ഞാനൊരു അനാഥ കുഞ്ഞാണെന്നാണ് വിശ്വസിച്ചിരുന്നത്; സുരേഷ് ഗോപി പറഞ്ഞ് പറ്റിച്ചതിനെ കുറിച്ച് കീര്‍ത്തി സുരേഷ്

ടൊവിനോ തോമസിന്റെ നായികയായി 'വാശി' എന്ന ചിത്രത്തിലൂടെയാണ് കീര്‍ത്തി സുരേഷ് വീണ്ടും മലയാളത്തില്‍ അഭിനയിക്കുന്നത്. വിഷ്ണു ജി രാഘവ് സംവിധാനം ചെയ്ത ചിത്രം ജൂണ്‍ പതിനേഴ് മുതല്‍ തിയറ്ററുകളിലേക്ക് എത്തി. സിനിമയുടെ പ്രൊമോഷന്റെ ഭാഗമായി കൗമുദി മൂവീസിന് നല്‍കിയ അഭിമുഖത്തിലൂടെ രസകരമായ വെളിപ്പെടുത്തലാണ് താരപുത്രി നടത്തിയിരിക്കുന്നത്.

കീര്‍ത്തിയ്ക്ക് വാശി ഉണ്ടോ എന്നാണ് അവതാരക ചോദിച്ചത്..

'അങ്ങനെ പ്രത്യേകിച്ച് ഇപ്പോള്‍ വാശി ഒന്നുമില്ലെന്ന് നടി പറഞ്ഞു. പിന്നെ ചെറുപ്പം മുതല്‍ ഞാന്‍ വാശിയുള്ള കൂട്ടത്തിലാണ്. ആഗ്രഹിക്കുന്ന കാര്യം നടത്തി എടുക്കാന്‍ വാശി കാണിക്കാറുണ്ട്. അതൊരു നല്ല കാര്യമല്ലേ' എന്നാണ് കീര്‍ത്തി ചോദിക്കുന്നത്.

സുരേഷ് ഗോപിയെ കുറിച്ചുള്ള ചോദ്യത്തിന് കീര്‍ത്തിയുടെ മറുപടിയിങ്ങനെ..

'സുരേഷ് അങ്കിള്‍ ചെറുപ്പം മുതലേ എന്നെ കളിയാക്കുമായിരുന്നു. ഞാന്‍ ഒരു അനാഥകുഞ്ഞാണ്, നിന്റെ അച്ഛനും അമ്മയും നിന്നെ ദത്തെടുത്തതാണ്. നിനക്ക് അവിടെ ജീവിക്കണ്ടെങ്കില്‍ എന്റെ വീട്ടിലേക്ക് വന്നോ എന്നൊക്കെ പറഞ്ഞിരുന്നു. ഞാനിത് കുറേ വര്‍ഷം വിശ്വസിച്ചു. ശരിക്കും ഞാന്‍ അനാഥകുഞ്ഞാണെന്നാണ് കരുതിയിരുന്നത്. അങ്ങനെ ചില തമാശകളൊക്കെ സുരേഷ് ഗോപിയുമായിട്ട് ഉണ്ടെന്നാണ് കീര്‍ത്തി വെളിപ്പെടുത്തുന്നത്'.

ടൊവിനോ തോമസും കീര്‍ത്തിയും വക്കീലന്മാരുടെ വേഷത്തില്‍ എത്തുന്ന ചിത്രമാണ് വാശി. വിഷ്ണു ജി രാഘവ് സംവിധാനം ചെയ്ത ചിത്രം കീര്‍ത്തിയുടെ അച്ഛനും നിര്‍മാതാവുമായ സുരേഷ് കുമാര്‍ ആണ് നിര്‍മ്മിക്കുന്നത്. അച്ഛന്‍ നിര്‍മ്മിക്കുന്ന ചിത്രത്തില്‍ ആദ്യമായി കീര്‍ത്തി അഭിനയിക്കുന്നു എന്ന പ്രത്യേകതയും വാശിയ്ക്കുണ്ട്. മഹേഷ് നാരായണന്‍ എഡിറ്റിംഗ് നിര്‍വഹിക്കുമ്പോള്‍ കൈലാസ് മേനോന്‍ ആണ് സംഗീത സംവിധായാകന്‍. വിനായക് ശശികുമാര്‍ ഗാനത്തിന്റെ വരികള്‍ ഒരുക്കിയിരിക്കുന്നു..