മോഹൻലാലും മമ്മൂട്ടിയും തമ്മിലുള്ള വ്യത്യാസം, താരരാജാക്കന്മാരെ കുറിച്ച് മീന

ലാലേട്ടനും മമ്മൂക്കയും വളരെ നല്ല അഭിനേതാക്കളാണ്. എത്ര പ്രയാസമുള്ള രംഗങ്ങളും നിസ്സാരമായി അഭിനയിക്കുന്നവർ. അവർക്കിടയിൽ അങ്ങനെ വ്യത്യാസങ്ങൾ ഒന്നും തോന്നിയിട്ടില്ല. അവർ രണ്ടുപേരും ഒരേ ക്വാളിറ്റിയുള്ളവരാണ്. അതുകൊണ്ടാണല്ലോ അവർ സൂപ്പർ സ്റ്റാറും മെഗാ സ്റ്റാറുമായി നിൽക്കുന്നത്'.

ദൃശ്യം2 ആണ് മീനയുടെ ഏറ്റവും പുതിയ ചിത്രം. ആദ്യ ഭാഗത്തിലെ റാണിയമ്മ എന്ന കഥാപാത്രത്തെയാണ് രണ്ടാം ഭാഗത്തിലും നടി അവതരിപ്പിക്കുന്നത്. ദൃശ്യം 2 ലെ തന്റെ കഥാപാത്രത്തെ കുറിച്ചും മീന അഭിമുഖത്തിൽ പറയുന്നുണ്ട്. എന്റെ കഥാപാത്രം വളരെ പ്രാധാന്യമുള്ളതാണ്. രഹസ്യം എന്തെന്ന് ജോർജുകുട്ടിക്ക് മാത്രമേ അറിയൂ. എന്നാൽ ആ രഹസ്യം പുറത്തറിഞ്ഞാൽ എന്താകും എന്ന ടെൻഷൻ റാണിയ്ക്കുണ്ട്. ഇടയ്ക്കിടയ്ക്ക് ആ രഹസ്യത്തെപ്പറ്റി ജോർജുകുട്ടിയോട് ചോദിക്കുകയും ചെയ്യുണ്ട്.

ദൃശ്യത്തിന്റെ മൂന്നാം ഭാഗത്തെ കുറിച്ചും മീന പറയുന്നുണ്ട്. ദൃശ്യം ഒന്നാം ഭാഗം ചെയ്തപ്പോൾ രണ്ടാം ഭാഗം ഉണ്ടാകുമെന്ന് കരുതിയിരുന്നില്ല. ഇപ്പോൾ വന്നു. അതുപോലെ മൂന്നാം ഭാഗത്തിന് സാധ്യതയുണ്ട്. അത് സംവിധായകൻ ജീത്തു ജോസഫ്, നിർമാതാവ് ആന്റണി പെരുമ്പാവൂർ എന്നിവരെ അപേക്ഷിച്ചിരിക്കുമെന്നും മീന അഭിമുഖത്തിൽ പറയുന്നു.

Recommended Video

Drishyam 2 Exclusive Interview | Mohanlal | Jeethu Joseph | FilmiBeat Malayalam

ഫെബ്രുവരി 19 നാണ് ദൃശ്യം 2 പ്രദർശനത്തിനെത്തുന്നത്. ആമസോൺ പ്രൈമിലൂടെയാണ് ചിത്രം റിലീസനെത്തുന്നത്. 8 വർഷത്തിന് ശേഷമാണ് ചിത്രത്തിന്റെ രണ്ടാം ഭാഗം എത്തുന്നത്. ജോർജ്ജ് കുട്ടിയുടേയും കുടുംബത്തിൻറെയും ഇപ്പോഴുള്ള ജീവിതമാണ് രണ്ടാം ഭാഗത്തിൽ പറയുന്നത്. ആദ്യ ഭാഗത്തിലെ താരങ്ങളെ കൂടാതെ ഗണേഷ് , സായ് കുമാർ, മുരളി ഗോപി തുടങ്ങിയ താരങ്ങളും രണ്ടാം ഭാഗത്തിൽ എത്തുന്നുണ്ട് ചിത്രത്തിന്റെ ടീസറിനും ട്രെയിലറിനും മികച്ച പ്രേക്ഷക സ്വീകാര്യതയാണ് ലഭിക്കുന്നത്