ഈ പ്രായത്തില്‍ വിവാഹം കഴിക്കുന്നത് അത്ര എളുപ്പമല്ല; ഇനിയും വിവാഹം കഴിക്കാത്തിനെ പറ്റി ലക്ഷ്മി ഗോപാലസ്വാമി

ഒരു സുഹൃത്തിനെയോ പങ്കാളിയെയോ വേണമെന്ന് തോന്നിയിട്ടുണ്ടോ എന്നാണ് അവതാരകന്‍ ലക്ഷ്മിയോട് ചോദിച്ചത്.

'ഇപ്പോള്‍ ഞാന്‍ വളരെ സന്തോഷവതിയും സമാധാനം ഉള്ളവളുമാണ്. വിവാഹം എന്ന് പറയുന്നത് അത്ര എളുപ്പമുള്ള കാര്യമല്ല. അതും ഈ പ്രായത്തില്‍. പക്ഷേ ഒരു നല്ല പങ്കാളിയെ കിട്ടിയാല്‍ എന്തുകൊണ്ട് ആയിക്കൂടാ. അതിന് വേണ്ടി ടെന്‍ഷനടിച്ച് നടക്കുകയല്ല ഞാന്‍. നിങ്ങള്‍ ജീവിതം നന്നായി കൊണ്ട് പോവുക. അതിലൊരു പങ്കാളിയെ കിട്ടിയാല്‍ അതും നല്ലതാണ്. ഇല്ലെങ്കിലും കുഴപ്പമൊന്നുമില്ല. ഞാനിപ്പോള്‍ ആ സ്‌റ്റേജിലാണെന്ന്' ലക്ഷ്മി വ്യക്തമാക്കുന്നു.

കൊവിഡ് കാലത്ത് ഒറ്റയ്ക്കുള്ള ജീവിതം ഏകാന്തത നല്‍കിയിരുന്നോ എന്നും അവതാരകന്‍ ലക്ഷ്മിയോട് ചോദിച്ചിരുന്നു..

എന്നാല്‍ ആ കാലത്ത് താന്‍ കുറേ കാര്യങ്ങള്‍ ആസ്വദിച്ചിരുന്നു. ഞാന്‍ വീട്ടില്‍ തന്നെ ഉണ്ടായിരുന്നു. ഔട്ട് സൈഡ് ക്ലീന്‍, മൈന്‍ഡ് ക്ലീനിങ്. ഹാര്‍ട്ട് ക്ലീനിങ്, തുടങ്ങി എല്ലാത്തരം ക്ലീനിങ്ങും ആ സമയത്ത് നടത്തി. സിനിമയുടെ ഷൂട്ടിങ്ങ്, അതിന് ശേഷം അതിഥിയായി പോവുന്നു, തുടങ്ങി ഒരുപാട് പ്രഷറുകള്‍ ജീവിതത്തില്‍ ഉണ്ടായിരുന്നു. കൊവിഡ് കാലത്ത് അതൊന്നുമില്ല. ഡാന്‍സ് പ്രോഗ്രാമുകള്‍ പോലും ഇല്ലായിരുന്നു.

ഡൗട്ട് റാണി എന്ന് ജയറാം വിളിക്കാനുള്ള കാരണത്തെ കുറിച്ച് നടി പറഞ്ഞു.

അത് ശരിയാണ്. എനിക്ക് എപ്പോഴും എന്റെ അഭിനയത്തെ കുറിച്ച് സംശയം ഉണ്ടാവും. സംവിധായകന്‍ ഓക്കെ ആണെന്ന് പറഞ്ഞാല്‍ പിന്നെ ഞാന്‍ മിണ്ടില്ല. പക്ഷേ അതില്ലെങ്കില്‍ സാര്‍ ഒരു തവണ കൂടി ചെയ്യാം എന്ന് പറഞ്ഞ് പുറകേ പോവും. ഇത് കാണുമ്പോഴാണ് ജയറാം എന്നെ ഡൗട്ട് റാണി എന്ന് വിളിക്കുന്നത്. എനിക്ക് സംതൃപ്തി വരാത്തത് കൊണ്ടാണ് താനങ്ങനെ ചോദിക്കുന്നതെന്ന് ലക്ഷ്മി പറയുന്നു.

ചിരി കാരണം പണി കിട്ടിയതിനെ പറ്റി ലക്ഷ്മി വെളിപ്പെടുത്തി..

ഒരിക്കല്‍ അഭിനയിച്ച് കൊണ്ടിരിക്കുമ്പോള്‍ ഒപ്പമുള്ള താരത്തിന്റെ മുഖത്ത് വരുന്ന ഭാവം കണ്ട് ഞാന്‍ ചിരിച്ചു. ഒന്നും രണ്ടും തവണയല്ല, പത്ത് തതവണ എങ്കിലും ആ സീന്‍ ടേക്ക് പോയി. ഓരോ തവണയും ഞാന്‍ ചിരിക്കുന്നതാണ് കാരണം. പക്ഷേ അത് പുള്ളിയെ കളിയാക്കിയത് പോലെ തോന്നി. അത് സ്വാഭാവികമായി ആര്‍ക്കും തോന്നാം. ഞാന്‍ അദ്ദേഹത്തോട് ക്ഷമ പറഞ്ഞെങ്കിലും ഒന്നര വര്‍ഷത്തോളം അദ്ദേഹം എന്നോട് മിണ്ടാതെ നടന്നു. പിന്നീട് ആ പ്രശ്‌നം പരിഹരിച്ചെങ്കിലും ചിരി പലപ്പോഴും പ്രശ്‌നമായിട്ടുണ്ടെന്നാണ് ലക്ഷ്മി പറയുന്നത്.