ബംഗാളി കുടുംബത്തിലെ കുട്ടിയാണ് ഭാര്യ; ചേട്ടത്തിയുടെ അനിയത്തിയെ പ്രണയിച്ചതിനെ കുറിച്ച് പത്മകുമാര്‍

നിരവധി സിനിമകള്‍ സംവിധാനം ചെയ്‌തെങ്കിലും ജോസഫ് ഹിറ്റായതോടെയാണ് എം പത്മകുമാറിന്റെ സിനിമകള്‍ ചര്‍ച്ചയാവുന്നത്. ജോജു ജോര്‍ജിനെ ആദ്യമായി നായകനാക്കി മലയാള സിനിമയിലൊരു ചരിത്രം തന്നെ പത്മകുമാര്‍ രചിച്ചു. ജോസഫിന് ശേഷമാണ് മാമാങ്കത്തിന്റെ സംവിധാനം ഏറ്റെടുത്ത് വരുന്നത്. ഇപ്പോള്‍ ജോസഫിന്റെ തമിഴ് റീമേക്ക് പൂര്‍ത്തിയായിരിക്കുകയാണ്. ഹിന്ദിയില്‍ കൂടി ചെയ്യാന്‍ ഇരുന്നപ്പോഴായിരുന്നു കൊവിഡ് വരുന്നത്. ഇപ്പോഴത്തെ പ്രതിസന്ധികള്‍ മാറിയാല്‍ പുതുമുഖങ്ങളെ അണിനിരത്തി താനൊരു സിനിമ ചെയ്യുമെന്നാണ് പത്മകുമാര്‍ പറയുന്നത്.

സംവിധായകനായ പത്മകുമാറിനെ കുറിച്ച് എല്ലാവര്‍ക്കും അറിയാമെങ്കിലും ഫാമിലിയെ കുറിച്ച് കാര്യമായതൊന്നും പുറത്ത് വന്നിട്ടില്ല. ഇപ്പോള്‍ മഹിളരത്‌നം മാഗസിന് നല്‍കിയ അഭിമുഖത്തിലൂടെ ഭാര്യയെ കുറിച്ചും മക്കളെ കുറിച്ചുമൊക്കെ സംവിധായകന്‍ തുറന്ന് പറയുകയാണ്. ''ആറാം തമ്പുരാന്റെ വര്‍ക്കുകള്‍ നടക്കുന്നതിനിടയിലാണ് ഞാന്‍ വിവാഹം കഴിക്കുന്നത്. മുംബൈയില്‍ സ്ഥിരതാമസമാക്കിയ ഒരു ബംഗാളി കുടുംബത്തിലെ കുട്ടിയാണ്. മലയാളം പറയാന്‍ അറിയാത്ത ഹിന്ദിയും ഇംഗ്ലീഷും മാത്രം പറയുന്ന രവിത ശ്രീവാസ്തവയ്ക്ക് (എന്റെ ദീപ്തിക്ക്) സിനിമയെ കുറിച്ച് അന്ന് ഒന്നുമറിയില്ലായിരുന്നു.

ഞങ്ങള്‍ പ്രണയിച്ചാണ് വിവാഹം കഴിച്ചില്ലെങ്കിലും രണ്ട് വീട്ടുകാരുടെയും സമ്മതപ്രകാരമായിരുന്നു. സംസാരത്തിനിടയില്‍ സ്വീറ്റ്‌സുമായി ദീപ്തി വന്നു. എന്റെ ചേട്ടന്റെ ഭാര്യയുടെ അനുജത്തിയാണ് ദീപ്തി. ചേട്ടന്‍ മര്‍ച്ചന്റ് നേവിയിലാണ്. ചേട്ടനിപ്പോള്‍ മുംബൈയില്‍ താമസമാക്കി. ചേട്ടന്റേത് പ്രണയവിവാഹമായിരുന്നു. അങ്ങനെയാണ് ചേട്ടത്തിയമ്മയുടെ അനിയത്തിയെ ഞാന്‍ വിവാഹം കഴിക്കുന്നത്. വളരെ ബുദ്ധിമുട്ടിയാണ് ഞങ്ങള്‍ ചെന്നൈയില്‍ കഴിഞ്ഞത്. പല കുറവുകള്‍ ഉണ്ടെങ്കിലും എല്ലാം അവള്‍ അഡ്ജസ്റ്റ് ചെയ്യാന്‍ പഠിച്ചു. ആയിടയ്ക്കാണ് മകന്‍ ജനിക്കുന്നത്. ആകാശ്. അവനിപ്പോള്‍ പാരീസില്‍ ഒരു കോഴ്‌സ് ചെയ്ത് കൊണ്ടിരിക്കുകയാണ്.

Recommended Video

മമ്മൂക്കയുടെ ലുക്ക് കണ്ട് പീഡിപ്പിക്കാൻ തോന്നുന്നുവെന്ന് പെൺകുട്ടി

ആകാശ് ജനിച്ച ശേഷം ഞങ്ങള്‍ ചെന്നൈയില്‍ നിന്നും കോഴിക്കേട്ടേക്ക് താമസം മാറ്റി. രഞ്ജിയുമായി കൂടുതല്‍ അടുത്തപ്പോള്‍ ഒത്തിരി സൗഹൃദങ്ങള്‍ കോഴിക്കോട്ട് ഉണ്ടായി. ആകാശിന് മൂന്ന് വയസായപ്പോഴാണ് ഞങ്ങള്‍ കോഴിക്കോട ബിലാത്തിക്കുളം ഹൗസിംഗ് കോളനിയില്‍ താമസമാക്കുന്നത്. ദീപ്തി നന്നായി പാചകം ചെയ്യും. നോര്‍ത്ത് ഇന്ത്യന്‍ ഭക്ഷണങ്ങളും കേരളീയ ഭക്ഷണങ്ങളും അവള്‍ ഉണ്ടാക്കും. രണ്ടാമത്തെ മകന്‍ അമല്‍. പ്ലസ് ടുവിന് പഠിക്കുകയാണെന്നും പത്മകുമാർ പറയുന്നു.