''ഉസാർക്ക് നാരങ്ങ കുശാൽക്ക് മുന്തിരിങ്ങ'', മമ്മൂട്ടിയുടെ രസകരമായ വീഡിയോ വൈറലാകുന്നു...

ഇപ്പോഴിത സോഷ്യൽ മീഡിയയിൽ വൈറലാകുന്നത് മെഗാസ്റ്റാറിന്റെ രസകരമായ ഒരു പഴയ വീഡിയോയാണ്. കാസർഗോഡ് ഭാഷയിൽ സംസാരിക്കുന്ന താരത്തെയാണ് വീഡിയോയിൽ കാണുന്നത്. സിനിമ കണ്ട് ഗംഭീരമാക്കി തന്ന ആരാധകർക്ക് നന്ദി പറയുകയാണ് മെഗാസ്റ്റർ. താരത്തിന്റെ വീഡിയോ നിമിഷനേരം കൊണ്ട് വൈറലായിരിക്കുകയാണ്.

മമ്മൂട്ടിയുടെ കാസർഗോഡ് ഭാഷ ആരാധകർ ഏറ്റെടുത്തിട്ടുണ്ട്. രസകരമായ കമന്റുകളാണ് വീഡിയോയ്ക്ക് ലഭിക്കുന്നത്. ഏത് ഭാഷയും സംസാരിക്കാനുള്ള മമ്മൂട്ടിയുടെ കഴിവിനെ കുറിച്ച് ആരാധകർ പറയുന്നുണ്ട്. താരത്തിന്റെ ഫാൻസ് പേജിലൂടെയാണ് വീഡിയോ പുറത്ത് വന്നിരിക്കുന്നത്. ഉസാർക്ക് നാരങ്ങ കുശാൽക്ക് മുന്തിരിങ്ങ എന്ന തലക്കെട്ടോടെയാണ് വീഡിയോ പ്രചരിക്കുന്നത്.സ്ലാങ്ങ് കൈകാര്യം ചെയ്യാൻ അല്ലെങ്കിലും ഇക്ക കഴിഞ്ഞെ വെറെ നടനുള്ളൂ. ആകെ ഒരു മത്സരം നടൻ കമൽഹാസനുമായിട്ടാണ്. എല്ലാ ഭാഷയും കൃത്യമായി പറയും. തുടങ്ങിയ കമന്റുകളാണ് വീഡിയോയ്ക്ക് ലഭിക്കുന്നത്. നടൻ ആസിഫ് അലിയും ഈ വീഡിയോ പങ്കുവെച്ചിരുന്നു.

സോഷ്യൽ മീഡിയയിലും സിനിമാ കോളങ്ങളിലും ഏറ്റവും കൂടുതൽ ചർച്ചയാവുന്ന താരമാണ് മെഗാസ്റ്റാർ. അദ്ദേഹത്തിന്റെ സിനിമാ വിശേഷങ്ങൾ മാത്രമല്ല കുടുംബവിശേഷങ്ങളും ലുക്കുമെല്ലാം പ്രേക്ഷകരുടെ ഇടയിൽ വലിയ ചർച്ചയാവാറുണ്ട്. ദിവസങ്ങൾക്ക് മുൻപ് മമ്മൂക്കയുടെ ഏറ്റവും പുതിയ ചിത്രം പുറത്ത് വന്നിരുന്നു. ലുക്കിലൂടെ വിസ്മയിപ്പിക്കുന്ന മോളിവുഡ് താരമാണ് മെഗാസ്റ്റാർ. ദിവസങ്ങൾക്ക് മുൻപ് പുറത്ത് വന്ന മമ്മൂട്ടിയുടെ ടൈനി പോണി ഹെയർ സ്റ്റൈൽ ഏറ ശ്രദ്ധിക്കപ്പെട്ടിയിരുന്നു. താരം തന്നെയായിരുന്നു ചിത്രം പങ്കുവെച്ചത്. വീട്ടിൽ നിന്നുള്ള മറ്റൊരു ചിത്രവും നടൻ പങ്കുവെച്ചിരുന്നു.

സൂപ്പർ ഹിറ്റ് ചിത്രങ്ങളാണ് മമ്മൂട്ടിയുടേതായി അണിയറയിൽ ഒരുങ്ങുന്നത്. അമൽ നീരദ് സംവിധനം ചെയ്യുന്ന ഭീഷ്മപർവമാണ് മെഗാസ്റ്റാറിന്റെ ഏറ്റവും പുതിയ ചിത്രം. താടിയും മുടിയും നീട്ടി വളർത്തിയ ഗെറ്റപ്പിലാണ് താരം എത്തുന്നത്. ചിത്രത്തിന്റെ ഫസ്റ്റ്ലുക്ക് പോസ്റ്റർ നേരത്തെ പുറത്ത് വന്നിരുന്നു. സിനിമയുടെ ചിത്രീകരണം നടക്കവെയായിരുന്നു ലോക്ക് ഡൗണിനെ തുടർന്ന് ഷൂട്ടിങ്ങ് നിർത്തി വെച്ചത്. ഒരു തെലുങ്ക് ചിത്രത്തിലും മമ്മൂട്ടി എത്തുന്നുണ്ട് എന്നുള്ള വാർത്ത പ്രചരിക്കുന്നുണ്ട്. ഔദ്യോഗിക പ്രഖ്യാപനം ഇതുവരെ ഉണ്ടായിട്ടില്ല. വൺ, പ്രീസ്റ്റ് എന്നിവയാണ് ഏറ്റവും പുറത്ത് ഇറങ്ങിയ മെഗാസ്റ്റാർ ചിത്രങ്ങൾ. തിയേറ്റർ റിലീസായിട്ടാണ് ഇവ എത്തിയത്.