിത്രത്തില്‍ ധനുഷിന്റെ നായികയായി എത്തുന്നത്.

വടചെന്നെയുടെ ഫസ്റ്റ് ലുക്ക് പോസ്റ്റര്‍

മികച്ചൊരു ചിത്രമായിരിക്കും വട ചെന്നെയെന്നാണ് ചിത്രത്തിന്റെ ഫസ്റ്റ് ലുക്ക് പോസ്റ്റര്‍ കാണുമ്പോള്‍ മനസിലാവുന്നത്. ധനുഷിന്റെ മുന്‍ ചിത്രങ്ങളിലെന്ന പോലെ മാസും ക്ലാസും ചേര്‍ന്ന കോമ്പിനേഷനായിരിക്കും ചിത്രം. ലൈക്ക പ്രൊഡക്ഷന്‍സിന്റെ ബാനറില്‍ ധനുഷ് തന്നെയാണ് വടചെന്നൈ നിര്‍മ്മിക്കുന്നത്. സമുദ്രക്കനി. അമീര്‍. ഡാനിയേല്‍ ബാലാജി ആന്‍ഡ്രിയ ജര്‍മിയാഹ് തുടങ്ങിയ താരങ്ങളും ചിത്രത്തില്‍ അഭിനിയിക്കുന്നുണ്ട്