ഞാൻ ആരുടെയും കുട്ടി അല്ല, അച്ഛനും അമ്മയും ഇനി പറഞ്ഞാൽ കതിരിൽ വളം വെക്കുന്നത് പോലെ ആവും; എസ്തർ

ദൃശ്യം എന്ന സിനിമയിൽ എസ്തർ ചെയ്ത വേഷം ഏറെ ശ്രദ്ധിക്കപ്പെട്ടിരുന്നു. ദൃശ്യം രണ്ടാം ഭാ​ഗത്തിലും എസ്തർ അഭിനയിച്ചു. ദൃശ്യത്തിന്റെ തമിഴ് പതിപ്പ് പാപനാശത്തിലും അതേവേഷം തന്നെ എസ്തർ ചെയ്തു. ഇപ്പോഴിതാ തന്നെക്കുറിച്ചുള്ള ചോദ്യങ്ങൾക്ക് മറുപടി നൽകിയിരിക്കുകയാണ് എസ്തർ, തന്റെ വസ്ത്രത്തിന് നേരെ വരുന്ന വിമർശനങ്ങൾ, കുടുംബത്തിൽ നിന്ന് ലഭിക്കുന്ന പിന്തുണ തുടങ്ങിയവയെക്കുറിച്ച് എസ്തർ സംസാരിച്ചു. യൂട്യൂബ് ചാനലിലൂടെയാണ് ചോദ്യങ്ങൾക്ക് എസ്തർ മറുപടി നൽകിയത്.

'എന്റെ ഫാമിലി വളരെ സപ്പോർട്ട് ആണ്. നാട്ടുകാരെന്ത് പറയും അവരിങ്ങനെ പറയും എന്നൊന്നും ശീലിപ്പിച്ച മാതാപിതാക്കൾ അല്ല. കാരണം അവരും അങ്ങനെ ജീവിച്ചവരല്ല. ഞങ്ങളും അത് കണ്ട് വളർന്നവരാണ്. ഇനി അവർ വന്ന് നാട്ടുകാർ ഇങ്ങനെ പറയും അത്കൊണ്ട് നീ ഇങ്ങനെ നടക്കണം എന്നൊക്കെ പറഞ്ഞിട്ടുണ്ടെങ്കിൽ കതിരിൻമേൽ വളം വെക്കുന്നത് പോലെ ആവും. ഞങ്ങൾക്കത് ശീലമല്ല'

'പുറത്ത് നടക്കുന്നത് എനിക്കറിയാമായിരുന്നു. അവരെനിക്ക് ആ പ്രഷർ തരാതിരിക്കുകയായിരുന്നു. ഒരുവേള ഞങ്ങളെല്ലാവരും ഇരുന്ന് സംസാരിച്ചു. നെ​ഗറ്റീവ് കമന്റുകൾ എങ്ങനെ നേരിട്ടെന്ന് എനിക്കറിയില്ല. അത് ബാധിച്ച ദിവസങ്ങൾ ഉണ്ട്, പക്ഷെ പിന്തുണച്ച ഒരുപാട് സുഹൃത്തുക്കൾ ഉണ്ട്. കുടുംബം സപ്പോർട്ട് ചെയ്തു. പ്രതീക്ഷിക്കാതെ എനിക്ക് ശക്തി തന്ന ഒത്തിരി പേരുണ്ട്'

'ഒത്തിരി ഫോട്ടോകളുടെയും വീഡിയോകളുടെ താഴെയും ആളുകൾ ഇടുന്ന കമന്റ് ആണ്, ഞങ്ങളുടെ മനസ്സിലെ കൊച്ച് കുഞ്ഞായിരുന്നു എസ്തർ എന്ന്. എനിക്കത് മനസ്സിലാക്കാൻ പറ്റും. നമ്മളും വലുതാവില്ലേ. ഞാൻ ആരുടെയും കൊച്ച് കുട്ടി അല്ല. ഞങ്ങളുടെ മുന്നിൽ നീ ഒരു കുഞ്ഞ് മോളാണെന്ന് എന്റെ മാതാപിതാക്കൾ പറഞ്ഞാലും അതിന് എങ്ങനെ മറുപടി നൽകണം എന്ന് എനിക്കറിയില്ല. ഞാൻ എന്റേതായ വ്യക്തി ആണ്'

'എനിക്ക് എന്റേതായ ആ​ഗ്രഹങ്ങളും സ്വപ്നങ്ങളും പ്രതീക്ഷകളും ഒക്കെ ഉള്ള വ്യക്തി ആണ്. ഇനി അങ്ങോട്ടും അങ്ങനെ തന്നെ ആയിരിക്കും. എനിക്ക് വേണ്ട രീതിയിലാണ് വസ്ത്രം ധരിക്കുക, എനിക്കിഷ്ടമുള്ള പോലെ നടക്കാനും ജീവിക്കാനും ഇഷ്ടപ്പെടുന്ന ആളാണ് ഞാൻ,' എസ്തർ പറഞ്ഞു. ഒരുപാട് പേർ എന്റെ ബോയ് ഫ്രണ്ട് ആരാണ്, സിം​ഗിൾ ആണോയെന്നൊക്കെ ചോദിക്കാറുണ്ട്. അതിനുള്ള മറുപടി ഇല്ലെന്നും എസ്തർ വ്യക്തമാക്കി.