താൻ പാടിയ ഹിറ്റ് ഗാനത്തിൽ ഇപ്പോഴും ആ തെറ്റുണ്ട്, തുറന്ന് പറഞ്ഞ് ചിത്ര

ഇപ്പോഴിത താൻ ആലപിച്ച സൂപ്പർ ഹിറ്റ് ഗാനമായ പഞ്ചാഗ്നിയിലെ ആ രാത്രി... എന്ന് തുടങ്ങുന്ന ഗാനത്തിലെ പിഴവിനെ കുറിച്ച് വെളിപ്പെടുത്തുകയാണ് ചിത്ര.. കൗമുദി ടിവിയ്ക്ക് നൽകിയ അഭിമുഖത്തിലാണ് ഇക്കാര്യം വെളിപ്പെടുത്തിയത്. ഇപ്പോഴും ആ ഗാനത്തിൽ തെറ്റുണ്ടെന്നും ചിത്ര പറയുന്നു.

ചിത്രയ്ക്ക് ദേശീയ പുരസ്കാരം ലഭിച്ച മഞ്ഞൾപ്രസാദവും നെറ്റിയിൽ ചാർത്തി എന്ന ഗാനത്തിലെ ഓർമ പങ്കുവെയ്ക്കവെയാണ് ഇക്കാര്യം പറഞ്ഞത്. ബോംബെ രവി. സാറിന്റെ സംഗത്തിൽ ജെമിനി സ്റ്റുഡിയോയിലാണ് ഈ ഗാനം റെക്കോഡ് ചെയ്തിരിക്കുന്നത്. കോട്ടേശ്വര റാവു എന്ന് പറയുന്ന ഒരു പഴയ റെക്കേഡിസ്റ്റായിരുന്നു ഈ പാട്ട് റെക്കോഡ് ചെയ്തത്. പഞ്ചാഗ്നിയിലെ ആ രാത്രി എന്ന ഗാനവും അവിടെ തന്നെയാണ് റെക്കോഡ് ചെയ്തത്. അടുത്തടുത്ത ദിവസങ്ങളിലായിട്ടാണ് ഈ രണ്ട് ഗാനവും റെക്കോർഡ് ചെയ്തത്. ബോംബെ രവി സാർ തന്നെയായിരുന്നു ഈ ഗാനത്തിന്റേയും സംഗീത സംവിധായകൻ. അദ്ദേഹം വന്ന സമയത്ത് ഒരുമിച്ചായിരുന്നു ആ രണ്ട് പാട്ടിന്റേയും റെക്കോഡിങ്ങ് നടക്കുന്നത്.

പഞ്ചാഗ്നിയിലെ ആ രാത്രി എന്ന ഗാനത്തിലാണ് ചെറിയൊരു പ്രശ്നം ഉണ്ടായത്. ചിത്രയുടെ വാക്കുകൾ ഇങ്ങനെ.... ആ പാട്ടിൽ പോയി മറഞ്ഞൂ.... ആ രാത്രി എന്നിങ്ങനെയാണ് ട്യൂൺ പറഞ്ഞു തന്നത്. ഊ... ആ എന്ന് വരാൻ പാടില്ലായിരുന്നു. എന്നാൽ അന്ന് അത് പറയാൻ ഭയമായിരുന്നു. പിന്നീട് ആരും തനിക്ക് അത് പറഞ്ഞ് ശരിയാക്കി തന്നില്ല. ഇപ്പോൾ ആ ഗാനം കേൾക്കുമ്പോൾ വല്ലാതെ ഫീൽ ചെയ്യാറുണ്ട്. പോയി മറഞ്ഞു ആ രാത്രി... എന്ന് പാടിയാൽ പോരായിരുന്നോ എന്ന് ചിന്തിക്കാറിണ്ട്; ചിത്ര പാട്ടിന്റെ ഓർമ പങ്കുവെച്ച് കൊണ്ട് പറഞ്ഞു.

ചിത്രയുടെ എക്കാലത്തേയും ഹിറ്റ് ഗാനങ്ങളിൽ ഒന്നാണ് പഞ്ചാഗ്നിയിലെ ആ രാത്രി എന്ന ഗാനം. ഒഎൻവി കുറുപ്പാണ് വരികൾ എഴുതിയിരിക്കുന്നത്. 1986-ൽ പുറത്തിറങ്ങിയ ചിത്രത്തിലെ യോശുദാസ് പാടിയ "സാഗാരങ്ങളെ" എന്ന് തുടങ്ങുന്ന ഗാനവും എവർഗ്രീൻ സൂപ്പർഹിറ്റ് ഗാനങ്ങളിൽ ഒന്നാണ്. മോഹൻലാൽ ഗീത, നദിയ മൊയ്തു,തിലകൻ,ദേവൻ എന്നിവരാണ് ചിത്രത്തിൽ അഭിനയിച്ചിരിക്കുന്നത്. എം.ടി. വാസുദേവൻ നായരുടെ തിരക്കഥയിൽ ഹരിഹരനാണ് ചിത്രം സംവിധാനം ചെയ്തിരിക്കുന്നത്.