ദിലീപിന് വേണ്ടി ആദ്യമായി ഭാഗ്യലക്ഷ്മി അത് ചെയ്യാൻ തയ്യാറായി,മോഹിനിയുടെ ഡബ്ബിങ്ങിനെ കുറിച്ച് നടൻ

ചിത്രീകരണം തുടങ്ങി മൂന്നാം ദിവസമാണ് താൻ മോഹിനിയുടെ ട്രാക്കിലേയ്ക്ക് വന്നതെന്നാണ് ദിലീപ് പറയുന്നത്. മോഹിനിക്ക് ഡബ്ബ് ചെയ്തതും ദിലീപ് തന്നെയാണ്. ഒരു ശബ്ദം മോഹിനിക്കായി ഉണ്ടാക്കി നൽകുകയായിരുന്നു. ചിത്രത്തിന്റെ ഡബ്ബിങ്ങിനെ കിറിച്ച് ജനപ്രിയനായകൻ പറയുന്നത് ഇങ്ങനെയാണ്. ആദ്യം ശരിക്കും ഭാഗ്യ ലക്ഷ്മി ചേച്ചിയെ കൊണ്ട് ഡബ്ബ് ചെയ്യിപ്പിക്കുകയായിരുന്നു. ചേച്ചി ഇതുവരെ ആർക്കും ട്രാക്ക് ചെയ്തിട്ടില്ല. അത് നമുക്ക് കിട്ടിയ ഒരു ഭാഗ്യമായിരുന്നു. ആ സൗണ്ട് വച്ചിട്ടായിരുന്നു പിന്നീട് താൻ മോഹിനിക്ക് വേണ്ടി ഡബ്ബ് ചെയ്തതെന്ന് ദിലീപ് പറഞ്ഞു.

കുറച്ച് നേരം കഴിയുമ്പോൾ ആകെ ശൂന്യതയാകും. ഈ ശബ്ദം എവിടെനിന്ന് വന്നതെന്ന് അറിയില്ല. പിന്നീട് എന്റെ ശബ്ദം തന്നെ എനിക്ക് കേൾക്കാം. എങ്ങനെയൊക്കെ പറഞ്ഞാലും അത് എന്റെ ശബ്ദമായി മാറുകയായിരുന്നു. അവസാനം അവരെ കൊണ്ട് തന്നെ ഡബ്ബ് ചെയ്യിപ്പിച്ചാലോ എന്ന് ചിന്തിച്ചു. ആകെ ടെൻഷനായി പോയെന്നും ദിലീപ് പറയുന്നു. കുറെ സമയം എടുത്ത് ഡബ്ബ് ചെയ്ത ഒരു സിനിമയാണ് മായാമോഹിനി. ദിവസങ്ങൾ എടുത്താണ് ചിത്രത്തിന്റെ ഡബ്ബിങ്ങ് പൂർത്തിയാക്കിയതെന്നും ദിലീപ് അഭിമുഖത്തിൽ പറയുന്നു.

മോഹനിയോട് പ്രണയം തോന്നിയെന്നും അഭിമുഖത്തിൽ ദിലീപ് പറയുന്നു.മോഹിനിയായപ്പോൾ ഏതെങ്കിലും പുരുഷന്മാരോട് പ്രണയം തോന്നിയോ എന്ന അവതാരകന്റെ ചോദ്യത്തിനായിരുന്നു ദിലീപിന്റ ഈ രസകരമായ മാറുപടി. തമാശയ്ക്ക് അല്ലാതെ വേറെയൊരു ഇഷ്ടവും തോന്നിയിരുന്നില്ലെന്നും ദിലീപ് പറഞ്ഞു. മോഹിനിക്ക് ഒരു വരനെ കണ്ടു പിടിക്കാനും ദിലിപിനോട് അവതാരകൻ പറയുന്നുണ്ട് . നിങ്ങൾ തന്നെ കണ്ടു പിടിക്കു എന്ന് പറഞ്ഞ് രസകരമായി ചോദ്യത്തിൽ നിന്ന് ദിലീപ് ഒഴിഞ്ഞു മാറുകയായിരുന്നു.

Recommended Video

അടൂർ ചിത്രങ്ങളിൽ നിന്ന് ഒഴിവാക്കിയതിനെ കുറിച്ച് ഭാഗ്യലക്ഷ്മി | filmibeat Malayalam

ദിലീപിനോടൊപ്പം വൻ താരനിരയായിരുന്നു ചിത്രത്തിൽ അണിനിരന്നത് . ലക്ഷ്മി റായ്, ബിജു മേനോൻ, മൈഥിലി എന്നിവരാണ് ചിത്രത്തിൽ ദിലീപിനോടൊപ്പം പ്രധാന വേഷത്തിലെത്തിയത്. ഉദയകൃഷ്ണ-സിബി കെ. തോമസ് ആണ് ഈ ചിത്രത്തിന്റെ രചന നിർവ്വഹിച്ചിരിക്കുന്നത്. 2012 ഏപ്രിൽ 7 നായിരുന്നു ചിത്രം പ്രദർശനത്തിനെത്തിയത്. പി സുകുമാരനും മധുവാര്യരും ചേർന്നാണ് ചിത്രം നിർമ്മിച്ചത്.