For Quick Alerts
    ALLOW NOTIFICATIONS  
    For Daily Alerts

    ഞാനൊരു അനാഥ കുഞ്ഞാണെന്നാണ് വിശ്വസിച്ചിരുന്നത്; സുരേഷ് ഗോപി പറഞ്ഞ് പറ്റിച്ചതിനെ കുറിച്ച് കീര്‍ത്തി സുരേഷ്

    |

    തെന്നിന്ത്യയ്ക്ക് അഭിമാനമായി മാറിയ നടിയാണ് കീര്‍ത്തി സുരേഷ്. നിര്‍മാതാവ് സുരേഷ് കുമാറിന്റെയും നടി മേനകയുടെയും മകളായി ജനിച്ച കീര്‍ത്തി മലയാളത്തിലൂടെയാണ് അഭിനയിച്ച് തുടങ്ങിയത്. ബാലതാരമായി ദിലീപിന്റെ സിനിമയില്‍ അഭിനയിച്ച് ദിലീപിന്റെ നായികയായി തിരിച്ചെത്താന്‍ കീര്‍ത്തിയ്ക്ക് സാധിച്ചിരുന്നു. മികച്ച നടിയ്ക്കുള്ള ദേശീയ പുരസ്‌കാരം വരെ നേടിയെടുത്തു.

    ഇപ്പോഴിതാ വര്‍ഷങ്ങള്‍ക്ക് ശേഷം മലയാള സിനിമയിലേക്ക് ശക്തമായൊരു തിരിച്ച് വരവ് നടത്തിയിരിക്കുകയാണ് കീര്‍ത്തി. പുതിയ സിനിമയുടെ പ്രൊമോഷന് വേണ്ടി എത്തിയപ്പോള്‍ ചില രസകരമായ വെളിപ്പെടുത്തലും താരപുത്രി നടത്തിയിരുന്നു. അതിലൊന്ന് താന്‍ അനാഥകുഞ്ഞാണെന്ന് വിശ്വസിച്ചിരുന്ന കാലഘട്ടെത്തെ കുറിച്ചാണ്. നടന്‍ സുരേഷ് ഗോപി തമാശയ്ക്ക് പറഞ്ഞതാണെങ്കിലും താനത് സത്യമാണെന്ന് കരുതി എന്നാണ് കീര്‍ത്തി പറയുന്നത്.

    ടൊവിനോ തോമസിന്റെ നായികയായി 'വാശി' എന്ന ചിത്രത്തിലൂടെയാണ് കീര്‍ത്തി സുരേഷ് വീണ്ടും മലയാളത്തില്‍ അഭിനയിക്കുന്നത്. വിഷ്ണു ജി രാഘവ് സംവിധാനം ചെയ്ത ചിത്രം ജൂണ്‍ പതിനേഴ് മുതല്‍ തിയറ്ററുകളിലേക്ക് എത്തി. സിനിമയുടെ പ്രൊമോഷന്റെ ഭാഗമായി കൗമുദി മൂവീസിന് നല്‍കിയ അഭിമുഖത്തിലൂടെ രസകരമായ വെളിപ്പെടുത്തലാണ് താരപുത്രി നടത്തിയിരിക്കുന്നത്.

    തന്റെ ശരീരം ഇങ്ങനെയാണെന്ന് അവരോട് പറഞ്ഞതാണ്; നായികയ്ക്ക് പകരം കൂട്ടുകാരിയാക്കിയെന്ന് മഞ്ജുഷ മാര്‍ട്ടിന്‍

    കീര്‍ത്തിയ്ക്ക് വാശി ഉണ്ടോ എന്നാണ് അവതാരക ചോദിച്ചത്..

    'അങ്ങനെ പ്രത്യേകിച്ച് ഇപ്പോള്‍ വാശി ഒന്നുമില്ലെന്ന് നടി പറഞ്ഞു. പിന്നെ ചെറുപ്പം മുതല്‍ ഞാന്‍ വാശിയുള്ള കൂട്ടത്തിലാണ്. ആഗ്രഹിക്കുന്ന കാര്യം നടത്തി എടുക്കാന്‍ വാശി കാണിക്കാറുണ്ട്. അതൊരു നല്ല കാര്യമല്ലേ' എന്നാണ് കീര്‍ത്തി ചോദിക്കുന്നത്.

    നാടകത്തിന് ആടി നടന്ന മോശം സ്ത്രീയാണ്, ഭര്‍ത്താവിന് ആണത്തമില്ല; ലക്ഷ്മി തുപ്പിയതില്‍ തെറ്റില്ലെന്ന് ആരാധിക

    സുരേഷ് ഗോപിയെ കുറിച്ചുള്ള ചോദ്യത്തിന് കീര്‍ത്തിയുടെ മറുപടിയിങ്ങനെ..

    'സുരേഷ് അങ്കിള്‍ ചെറുപ്പം മുതലേ എന്നെ കളിയാക്കുമായിരുന്നു. ഞാന്‍ ഒരു അനാഥകുഞ്ഞാണ്, നിന്റെ അച്ഛനും അമ്മയും നിന്നെ ദത്തെടുത്തതാണ്. നിനക്ക് അവിടെ ജീവിക്കണ്ടെങ്കില്‍ എന്റെ വീട്ടിലേക്ക് വന്നോ എന്നൊക്കെ പറഞ്ഞിരുന്നു. ഞാനിത് കുറേ വര്‍ഷം വിശ്വസിച്ചു. ശരിക്കും ഞാന്‍ അനാഥകുഞ്ഞാണെന്നാണ് കരുതിയിരുന്നത്. അങ്ങനെ ചില തമാശകളൊക്കെ സുരേഷ് ഗോപിയുമായിട്ട് ഉണ്ടെന്നാണ് കീര്‍ത്തി വെളിപ്പെടുത്തുന്നത്'.

    ലക്ഷ്മിപ്രിയയുടെ ഉള്ളിലെ വിഷം കാഞ്ഞിരം പോലെ; റിയാസ് നോര്‍മലല്ലെന്ന് പറഞ്ഞതിനുള്ള ബ്ലെസ്ലിയുടെ കലക്കന്‍ മറുപടി

    ടൊവിനോ തോമസും കീര്‍ത്തിയും വക്കീലന്മാരുടെ വേഷത്തില്‍ എത്തുന്ന ചിത്രമാണ് വാശി. വിഷ്ണു ജി രാഘവ് സംവിധാനം ചെയ്ത ചിത്രം കീര്‍ത്തിയുടെ അച്ഛനും നിര്‍മാതാവുമായ സുരേഷ് കുമാര്‍ ആണ് നിര്‍മ്മിക്കുന്നത്. അച്ഛന്‍ നിര്‍മ്മിക്കുന്ന ചിത്രത്തില്‍ ആദ്യമായി കീര്‍ത്തി അഭിനയിക്കുന്നു എന്ന പ്രത്യേകതയും വാശിയ്ക്കുണ്ട്. മഹേഷ് നാരായണന്‍ എഡിറ്റിംഗ് നിര്‍വഹിക്കുമ്പോള്‍ കൈലാസ് മേനോന്‍ ആണ് സംഗീത സംവിധായാകന്‍. വിനായക് ശശികുമാര്‍ ഗാനത്തിന്റെ വരികള്‍ ഒരുക്കിയിരിക്കുന്നു..

    Recommended Video

    Tovino Thomas About His Politics | എന്റെ നിലപാട് പറയേണ്ട സ്ഥലത്ത് ഞാൻ പറയുന്നുണ്ട്

    അഭിമുഖത്തിൻ്റെ പൂർണരൂപം കാണാം

    English summary
    Keerthi Suresh Opens Up Her Childhood Memories, Says She Thought She Was Orphan
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X