ആ മൂന്ന് മക്കള്‍ ഇവരാണ്; മകള്‍ക്ക് ഒന്നിച്ചുണ്ടായ മക്കളെ പുറംലോകത്തിന് പരിചയപ്പെടുത്തി കൊണ്ട് ലക്ഷ്മി നായര്‍

'എല്ലാവരുടെയും പ്രാര്‍ത്ഥനയാണ് ഞങ്ങളുടെ ഈ കണ്മണികള്‍ 35 ആഴ്ചകള്‍ക്ക് ശേഷമാണ് പാര്‍വതി കുഞ്ഞുങ്ങള്‍ക്ക് ജന്മം നല്‍കിയത് സിസേറിയന്‍ ആയിരുന്നു. ആ സമയങ്ങള്‍ ഒക്കെ പ്രാര്‍ത്ഥനയോടെയാണ് ഇരുന്നത് ഒക്കെ വന്നിരുന്നു പക്ഷേ എല്ലാം ഭംഗിയായി കുഞ്ഞുങ്ങളെ ഐസിയുവിലേക്ക് മാറ്റി വേണ്ടി വന്നില്ല എന്നത് അനുഗ്രഹമായി ആദ്യത്തെ ദിവസങ്ങള്‍ ഒക്കെ ഉറങ്ങാന്‍ പറ്റിയില്ല എന്ന് മകള്‍ പറഞ്ഞു രണ്ട് കിലോ വെയിറ്റ് ആയിരുന്നു കുഞ്ഞുങ്ങള്‍ക്ക് ഉണ്ടായിരുന്നത് എന്നാണ് ലക്ഷ്മി നായര്‍ പറയുന്നത്.

അഞ്ചു മാസം പ്രായമായ കുഞ്ഞുങ്ങളില്‍ രണ്ടുപേര്‍ ആണ്‍കുട്ടികളും ഒരാള്‍ പെണ്‍കുട്ടിയാണ്. യുവാന്‍, വിഹാന്‍, ലയ എന്നിങ്ങനെയാണ് മക്കള്‍ക്ക് പേര് നല്‍കിയത്. ഇവരെ കൂടാതെ നാലു വയസ്സുകാരനായ ആയുഷ് എന്നൊരു മകനും പാര്‍വതിക്ക് ഉണ്ട്. പേരക്കുട്ടികളുടെ കൂടെയുള്ള ലക്ഷ്മിയുടെ വീഡിയോ വളരെ പെട്ടെന്നാണ് യൂട്യൂബില്‍ തരംഗമായി മാറിയത്. മണിക്കൂറുകള്‍ കൊണ്ട് തന്നെ യൂട്യൂബിലെ ട്രെന്‍ഡിങ് നമ്പര്‍ വണ്‍ വീഡിയോ ആയി ഇത് മാറുകയും ചെയ്തിരുന്നു. ആ സന്തോഷം പങ്കുവെച്ചു കൊണ്ടും ലക്ഷ്മി എത്തിയിരുന്നു. മണിക്കൂറുകള്‍ക്കുള്ളില്‍ ലക്ഷക്കണക്കിന് ആളുകളാണ് ഈ വീഡിയോ കണ്ടിരിക്കുന്നത്.

കുഞ്ഞുമക്കളെ കണ്ടതില്‍ വളരെ സന്തോഷം. മൂന്ന് മക്കളെയും ദൈവം അനുഗ്രഹിക്കട്ടേ. മാഡത്തിനും കുഞ്ഞുങ്ങളെ കാണിക്കാന്‍ ശ്രമിച്ച നല്ല മനസ്സിന് നന്ദി. കുഞ്ഞുങ്ങള്‍ക്ക് ആയുര്‍രാരോഗ്യമുണ്ടാവട്ടെ. എന്നിങ്ങനെ വീഡിയോയ്ക്ക് താഴെ നിരവധി കമന്റുകളാണ് വരുന്നത്. നിലവില്‍ മകളെയും കുഞ്ഞുങ്ങളെയും നോക്കുന്നതിന് വേണ്ടി മാഞ്ചസ്റ്ററിലാണ് താരമുള്ളത്. വീട്ടിലേക്ക് വന്ന പുതിയ അതിഥികള്‍ക്കൊപ്പമായിരുന്നു ഇത്തവണ ലക്ഷ്മി ക്രിസ്തുമസും ദീപാവലിയുമൊക്കെ ആഘോഷിച്ചത്. ആ ദിവസത്തെ ആഘോഷത്തിൽ മക്കളെ ഒരുക്കിയതിനെ കുറിച്ചും പാചകം ചെയ്യുന്പോൾ കുഞ്ഞുങ്ങളെ ഒപ്പം കൂട്ടിയതിനെ പറ്റിയുമൊക്കെ ലക്ഷ്മി നായർ വ്യക്തമാക്കിയിരുന്നു.