മമ്മൂട്ടി മാത്രമല്ല പൃഥ്വിയും മിന്നിച്ചു! അബ്രഹാമിന് പിന്നാലെ കൂടെയും റെക്കോര്‍ഡുകള്‍ വാരി!

കൂടെ മുന്നേറി

അഞ്ജലി മേനോന്‍ സംവിധാനം ചെയ്ത കൂടെയും ഷാജി പാടൂരിന്റെ അബ്രഹാമിന്റെ സന്തതികളുമായിരുന്നു തിയേറ്ററുകളിലേക്കെത്തിയത്. ആദ്യമെത്തിയ അബ്രഹാമിം പിന്നാലെയെത്തിയ കൂടെയുമാണ് ഇത്തവണത്തെ ഓണത്തിന് ബോക്‌സോഫീസിലുണ്ടായിരുന്നത്. ഈ രണ്ട് സിനിമകളും കാണാനായി കുടുംബപ്രേക്ഷകര്‍ എത്തിയിരുന്നു. നസ്രിയയുടെ ശക്തമായ തിരിച്ചുവരവും പൃഥ്വിയുടെ അവിസ്മരണീയ പ്രകടനവും കൂടിയായപ്പോള്‍ കൂടെ ശരിക്കും പ്രേക്ഷകരുടെ കൂടെപ്പോരുകയായിരുന്നു. ബന്ധങ്ങളുടെ തീവ്രത വരച്ചുകാട്ടുന്നതില്‍ അഞ്ജലി മേനോന്റെ മിടുക്കിന് ഇത്തവണയും നിറഞ്ഞ കൈയ്യടിയായിരുന്നു ലഭിച്ചത്. നസ്രിയയുടെ പ്രസന്നതയും കൂടിയായപ്പോള്‍ ഈ സിനിമയെ ആരാധകര്‍ നെഞ്ചേറ്റുകയായിരുന്നു.

കൊച്ചി മള്‍ട്ടിപ്ലക്‌സിലെ പ്രകടനം

സിനിമകളുടെ ബോക്‌സോഫീസ് പ്രകടനത്തെ വിലയിരുത്തുമ്പോള്‍ കൊച്ചി മള്‍ട്ടിപ്ലക്‌സിലെ പ്രകടനം അവിഭാജ്യ ഘടകമാണ്. ഇതുംകൂടി പരിഗണിച്ചതിന് ശേഷമാണ് പ്രകടനം വിലയിരുത്താറുള്ളത്. കൊച്ചിയില്‍ നിന്നും മികച്ച പ്രതികരണമാണ് ചിത്രത്തിന് ലഭിച്ചത്. കുടുംബ പ്രേക്ഷകര്‍ ഈ ചിത്രത്തെ ഇരുകൈയ്യും നീട്ടി സ്വീകരിക്കുകയായിരുന്നു. പാര്‍വതി, പൃഥ്വിരാജ്, നസ്രിയ, അഞ്ജലി മേനോന്‍ ഇവരിലുള്ള വിശ്വാസം തന്നെയായിരുന്നു ഈ സിനിമയിലേക്ക് പ്രേക്ഷകരെ എത്തിച്ചത്.

മൂന്നാമത്തെ സ്ഥാനം

കൊച്ചി മള്‍ട്ടിപ്ലക്‌സില്‍ നിന്നും മികച്ച വിജയം സ്വന്തമാക്കുന്ന മൂന്നാമത്തെ ചിത്രമായി മാറിയിരിക്കുകയാണ് കൂടെ. ചുരുങ്ങിയ ദിനങ്ങള്‍ക്കുള്ളില്‍ത്തന്നെ ചിത്രം ഒരുകോടി നേട്ടം സ്വന്തമാക്കിയിരുന്നു. ചിത്രം വിജയക്കുതിപ്പിലേക്ക് നീങ്ങുമെന്ന് ആരാധകര്‍ നേരത്തെ പ്രവചിച്ചിരുന്നു. മലയാളികളുടെ എക്കാലത്തെയും പ്രിയപ്പെട്ട നായികമാരിലൊരാളായ നസ്ര്ിയയുടെ തിരിച്ചുവരവ് തന്നെയായിരുന്നു മുഖ്യ ആകര്‍ഷണം. ജെന്നി എന്ന കഥാപാത്രത്തെയാണ് താരം അവതരിപ്പിച്ചത്. സഹോദരനായി അഭിനയിച്ചത് പൃഥ്വിയായിരുന്നു. ഇവര്‍ക്കിടയിലെ കെമിസ്ട്രിക്ക് മികച്ച സ്വീകാര്യതയാണ് ലഭിച്ചത്.

85 ലും വീഴാതെ അബ്രഹാം

മമ്മൂട്ടിയും ഷാജി പാടൂരും ഒരുമിച്ചെത്തിയ ചിത്രമായിരുന്നു അബ്രഹാമിന്റെ സന്തതികള്‍. ഫസ്റ്റ് ലുക്ക് പോസ്റ്റര്‍ മുതല്‍ വാര്‍ത്തകളില്‍ നിറഞ്ഞുനിന്ന ചിത്രത്തിന് മികച്ച സ്വീകാര്യതയാണ് ലഭിച്ചത്. ഡെറിക് അബ്രഹാം എന്ന പോലീസുകാരനായാണ് മമ്മൂട്ടി എത്തിയത്. ദി ഗ്രേറ്റ് ഫാദറിന് ശേഷം ഹനീഫ് അദേനിയുമായി ഒരുമിച്ചപ്പോള്‍ത്തന്നെ മറ്റൊരു മാസ് ചിത്രമായിരിക്കും വരുന്നതെന്ന് ആരാധകര്‍ ഉറപ്പിച്ചിരുന്നു. നിലവിലെ റെക്കോര്‍ഡുകളെല്ലാം തിരുത്തിയാണ് ഈ ചിത്രം മുന്നേറിയത്. ഈ വര്‍ഷത്തെ ബ്ലോക്ക് ബസ്റ്റര്‍ ചിത്രങ്ങളുടെ പട്ടികയില്‍ ഒന്നാം സ്ഥാനമാണ് ഈ ചിത്രത്തിന്. ഈ ചിത്രത്തിന് ശേഷം ഇതേ കൂട്ടുകെട്ട് വീണ്ടും ഒന്നിക്കുന്നുവെന്നുള്ള റിപ്പോര്‍ട്ടുകളും പുറത്തുവന്നിട്ടുണ്ട്.

മമ്മൂട്ടിയുടെ വിജയക്കുതിപ്പ്

കൈനിറയെ സിനിമകള്‍ സ്വീകരിക്കുന്നതിനിടയിലും വ്യത്യസ്തത പുലര്‍ത്തിയാണ് മമ്മൂട്ടി മുന്നേറുന്നത്. വിമര്‍ശകരെപ്പോലും ക്യൂവില്‍ നിര്‍ത്താനും അദ്ദേഹത്തിന് കഴിഞ്ഞിരുന്നു. സോഷ്യല്‍ മീഡയയിലൂടെ ശക്തമായ പിന്തുണയാണ് മമ്മൂട്ടിക്ക് ലഭിക്കുന്നത്. അദ്ദേഹത്തിന്റെ സിനിമകളിലും ഇത് പ്രകടമാണ്. 85 ദിനം പിന്നിടുന്നതിനിടയിലും ചിത്രം വിജയക്കുതിപ്പ് തുടരുകയാണെന്നുള്ള റിപ്പോര്‍ട്ടകളാണ് പുറത്തുവന്നിട്ടുള്ളത്. ഓണത്തിന് ഒരു പ്രദര്‍ശനമൊക്കെയേ ഉണ്ടായിരുന്നുള്ളൂവെങ്കിലും ചിത്രം കാണാന്‍ ആള്‍ക്കാരുണ്ടായിരുന്നുവെന്നതാണ് മറ്റൊരു കാര്യം.