ആ മമ്മൂട്ടി ചിത്രങ്ങൾ ശ്രദ്ധിക്കപ്പെട്ടിട്ടും ഹരിഹരന് ദേശീയ പുരസ്കാരം ലഭിച്ചില്ല, സംവിധായകൻ പറയുന്നു...

സംവിധായകന്റെ വാക്കുകൾ ഇങ്ങനെ...വടക്കൻ വീരഗാഥ റിലീസ് ചെയ്ത് കഴിഞ്ഞിട്ട് മുപ്പതു വർഷം കഴിഞ്ഞിട്ടും അതിന്റെ സംവിധായകന് അവാർഡ് ലഭിക്കാതെ പോയതിനെപ്പറ്റി ചർച്ച ചെയ്യുന്നു. അതുതന്നെയാണ് വലിയ അംഗീകാരം. അവാർഡുകൾ പലപ്പോഴും അർഹിക്കുന്ന സ്ഥാനങ്ങളിൽ എത്തിപ്പെടാറില്ല. എന്റെ ലക്ഷ്യം നല്ല സിനിമയാണ്. ഇതുപോലെ പല അനുഭവങ്ങളും ഉണ്ടായിട്ടുണ്ട്.

നാലോ അഞ്ചോ പത്തോ വ്യക്തികൾ ചേർന്നിട്ടാണ് അവാർഡുകൾ നിർണ്ണയിക്കുന്നത്. തീയേറ്ററിൽ ഇരുന്നു സിനിമ കാണുന്നത് ജനലക്ഷങ്ങൾ ആണ് .കേരളത്തിലെ ആബാലവൃദ്ധം ജനങ്ങളും കണ്ടിട്ടുള്ള ഒരു ചിത്രമാണല്ലോ കേരളവർമ്മ പഴശ്ശിരാജ. ഇത്രയും ജനപ്രീതി മറ്റൊരു ചിത്രവും നേടിയിട്ടില്ല. എൽകെജി തൊട്ട് കോളേജ് വരെയുള്ള വിദ്യാർഥികൾ ചിത്രം തീയേറ്ററുകളിൽ ഒരു പഠന വിഷയമാക്കി. നല്ല സിനിമകളുടെ ഒരു വിഭാഗത്തിലും പഴശ്ശിരാജ ചെന്നില്ലെന്നു മാത്രമല്ല, ജനപ്രീതി നേടിയ ഒരു ചിത്രം പോലുമായിരുന്നില്ല അവാർഡ് കമ്മറ്റിയുടെ കാഴ്ചപ്പാടിൽ. ഇനി വടക്കൻ വീരഗാഥയുടെ സംവിധായകന് അവാർഡ് ലഭിക്കാത്തതിൽ കൂടുതൽ വിശദീകരണം ആവാശ്യമാണെന്ന് തോന്നുന്നില്ലെന്നും ഹരിഹരൻ പറഞ്ഞു.

മോഹൻലാൽ മമ്മൂട്ടി ചിത്രങ്ങളെ കുറിച്ചും ഹരിഹരൻ തന്റെ മനസ് തുറന്നിരുന്നു. മോഹൻലാലും, മമ്മൂട്ടിയും ഏതു ടൈപ്പ് സിനിമകൾ ചെയ്യണെമെന്നു അവരാണ് തീരുമാനിക്കുന്നതെന്നാണ് സംവിധായകൻ പറയുന്നത്. താരങ്ങളെ ഒന്നും നിഷേധിക്കേണ്ട കാര്യമില്ല, അവർ കഷ്ടപ്പെട്ട് വളർന്നു വന്നവരാണ്. അവർ സിനിമ മേഖലയ്ക്ക് ആവശ്യം തന്നെയാണ്. ഞാൻ സിനിമ ചെയ്യുന്നത് എന്റെ ഫ്രീഡം പോലെ തന്നെ അവർ സിനിമ ചെയ്യുന്നത്. അവരുടെ തീരുമാനമാണ്. അവർ എങ്ങനെയുള്ള സിനിമ ചെയ്യണം എന്നത് അവർ തീരുമാനിക്കേണ്ട കാര്യമാണ്. അല്ലാതെ അതുമായി ബന്ധപ്പെട്ടു വലിയ വിമർശനം ഉന്നയിക്കേണ്ട ആവശ്യമില്ലെന്നും ഹരിഹരൻ പറയുന്നു

Recommended Video

Mohanlal shares a lovely photo with Mammootty | FilmiBeat Malayalam

വടക്കൻ പാട്ടുകളെ ആസ്പദമാക്കി എം.ടി.യുടെ തിരക്കഥയിൽ ഹരിഹരൻ സംവിധാനം ചെയ്ത സിനിമയായിരുന്നു ഒരു വടക്കൻ വീര ഗാഥ. വടക്കൻ പാട്ടുകളിലെ പ്രശസ്തമായ കഥ നിരവധി തവണ ബ്ലാക്ക് ആൻഡ് വൈറ്റ് കാലഘട്ടത്തിലും അതിനു ശേഷവും ചലച്ചിത്രങ്ങളായി ആവിഷ്ക്കരിച്ചിട്ടുണ്ട്. എന്നാൽ ഈ ചിത്രത്തിലൂടെ ആ കഥയ്ക്ക് ഒരു വേറിട്ട ഭാഷ്യമായിരുന്നു എം ടി വാസുദേവൻ നായർ നൽകിയത്. മമ്മൂട്ടിക്കും തിരക്കഥാകൃത്ത് എംടി വാസുദേവൻ നായർക്കും, കലാസംവിധായകൻ പി. കൃഷ്ണമൂർത്തി തുടങ്ങിയവർക്ക് ചിത്രത്തിലൂടെ ദേശീയ പുരസ്കാരം ലഭിച്ചിരുന്ന. കൂടാതെ നിരവധി സംസ്ഥാന പുരസ്കാരങ്ങളു ചിത്രത്തിന് ലഭിച്ചിരുന്നു.