കാവ്യ മാധവനൊപ്പം മഹാലക്ഷ്മിയോ? വൈറലായ ചിത്രങ്ങള്‍ കുഞ്ഞതിഥിയുടേതോ? യാഥാര്‍ത്ഥ്യം ഇങ്ങനെ! കാണൂ!

കാവ്യ മാധവനൊപ്പമുള്ള കുഞ്ഞ്

തങ്ങള്‍ക്കൊരു മകള്‍ പിറന്നുവെന്നും അമ്മയും കുഞ്ഞും സുഖമായിരിക്കുന്നുവെന്നും വ്യക്തമാക്കി ദിലീപായിരുന്നു എത്തിയത്. ഫേസ്ബുക്കിലൂടെയായിരുന്നു അദ്ദേഹം ഈ സന്തോഷം പങ്കുവെച്ചത്. വിജയദശമി ദിനത്തിലായിരുന്നു മകളെത്തിയത്. സോഷ്യല്‍ മീഡിയയിലൂടെ താരത്തിന്റെ പോസ്റ്റ് വൈറലായി മാറിയിരുന്നു. സിനിമയില്‍ സജീവമല്ലാതിരുന്നിട്ട് കൂടി കാവ്യ മാധവനും മികച്ച സ്വീകാര്യതയാണ് ലഭിച്ചുകൊണ്ടിരിക്കുന്നത്. കുഞ്ഞിനെയും എടുത്തുള്ള കാവ്യ മാധവന്റെ ചിത്രങ്ങള്‍ കഴിഞ്ഞ ദിവസം വ്യാപകമായി പ്രചരിച്ചിരുന്നു.

മഹാലക്ഷ്മിയുടെ ചിത്രങ്ങള്‍

ചിത്രങ്ങള്‍ വൈറലായി മാറിയതോടെയാണ് ഇത് മഹാലക്ഷ്മിയാണോ എന്ന തരത്തിലുള്ള ചോദ്യവുമായി ആരാധകരെത്തിയത്. ക്ഷണനേം കൊണ്ടായിരുന്നു ചിത്രങ്ങള്‍ വൈറലായത്. നേരത്തെയും ഇത്തരത്തില്‍ കാവ്യ മാധവനൊപ്പം മഹാലക്ഷ്മി എന്ന രീതിയില്‍ ചിത്രങ്ങള്‍ പ്രചരിച്ചിരുന്നു. കുഞ്ഞതിഥിയെ കാണാനായി കാത്തിരുന്നവരാവട്ടെ ചിത്രങ്ങള്‍ ഏറ്റെടുക്കുകയുമായിരുന്നു.

സോഷ്യല്‍ മീഡിയയിലൂടെ വൈറലായി

സ്വീകാര്യതയുടെ കാര്യത്തിലും പിന്തുണയുടെ കാര്യത്തിലും ഏറെ മുന്നിലാണ് ദിലീപും കാവ്യ മാധവനും. വിവാഹ ശേഷം സിനിമയില്‍ അഭിനയിക്കുന്നതിനോട് താല്‍പര്യമില്ലെന്നും കുടുംബ കാര്യങ്ങളുമൊക്കെയായി കഴിയാനാണ് തന്റെ താല്‍പര്യമെന്ന് താരപത്‌നി വ്യക്തമാക്കിയതായി അടുത്ത വൃത്തങ്ങള്‍ അറിയിച്ചിരുന്നു. സിനിമയിലില്ലെങ്കിലും താരത്തിന്‍രെ വിശേഷങ്ങളറിയാന്‍ ആരാധകര്‍ക്ക് ആകാംക്ഷയാണ്.

ലൊക്കേഷനിലെ ചിത്രം

ആകാശവാണി എന്ന സിനിമയുടെ ലൊക്കേഷനിലെ ചിത്രങ്ങളാണ് വൈറലായതെന്നും സിനിമയുടെ അസിസ്റ്റന്റെ ക്യാമറമാന്റെ മകളാണിതെന്നും വ്യക്തമാക്കി അണിയറപ്രവര്‍ത്തകരാണ് എത്തിയത്. മഹാലക്ഷ്മിയാണോ ഇതെന്ന സംശയത്തിന് ഉത്തരം ലഭിച്ചതും ഇതിന് ശേഷമാണ്. താരപുത്രിയെ കാണാനായി കാത്തിരിക്കുന്നതിനിടയിലാണ് വീണ്ടും വ്യാജചിത്രങ്ങളെത്തിയത്.

ദിലീപിന്റെ നിബന്ധന

മകളുടെ ഫോട്ടോ പുറത്തുവിടരുതെന്ന തരത്തില്‍ ദിലീപ് കുടുംബാംഗങ്ങള്‍ക്ക് കര്‍ശന നിര്‍ദേശം നല്‍കിയെന്ന തരത്തിലുള്ള റിപ്പോര്‍ട്ടുകള്‍ നേരത്തെ പ്രചരിച്ചിരുന്നു. താരങ്ങളുടെ മക്കളെക്കുറിച്ചറിയാനും അവരുടെ ചിത്രങ്ങള്‍ കാണാനായുമാണ് ആരാധകരുടെ കാത്തിരിപ്പ്. മകളുടെ ഫോട്ടോ പുറത്തുവിടാത്തതിനെക്കുറിച്ചുള്ള ചോദ്യങ്ങളുമായി ആരാധകരെത്തിയിരുന്നുവെങ്കിലും താരം പ്രതികരിച്ചിരുന്നില്ല.

ആരാധകരുടെ കാത്തിരിപ്പ്

മഹാലക്ഷ്മിയുടെ ചിത്രം കാണാനായുള്ള കാത്തിരിപ്പിലാണ് ആരാധകര്‍. വ്യക്തി ജീവിതത്തിലെ കാര്യങ്ങള്‍ സ്വകാര്യമായി സൂക്ഷിക്കാനിഷ്ടപ്പെടുന്നവരാണ് പല താരങ്ങളും. താരപദവിയോ സെലിബ്രിറ്റി കിഡ് വിശേഷണോ ഇല്ലാതെ മക്കളെ വളര്‍ത്താനാണ് താല്‍പര്യമെന്ന് വ്യക്തമാക്കി പലരും രംഗത്തെത്തിയിരുന്നു. അപൂര്‍വ്വമായി മാത്രമേ പല താരങ്ങളും മക്കളുടെ ചിത്രങ്ങള്‍ പുറത്തുവിടാറുള്ളൂ.

പേര് തിരഞ്ഞെടുത്തത്

മീനാക്ഷിയാണ് കുഞ്ഞനിയത്തിക്ക് പേര് കണ്ടെത്തിയതെന്ന തരത്തിലുള്ള റിപ്പോര്‍ട്ടുകളും സോഷ്യല്‍ മീഡിയയിലൂടെ പ്രചരിച്ചിരുന്നു. വിജയദശമി ദിനത്തില്‍ ലഭിച്ചതിനാലാണ് മഹാലക്ഷ്മി എന്ന പേരിട്ടതെന്ന തരത്തിലുള്ള കാര്യങ്ങളും പുറത്തുവന്നിരുന്നു. ഡബ്‌സ്മാഷിലൂടെ ഇടയ്ക്ക് ഞെട്ടിച്ചിരുന്നുവെങ്കിലും സിനിമയല്ല തന്റ മേഖലയെന്ന് വ്യക്തമാക്കി മെഡിക്കല്‍ പഠനത്തില്‍ ശ്രദ്ധ കേന്ദ്രീകരിച്ചിരിക്കുകയാണ് മീനാക്ഷി.

നൂലുകെട്ടിനിടയിലെ ചിത്രങ്ങള്‍

മഹാലക്ഷ്മിയുടെ നൂലുകെട്ടിനിടയിലെ ചിത്രങ്ങള്‍ സോഷ്യല്‍ മീഡിയയിലൂടെ പ്രചരിച്ചിരുന്നു. കാവ്യ മാധവന്റെയും ദിലീപിന്റെയും മീനാക്ഷിയുടെയും ചിത്രങ്ങളായിരുന്നു പുറത്തുവരുന്നത്. പ്രസവത്തോടെ കാവ്യ മാധവന്‍രെ സൗന്ദര്യം ഇരട്ടിച്ചുവെന്നായിരുന്നു ആരാധകര്‍ പറഞ്ഞത്. സെറ്റ് സാരിയിലായിരുന്നു മീനാക്ഷിയും കാവ്യയും.

സിനിമയിലെ തിരിച്ചുവരവ്

നാളുകള്‍ നീണ്ട കാത്തിരിപ്പിനൊടുവില്‍ മലയാള സിനിമയിലേക്ക് ശക്തമായ തിരിച്ചുവരവ് നടത്തിയിരിക്കുകയാണ് ദിലീപ്. ബി ഉണ്ണിക്കൃഷ്ണന്‍ സംവിധാനം ചെയ്ത കോടതി സമക്ഷം ബാലന്‍ വക്കീലിന് ഗംഭീര സ്വീകരണമാണ് ലഭിച്ചുകൊണ്ടിരിക്കുന്നത്. പഴയ പ്രൗഢി ജനപ്രിയ നായകന്‍ വീണ്ടെടുത്തിരിക്കുകയാണെന്നായിരുന്നു ആരാധകരും പറഞ്ഞത്.