ജോര്‍ദാനില്‍ ആടുജീവിതം ഷൂട്ട് നടന്നത് ഒന്‍പത് ദിവസം, ഞങ്ങളുടെ ഇപ്പോഴത്തെ അവസ്ഥ ഇങ്ങനെയാണ്....

ജോര്‍ദാനില്‍ എത്തി ഒന്‍പത് ദിവസം മാത്രമാണ് ഷൂട്ടിങ്ങ് നടന്നത്. പിന്നീട് അതിനുളള അനുമതി റദ്ദ് ചെയ്തു. ഭക്ഷണവും താമസവും മുന്‍കൂട്ടി ഏര്‍പ്പാട് ചെയ്തിരുന്നത് കൊണ്ട് ഇതുവരെ വലിയ ബുദ്ധിമുട്ടുകളൊന്നും ഉണ്ടായിട്ടില്ലെന്നും സംവിധായകന്‍ ബ്ലെസി പറഞ്ഞു. ലോകം മുഴുവനും സംഭവിക്കുന്ന മഹാ വിപത്താണിത്.വ മറ്റ് സ്ഥലങ്ങളെ അപേക്ഷിച്ചു നോക്കുമ്പോൾ ഞങ്ങൾ ഇവിടെ സുരക്ഷിതരാണ്. വൈറസ് ബാധയുടെ കാര്യത്തിലും സുരക്ഷിതമാണ് ഇവിടെ. അതുകൊണ്ട് തന്നെ പരിഭ്രാന്തിയുമില്ല.

എല്ലാ അന്താരാഷ്ട്ര വിമാന സർവീസുകളും നിർത്തി വെച്ചിരിക്കുകയാണ്. അതുകൊണ്ട് തന്നെ ഇനിയൊരു മടക്കം എന്നാണെന്നതിനെ കുറിച്ച് ഒരു അനിശ്ചിതത്വമുണ്ട്. കുറച്ച് ദിവസം മാത്രം കൊണ്ട് ഷൂട്ടിങ് കഴിഞ്ഞ് മടങ്ങി പേകാനായിരുന്നു പദ്ധതി. അതിനുള്ള മുന്നൊരുക്കങ്ങളും മറ്റും മാത്രമേ ഏർപ്പെടുത്തിയിരുന്നുളളൂ. അതിന്റെ ഒരു പ്രശ്നം നേരിടുന്നുണ്ട്. എന്നാൽ എല്ലാവരും പരസ്പരം സഹായിച്ചും സഹകരിച്ചും മുന്നോട്ട് പോകുകയാണിപ്പോൾ. ഒറ്റ ഗ്രൂപ്പായ നിന്ന് സധൈര്യം നേരിടുകയാണിപ്പോൾ. അതകൊണ്ട് തന്നെ ആർക്കും വലിയരീതിയിലുള്ള മാനസിക സമ്മർദ്ദങ്ങളില്ല. നാട്ടിലേക്ക് തിരിച്ചുപോവുന്ന കാര്യത്തില്‍ നമുക്ക് ഇപ്പോള്‍ ഒന്നും ചെയ്യാനാവില്ലെന്നും അത്തരം കാര്യങ്ങളൊന്നും ഞങ്ങളുടെ നിയന്ത്രണത്തില്‍ അല്ലെന്നും ക്യാംപിലുളള എല്ലാവര്‍ക്കും ബോധ്യമുണ്ടെന്നും ബ്ലെസി വ്യക്തമാക്കുന്നു

സര്‍ക്കാര്‍ തലത്തില്‍ സാധ്യമായ എല്ലാ പിന്തുണയും ലഭിക്കുന്നുണ്ട്. ജോര്‍ദാനിലെ ഇന്ത്യന്‍ അംബാസിഡറും അദ്ദേഹത്തിന്റെ കീഴിലുളള സെക്രട്ടറിമാരുമെല്ലാം ബന്ധപ്പെടുന്നുണ്ട്. മുഖ്യമന്ത്രിയുടെ ഓഫിസില്‍ നിന്ന് വിളിച്ച് കാര്യങ്ങള്‍ അന്വേഷിച്ചിരുന്നു. സിനിമാമേഖലയില്‍ നിന്നുളളവരും വിളിച്ച് കാര്യങ്ങള്‍ തിരക്കുന്നുണ്ട്. മോഹന്‍ലാല്‍, സുരേഷ് ഗോപി, ബി, ഉണ്ണിക്കൃഷ്ണന്‍, ഇടവേള ബാബു, രഞ്ജിത്തും അനിലും അടക്കം സംഘടനാ ഭാരവാഹികളുമൊക്കെ നിരന്തരം വിളിച്ച് കാര്യങ്ങള്‍ അന്വേഷിക്കുന്നുണ്ട്. അവര്‍ക്ക് സാധ്യമായതൊക്കെ അവര്‍ ചെയ്യുന്നുണ്ട്. .

മൂന്നാഴ്ചയായി ഇവിടെ ലോക്ക് ഡൗൺ തന്നെയാണ്. നമ്മൾ താമസിക്കുന്നത് മരുഭൂമി മേഖലയിലാണ്. അതിനാൽ തന്നെ പൊതുവെ മനുഷ്യർ കുറവാണ്.ജോര്‍ദാനിലെ ഒരു ഡെസേര്‍ട്ട് ക്യാംപിലാണ് താമസം. ഇന്ത്യക്കാരായി 58 പേരും മുപ്പതോളം ജോര്‍ദാനികളുമാണ് സിനിമയുടെ ചിത്രീകരണവുമായി ബന്ധപ്പെട്ടുളളത്. പുറമെ നിന്ന് ഇങ്ങോട്ട് ആരും വരാറില്ല. അടുത്തുള്ളത് വളരെ കുറച്ചു പോർ മത്രം താമസിക്കുന്ന ഒരു ചെറിയ ഗ്രാമമാണ്. ജോർദാൻ ഒരു കോടിയിൽ താഴെ ജനസംഖ്യയുള്ള ഒരു കൊച്ചു രാജ്യമാണ്. ഞങ്ങൾ തികച്ചും ഒറ്റപ്പെട്ടാണ് ിവിടെ താമസിക്കുന്നത്.