അന്ന് പ്രിയാമണിയെ എൻ്റെ കൈയ്യിൽ നിന്നും നഷ്ടപ്പെട്ട് പോയതാണെന്ന് ലാൽ ജോസ്; രണ്ട് തവണയും അങ്ങനെയായിരുന്നു

ചാന്തുപൊട്ട് ഷൂട്ട് ചെയ്യാന്‍ തുടങ്ങിയതിന് ഒരു വര്‍ഷം മുന്‍പേ ചെയ്യേണ്ട സിനിമയായിരുന്നു. അതിലേക്ക് ആദ്യം നായികയായി തീരുമാനിച്ചത് നടി പ്രിയാമണിയെയാണ്. മദ്രാസിലുള്ള എന്റെ ഫ്‌ളാറ്റിലേക്ക് പ്രിയാമണി വരികയും ഞങ്ങളൊരുമിച്ചിരുന്ന് സിനിമയെ പറ്റി സംസാരിക്കുകയും ചെയ്തിരുന്നു. അന്ന് പ്രിയാമണി പനി പിടിച്ച് ആശുപത്രിയില്‍ അഡ്മിറ്റാണ്. അവിടുന്ന് ഡോക്ടര്‍മാര്‍ പോലും അറിയാതെ ഇറങ്ങി വന്നിട്ടാണ് ഞങ്ങള്‍ തമ്മില്‍ കാണുന്നത്.

അങ്ങനെ എല്ലാം തീരുമാനിച്ച് വച്ചെങ്കിലും ചാന്തുപൊട്ട് തുടങ്ങാന്‍ കുറച്ച് വൈകി. ആ സമയത്ത് സത്യം എന്ന പൃഥ്വിരാജിന്റെ മൂവിയിലേക്ക് പ്രിയാമണിയ്ക്ക് അവസരം കിട്ടി. ചാന്തുപൊട്ടില്‍ പ്രിയാമണി അഭിനയിക്കുമെന്ന് ഏതൊക്കെയോ മാധ്യമങ്ങളില്‍ ഫോട്ടോ കൊടുത്തിരുന്നു. അത് കണ്ട് മറ്റുള്ളവരൊക്കെ വിളിച്ചു.

അതോടെ പ്രിയാമണിയെ എന്റെ കൈയ്യില്‍ നിന്നും മിസ് ആയി പോയെന്ന് ലാല്‍ ജോസ് പറയുന്നു. അതല്ലെങ്കില്‍ അവരുടെ ആദ്യത്തെ സിനിമ ചാന്തുപൊട്ട് ആവുമായിരുന്നു. ചിത്രത്തില്‍ ഗോപിക അവതരിപ്പിച്ച കഥാപാത്രമായിരുന്നു പ്രിയാമണി ചെയ്യാനിരുന്നതെന്ന് ലാല്‍ ജോസ് വ്യക്തമാക്കുന്നു.

രണ്ടാമത് പ്രിയാമണിയെ വിളിച്ചത് 'എല്‍സമ്മ എന്ന ആണ്‍കുട്ടി' യിലേക്കാണ്. ആന്‍ അഗസ്റ്റിന്റെ റോളിലേക്ക് പ്രിയാമണിയെ തീരുമാനിച്ച് വച്ചു. അവരുടെ ഡേറ്റും സാലറിയും തുടങ്ങി പ്രൊഡക്ഷനുമായി ബന്ധപ്പെട്ട് എന്തൊക്കെയോ പ്രശ്‌നം ഉണ്ടായി. അങ്ങനെ അത് മാറി പോയാണ് ആന്‍ അഗസ്റ്റിലേക്ക് എത്തുന്നത്.

ഫൈറ്റ് സീനില്‍ ഞെട്ടിച്ച നടനെ കുറിച്ചും ലാല്‍ ജോസ് പങ്കുവെച്ചു. 'ഫൈറ്റ് സീനില്‍ ഏറ്റവുമധികം ഞെട്ടിച്ചത് മോഹന്‍ലാലാണ്. മോഹന്‍ലാലിന്റെ കുറേ സിനിമകളില്‍ അസിസ്റ്റന്റായി നിന്നിട്ടുണ്ട്. മാന്ത്രികം എന്ന സിനിമയില്‍ ഫൈറ്റ് എടുക്കുമ്പോള്‍ കൊറിയോഗ്രാഫറുമായി നല്ലോണം ചേര്‍ന്നാണ് ചെയ്തത്. കുടുംബ ചിത്രങ്ങള്‍ എടുത്ത് നടന്ന ഞാന്‍ ഒരു ഫൈറ്റ് സീന്‍ കണ്ട് അന്തം വിട്ട് നിന്നത് മോഹന്‍ലാലിന്റേതാണെന്ന് ലാല്‍ ജോസ് പറയുന്നു.