മമ്മൂട്ടിയല്ല ബിജു മേനോന്‍റെ ആ ഇമേജാണ് വിനയായത്! പട്ടാളത്തിന്‍റെ പരാജയത്തെക്കുറിച്ച് ലാല്‍ ജോസ്!

പതിവില്‍ നിന്നും വ്യത്യസ്തമായി ബിജു മേനോനില്‍ പരീക്ഷണം നടത്തുകയായിരുന്നു പട്ടാളമെന്ന ചിത്രത്തില്‍. 2018 ല്‍ പുറത്തിറങ്ങിയ സിനിമയില്‍ ബെന്നിയെന്ന കഥാപാത്രത്തെയായിരുന്നു താരം അവതരിപ്പിച്ചത്. ജ്യോതിര്‍മയിയായിരുന്നു ബിജു മേനോന്റെ ജോഡിയായി എത്തിയത്. ഇവരുടെ കെമിസ്ട്രിക്ക് നിറഞ്ഞ കൈയ്യടിയായിരുന്നു ലഭിച്ചത്. ചിത്രത്തിലെ ഗാനങ്ങളും ഏറെ ശ്രദ്ധിക്കപ്പെട്ടിരുന്നു. സീരിയസ് കഥാപാത്രങ്ങളില്‍ നിന്നും മാറി തമാശയുമായി ബിജു മേനോനെ അവതരിപ്പിക്കുകയായിരുന്നു ലാല്‍ ജോസ്. ആ പരീക്ഷണത്തിന് അത്ര നല്ല റിസല്‍ട്ടായിരുന്നു അക്കാലത്ത് ലഭിച്ചത്. പില്‍ക്കാലത്ത് ബിജു മേനോന്‍ എന്ന താരം ആ വഴിയിലേക്ക് മാറിയെന്നുള്ളതാണ് മറ്റൊരു കാര്യം.

ബിജു മേനോനെക്കുറിച്ചുള്ള അന്നത്തെ സങ്കല്‍പ്പത്തെ പൊളിച്ചെഴുതാന്‍ ശ്രമിച്ച സിനിമ കൂടിയായിരുന്നു പട്ടാളം. വളരെ സീരിയസായിട്ടുള്ള, മമ്മൂട്ടിയുടെ അനിയന്‍ കഥാപാത്രം അല്ലെങ്കില്‍ മമ്മൂട്ടിക്ക് ശേഷം പൗരുഷമുള്ള കഥാപാത്രത്തെ അവതരിപ്പിക്കേണ്ടയാള്‍ ഇതായിരുന്നു ബിജു മേനോനെക്കുറിച്ചുള്ള ധാരണ. അതിനാല്‍ത്തന്നെ തമാശയോ അത്തരം കാര്യങ്ങളോ ഒന്നും പുറത്തെടുക്കാനായി പ്രേക്ഷകര്‍ സമ്മതിച്ചിരുന്നില്ല.

ബിജു മേനോന്‍ നല്ല സെന്‍സ് ഓഫ് ഹ്യൂമറുള്ളയാളാണ്. ടെന്‍ഷനോ മറ്റ് പ്രതിസന്ധികളോ ഒക്കെ വരുമ്പോള്‍ വളരെ കൂളായാണ് അദ്ദേഹം നേരിടുന്നതെന്നും തമാശയോടെയാണ് പല കാര്യങ്ങളേയും സമീപിക്കാറുള്ളതെന്നും ലാല്‍ ജോസ് നേരത്തെ പറഞ്ഞിരുന്നു. അദ്ദേഹത്തിന്റെ തമാശ ആ സമയത്ത് പ്രേക്ഷകര്‍ സ്വീകരിച്ചിരുന്നില്ല, എന്നാല്‍ പില്‍ക്കാലത്ത് അതിനായി കാത്തിരിക്കുകയായിരുന്നു ആരാധകര്‍. അത്ര പെട്ടെന്ന് നടന്‍മാരെ സ്വീകരിക്കുന്നവരല്ല മലയാളി പ്രേക്ഷകര്‍. വലരെ പതുക്കെയേ അത് സംഭവിക്കുകയുള്ളൂ. അങ്ങനെ സമയമെടുത്ത് വരുന്നവര്‍ സിനിമയില്‍ നിലനില്‍ക്കുമെന്നും ലാല്‍ ജോസ് പറയുന്നു.

വീട്ടിലെ ചട്ടമ്പി! മമ്മയുടെ അല്ലി! വീഡിയോയുമായി സുപ്രിയ! മകള്‍ വേഗം വളരുന്നുവെന്ന് പൃഥ്വിരാജ്!

ആത്മാര്‍ത്ഥ സുഹൃത്തുക്കളാണ് ബിജു മേനോനും ലാല്‍ ജോസും. ആദ്യ സിനിമ മുതലിങ്ങോട്ടുള്ള സൗഹൃദം ഇന്നും അതേ പോലെ നിലനിര്‍ത്തിയാണ് ഇരുവരും മുന്നേറുന്നത്. 41 ല്‍ എത്തിനില്‍ക്കുകയാണ് ഇവരുടെ സിനിമാജീവിതം. സിനിമയില്‍ അധികം സൗഹൃദങ്ങളൊന്നും തനിക്കില്ലെന്നും ഉള്ളവരെല്ലാം ഹൃദയത്തോട് ചേര്‍ന്നുനില്‍ക്കുന്നവരാണെന്നും ലാല്‍ ജോസ് പറഞ്ഞിരുന്നു. ദിലീപും ബിജു മേനോനുമായി തുടക്കം മുതലേ തന്നെ അടുത്ത സൗഹൃദമുണ്ടായിരുന്നു. ഇപ്പോഴും അത് അതേ പോലെ തുടരുന്നുണ്ട് ഇരുവരും.

സുപ്രിയയും പൃഥ്വിരാജും അതീവ സന്തോഷത്തില്‍! കാത്തിരിപ്പിനൊടുവില്‍ രാജന് സ്വപ്‌നസാഫല്യം!

ബിജു മേനോനുമായി മാത്രമല്ല സംയുക്ത വര്‍മ്മയുമായും അടുത്ത സൗഹൃദമുണ്ട് ലാല്‍ ജോസിന്. ചന്ദ്രനുദിക്കുന്ന ദിക്കില്‍ എന്ന ചിത്രത്തില്‍ സംയുക്ത വര്‍മ്മയും അഭിനയിച്ചിരുന്നു. ചിത്രത്തിനിടയിലെ അനുഭവത്തെക്കുറിച്ച് ബിജു മേനോന്‍ തുറന്നുപറഞ്ഞിരുന്നു. താനും കാവ്യയും സംസാരിച്ചിരിക്കാറുണ്ടെന്ന് ബിജു മേനോന്‍ പറഞ്ഞിരുന്നു. ആ സമയത്ത് സംസാരിക്കാനൊന്നും സംയുക്ത വര്‍മ്മ വരാറില്ല. ജാഡയാണെന്നായിരുന്നു അന്ന് കരുതിയതെന്നും അദ്ദേഹം പറഞ്ഞിരുന്നു. പില്‍ക്കാലത്ത് അടുത്ത സുഹൃത്തുക്കളായും ആ ബന്ധം പ്രണയത്തിലേക്കും വഴിമാറുകയായിരുന്നു.