തെന്നിന്ത്യയുമായി ബന്ധമുളള ബോളിവുഡ് നായികമാരെ അറിയാമോ? ആ നടിമാര്‍ ഇവരാണ്! കാണൂ

ഐശ്വര്യ റായ്

മുന്‍ ലോകസുന്ദരി ഐശ്വര്യ റായ് ബച്ചന്‍ തെന്നിന്ത്യയുമായി ബന്ധമുളള ബോളിവുഡ് നായികമാരില്‍ ഒരാളാണ്. കര്‍ണാടകയിലെ മാംഗളൂരിലാണ് ഐശ്വര്യയുടെ കുടുംബവേരുകളുളളത്. 1973 നവംബര്‍ ഒന്നിന് മാംഗളൂര്‍ വെച്ചായിരുന്നു ഐശ്വര്യ ജനിച്ചത്.കൃഷ്ണരാജ് റായ്, വൃന്ദ റായ് എന്നിവരാണ് ഐശ്വര്യയുടെ മാതാപിതാക്കള്‍. ഐശ്വര്യയുടെ ചെറുപ്പകാലത്ത് തന്നെ കുടുംബം മുംബൈയിലേക്ക് താമസം മാറ്റുകയായിരുന്നു. മണിരത്‌നത്തിന്റെ ഇരുവറിലൂടെ സിനിമയിലെത്തിയ നടി ഓര്‍ പ്യാര്‍ ഹോ ഗയ എന്നി ചിത്രത്തിലൂടെ ആയിരുന്നു ബോളിവുഡിലെത്തിയിരുന്നത്.

ദീപിക പദുകോണ്‍

ബോളിവുഡ് താരസുന്ദരി ദീപികാ പദുകോണും കര്‍ണാടകയില്‍ നിന്നുളള നടിയാണ്. കര്‍ണാടകത്തിലെ മാംഗ്ലൂരില്‍ തന്നെയാണ് ദീപികയുടെ കുടംബവേരുകളുളളത്. മുന്‍ ബാഡ്മിന്റണ്‍ താരം പ്രകാശ് പദുകോണിന്റെ മകളായ ദീപിക 2006ല്‍ ഐശ്വര്യ എന്ന കന്നഡ ചിത്രത്തിലൂടെയായിരുന്നു തുടങ്ങിയിരുന്നത്. ആ വര്‍ഷം തന്നെ ഷാരുഖ് ഖാന്റെ ഓംശാന്തി ഓശാന എന്നി ചിത്രത്തിലൂടെ നടി ബോളിവുഡില്‍ അരങ്ങേറ്റം കുറിച്ചു.

വിദ്യാ ബാലന്‍

വിദ്യാ ബാലന്‍ മലയാളി ആണെന്ന കാര്യം അധികപേര്ക്കും അറിയാവുന്ന കാര്യമാണ് പാലക്കാട് ഒറ്റപ്പാലമാണ് വിദ്യയുടെ സ്വദേശം. ലോഹിതദാസ് സംവിധാനം ചെയ്ത ചക്രം എന്ന ചിത്രത്തിലൂടെയായിരുന്നു വിദ്യ അരങ്ങേറിയത്. എന്നാല്‍ ചിത്രം റിലീസ് ചെയ്തിരുന്നില്ല. ഉപരിപഠനത്തിനായി മുംബൈയില്‍ എത്തിയപ്പോഴായിരുന്നു നടിക്ക് ബോളിവുഡില്‍ അവസരം ലഭിച്ചിരുന്നത്. പരിണീത എന്ന ചിത്രമായിരുന്നു വിദ്യയ്ക്ക് ബോളിവുഡില്‍ വഴിത്തിരിവായി മാറിയിരുന്ന സിനിമ.

തബു

ഹൈദരാബാദാണ് നടി തബുവിന്റെ സ്വദേശം, ഹൈദരാബാദില്‍ ജമാല്‍ ഹാഷ്മി, റിസ്വാന ദമ്പതികളുടെ മകളായിട്ടായിരുന്നു ജനനം. 1983ലായിരുന്നു ഉപരിപഠനത്തിന്റെ ഭാഗമായി തബു മുംബൈയില്‍ എത്തിയിരുന്നത്. 1985ല്‍ നടി ബോളിവുഡില്‍ തന്റെ ആദ്യ സിനിമയില്‍
അഭിനയിച്ചു.

അസിന്‍

തെന്നിന്ത്യയില്‍നിന്നും ബോളിവുഡില്‍ എത്തിയ നായികയാണ് അസിന്‍. കൊച്ചി ആയിരുന്നു അസിന്റെ സ്വദേശം. ആമിര്‍ ഖാന്റെ ഗജിനി എന്ന ചിത്രത്തിലൂടെയായിരുന്നു അസിന്‍ ബോളിവുഡില്‍ അരങ്ങേറ്റം കുറച്ചിരുന്നത്. തുടര്‍ന്ന് റെഡി,ഹൗസ്ഫുള്‍ 2, ബോല്‍ ബച്ചന്‍ തുടങ്ങിയ വിജയചിത്രങ്ങളിലൂടെ നടി ബോളിവുഡില്‍ തിളങ്ങിയിരുന്നു.

ജെനീലിയ

തെന്നിന്ത്യന്‍ സിനിമകളിലും ബോളിവുഡിലും ഒരേസമയം തിളങ്ങിയ നായികയായിരുന്നു ജെനീലിയ ഡിസൂസ. മുംബൈയില്‍ ജനിച്ച ജെനീലിയയുടെ കുടുംബവേരുകളുളളത് കര്‍ണാടകയിലെ മാംഗളൂരിലാണ്. കൊങ്കണിയാണ് ജെനീലിയയുടെ മാതൃഭാഷ. തുജ്‌സേ മേരി കസം എന്ന ചിത്രത്തിലൂടെയായിരുന്നു നടി ബോളിവുഡില്‍ എത്തിയിരുന്നത്. തുടര്‍ന്ന് നിരവധി ശ്രദ്ധേയ സിനിമകളില്‍ അഭിനയിച്ചു.

രേഖ

ബോളിവുഡിലെ പഴയകാല നടി രേഖ തമിഴ്‌നാട് സ്വദേശിനിയാണ്. ചെന്നൈയിലായിരുന്നു നടിയുടെ ജനനം. തമിഴ് നടന്‍ ജെമിനി ഗണേഷന്റെയും തെലുങ്ക് നടി പുഷ്പവല്ലിയുടെയും മകളായിട്ടായിരുന്നു രേഖ ജനിച്ചത്. പിതാവിനു വഴിയെ ആയിരുന്നു മകളും സിനിമാ ലോകത്തേക്ക് എത്തിയിരുന്നത്. ബാലതാരമായി സിനിമകളില്‍ തിളങ്ങിയ ശേഷമായിരുന്നു നടി ബോളിവുഡിലേക്ക് എത്തിയിരുന്നത്.

ഹേമ മാലിനി

ബോളിവുഡ് നടി ഹേമമാലിനി തമിഴ്‌നാട് സ്വദേശിനിയാണ്. 1948ല്‍ തമിഴ്‌നാട്ടിലെ അമ്മന്‍കുടിയിലായിരുന്നു നടിയുടെ ജനനം. 1961ല്‍ ഇതു സത്യം എന്ന തമിഴ് ചിത്രത്തിലൂടെയായിരുന്നു അരങ്ങേറ്റം. തുടര്‍ന്ന് സപ്‌നോ കാ സൗദാഗര്‍ എന്ന സിനിമയിലൂടെ ബോളിവുഡില്‍ അരങ്ങേറ്റം കുറിച്ചു. 150ലധികം സിനിമകളിലായിരുന്നു നടി ബോളിവുഡില്‍ അഭിനയിച്ചിരുന്നത്.