മൊട്ടയടിച്ച് പുതിയ രൂപത്തിലെത്തിയപ്പോള്‍ മാളവിക തിരിച്ചറിഞ്ഞില്ലെന്ന് ജയറാം, കാളിദാസന്‍ പറഞ്ഞതോ?

പുതിയ ചിത്രത്തിന് വേണ്ടി നടത്തിയ തയ്യാറെടുപ്പുകള്‍

രമേഷ് പിഷാരടി സംവിധാനം ചെയ്യുന്ന ആദയ ചിത്രമായ പഞ്ചവര്‍ണ്ണതത്തയിലാമ് ജയാറം അടുത്തതായി അഭിനയിക്കുന്നത്. ചിത്രത്തിന് വേണ്ടി നടത്തിയ തയ്യാറെടുപ്പുകള്‍ സോഷ്യല്‍ മീഡിയയിലൂടെ വൈറലായിരുന്നു. രമേഷ് പിഷാരടിയാണ് വീഡിയോ പുറത്തുവിട്ടത്.

ജയറാം മൊട്ടയടിച്ചു

സിനിമയില്‍ അഭിനയിക്കുന്നതിന് മുന്നോടിയായി ജയറാം മൊട്ടയടിച്ചിരുന്നു. ഇതിന്റെ വീഡിയോ സോഷ്യല്‍ മീഡിയയിലൂടെ വ്യാപകമായി പ്രചരിച്ചിരുന്നു. പാര്‍വ്വതിയായിരുന്നു വീഡിയോ പകര്‍ത്തിയത്.

ഇതുവരെ കാണാത്ത ലുക്കില്‍

ഇതുവരെ കാണാത്ത രൂപഭാവത്തിലാണ് ജയറാം ഈ ചിത്രത്തില്‍ പ്രത്യക്ഷപ്പെടുന്നത്. മൊട്ടത്തലയനും കുടവയറനുമായാണ് താരം എത്തുന്നത്. ചിത്രത്തിന്റെ ഫസ്റ്റ് ലുക്ക് പോസ്റ്റര്‍ നേരത്തെ പുറത്തുവിട്ടിരുന്നു.

ലുക്കില്‍ മാത്രമല്ല കഥാപാത്രത്തിലും

ലുക്കില്‍ മാത്രമല്ല കഥാപാത്രത്തിലും ആ സവിശേഷതയുണ്ടെന്ന് താരം പറയുന്നു. ഫ്‌ളവേഴ്‌സ് ചാനലിന് നല്‍കിയ അഭിമുഖത്തിനിടയിലാണ് താരം കൂടുതല്‍ കാര്യങ്ങള്‍ വിശദീകരിച്ചത്.

പ്രധാനപ്പെട്ട പ്രത്യേകത

ഇതുവരെ ചെയ്ത കഥാപാത്രങ്ങള്‍ക്കെല്ലാം പേരും ജാതിയും മറ്റടയാളങ്ങളുമൊക്കെയുണ്ടായിരുന്നു. എന്നാല്‍ ഈ സിനിമയില്‍ അത്തരത്തിലുള്ള കാര്യങ്ങളൊന്നുമില്ല. അയാള്‍ എവിടെ നിന്ന് വന്നുവെന്ന് ആര്‍ക്കും പറയാന്‍ കഴിയില്ലെന്നും താരം പറയുന്നു.

പുതിയ രൂപത്തില്‍ വീട്ടിലെത്തിയപ്പോള്‍

മൊട്ടയടിച്ച് പുതിയ രൂപത്തില്‍ വീട്ടിലെത്തിയപ്പോള്‍ മകള്‍ മാളവികയ്ക്ക് തന്നെ മനസ്സിലായിരുന്നില്ലെന്ന് താരം പറയുന്നു. വല്ല കഥകളിക്കാരും വീട്ടിലെത്തിയതാണെന്നാണ് അവള്‍ കരുതിയത്.

പാര്‍വതിക്ക് നേരത്തെ അറിയാമായിരുന്നു

പുതിയ സിനിമയ്ക്ക് വേണ്ടി മൊട്ടയടിക്കുന്നുവെന്ന കാര്യത്തെക്കുറിച്ച് അശ്വതിക്ക് നേരത്തെ അറിയാമായിരുന്നു. പാര്‍വ്വതി പകര്‍ത്തിയ വീഡിയോയാണ് രമേഷ് പിഷാരടി ഫേസ്ബുക്കിലൂടെ പങ്കുവെച്ചത്.

കാളിദാസന്റെ പ്രതികരണം

കണ്ണന് കഥാപാത്രത്തെക്കുറിച്ച് കൃത്യമായി അറിയാമായിരുന്നു. കഥാപാത്രത്തെക്കുറിച്ച് വ്യക്തമായ ധാരണയുള്ളതിനാല്‍ കണ്ണനും അശ്വതിക്കും പുതിയ രൂപം ഇഷ്ടപ്പെട്ടുവെന്നും അദ്ദേഹം പറയുന്നു.