ആദ്യപകുതി വേറെ ലെവല്‍! ഷൈലോക്ക് മരണമാസ്! മമ്മൂക്ക കൊലമാസെന്ന് ആരാധകര്‍!

ഈ വര്‍ഷത്തെ ആദ്യ റിലീസ്

മലയാള സിനിമയിലെ ഒരേ ഒരു ബോസ്സ്. ദി റിയൽ ബിഗ് ബോസ്സാണ് മെഗാസ്റ്റാർ, മമ്മൂക്ക. അദ്ദേഹത്തിന്‍റെ ഈ വർഷത്തെ ആദ്യ റിലീസാണ് ഇപ്പോള്‍ തിയേറ്ററുകളിലേക്ക് എത്തിയിട്ടുള്ളത്. ഗംഭീര വരവേല്‍പ്പാണ് ചിത്രത്തിന് പ്രേക്ഷകര്‍ നല്‍കിക്കൊണ്ടിരിക്കുന്നത്. ആര്‍പ്പുവിളികളും ആവേശവുമൊക്കെയായി തിയേറ്ററുകളിലെല്ലാം ഉത്സവപ്രതീതിയാണ്. പടക്കം പൊട്ടിച്ചും പൂത്തിരി കത്തിച്ചുമൊക്കെയാണ് ആരാധകര്‍ ഷൈലോക്കിനെ വരവേറ്റിട്ടുള്ളത്.

മാസ്സും ക്ലാസും

സ്റ്റൈലിഷ് ലുക്കിലുള്ള മമ്മൂട്ടിയെയാണ് ഷൈലോക്കിലും കാണുന്നത്. അല്‍പ്പം നെഗറ്റീവ് ടച്ചുള്ള കഥാപാത്രമാണെന്ന് താരം തന്നെ പറഞ്ഞിരുന്നു. നെഗറ്റീവ് കഥാപാത്രങ്ങളെ അവതരിപ്പിച്ചും അദ്ദേഹം കൈയ്യടി നേടിയിരുന്നു. പതിവില്‍ നിന്നും വ്യത്യസ്തമായി അദ്ദേഹത്തിന് നായികമാരില്ലെന്നതും മറ്റൊരു പ്രത്യേകതയാണ്. മീനയും രാജ് കിരണുമാണ് പ്രധാന താരങ്ങളെന്നും അവരെ ഒരുമിപ്പിക്കാനുള്ള ശ്രമത്തിലാണ് താനെന്നും അദ്ദേഹം പറഞ്ഞിരുന്നു.

മമ്മൂട്ടി പറഞ്ഞത്

എല്ലാവര്‍ക്കും ഇഷ്ടമാവുന്ന തരത്തിലാണ് തങ്ങള്‍ ചിത്രം ഒരുക്കിയിട്ടുള്ളതെന്ന് മമ്മൂട്ടി പറഞ്ഞിരുന്നു. സിനിമയെക്കുറിച്ച് അമിത പ്രതീക്ഷകള്‍ നല്‍കാതെയായിരുന്നു അദ്ദേഹം സംസാരിച്ചത്. നിങ്ങളാണ് ഇനി ഏറ്റെടുക്കേണ്ടതെന്നും താരം പറഞ്ഞിരുന്നു. അദ്ദേഹത്തിന്‍റെ വാക്കുകളെ അതേ പോലെ സ്വീകരിച്ചിരിക്കുകയാണ് ആരാധകര്‍. പ്രേക്ഷകമ മനസ്സില്‍ നിറഞ്ഞുനില്‍ക്കുന്ന സിനിമയായി ഷൈലോക്ക് മാറുമോയെന്നറിയാനായി കാത്തിരിക്കുകയാണ് എല്ലാവരും.

ആദ്യപകുതി വേറെ ലെവല്‍

ഷൈലോക്കിന്‍രെ ആദ്യപകുതി കിടിലനാണെന്നാണ് പ്രേക്ഷകര്‍ പറയുന്നത്. മമ്മൂട്ടിയുടെ മാസ് കാ ബാപ്പെന്നായിരുന്നു മറ്റ് ചിലര്‍ പറഞ്ഞത്. ഇക്കയുടെ അഴിഞ്ഞാട്ടമാണെന്നുള്ള കമന്റുകളുമുണ്ട്. സിനിമ പൊളിയാണെന്നാണ് ആരാധകരെല്ലാം ഒരേ സ്വരത്തില്‍ പറയുന്നത്. മമ്മൂട്ടിയുടെ എനര്‍ജി ലെവല്‍ കണ്ട് ഞെട്ടിയെന്നായിരുന്നു മറ്റ് ചിലര്‍ പറഞ്ഞത്.

68 കാരന്റെ പൂണ്ടുവിളയാട്ടം

68കാരന്‍രെ പൂണ്ടുവിളയാട്ടമാണ് ഷൈലോക്കില്‍ കാണുന്നതെന്നും പ്രേക്ഷകര്‍ പറയുന്നുണ്ട്. എങ്ങനെയാണ് അദ്ദേഹം ഇത്ര അനായാസേന അഭിനയിക്കുന്നതെന്നുള്ള അതിശയവും പലരും പങ്കുവെച്ചിട്ടുണ്ട്. മമ്മൂട്ടിയുടെ പ്രധാനപ്പെട്ട ഡയലോഗുകളും ഇതിനകം തന്നെ വൈറലായി മാറിക്കഴിഞ്ഞിട്ടുണ്ട്.