മിയ ഗർഭിണിയായെന്ന കാര്യം വാർത്തയാവാത്തതിന് കാരണം; ഭര്‍ത്താവും താനും ചേര്‍ന്ന് എടുത്ത തീരുമാനമാണെന്ന് നടി

വിവാഹം നടന്നതിനെ പറ്റി മിയ ജോര്‍ജ് പറഞ്ഞതിങ്ങനെ..

'ലോക്ഡൗണ്‍ കാലത്താണ് തന്റെ ജീവിതത്തിലെ പ്രധാനപ്പെട്ട സംഭവങ്ങളൊക്കെ നടന്നതെന്നാണ് മിയ പറയുന്നത്. 2020 സെപ്റ്റംബറിലായിരുന്നു വിവാഹം. ഇരുപത് പേര്‍ക്ക് മാത്രം പങ്കെടുക്കാനേ അന്ന് സാധിച്ചിട്ടുള്ളു. പിന്നെ മകന്‍ ജനിച്ചതും ഒരു കൊവിഡ് കാലത്താണെന്നും മിയ പറയുന്നു'.

മിയ ഗര്‍ഭിണിയാണെന്ന് പുറംലോകം അറിയാതിരുന്നതിന് കാരണമെന്താണ്?

'സാധാരണ താരങ്ങളുടെ ഗര്‍ഭകാലം ദേശീയ മാധ്യമത്തില്‍ വരെ വരുന്നതാണ്. സോഷ്യല്‍ മീഡിയയിലൊക്കെ അതിനെ കുറിച്ചുള്ള ചര്‍ച്ചകളും നടക്കും. പക്ഷേ തന്റെ ഗര്‍ഭകാലം രഹസ്യമാക്കി വെച്ചതല്ലെന്നാണ് മിയ പറയുന്നത്. ആദ്യമേ ഇതിനെ കുറിച്ച് പറയണമെന്ന് തോന്നിയില്ല. ഒന്‍പത് മാസമുണ്ടല്ലോ. അതിനിടയില്‍ എപ്പോഴെങ്കിലും പറയാമെന്ന് വിചാരിച്ചു. അതുകൊണ്ട് ആദ്യത്തെ മാസങ്ങളില്‍ പറഞ്ഞില്ല. ഗര്‍ഭിണിയായ സമയത്ത് കുറച്ച് നാള്‍ ബെഡ് റസ്റ്റ് എടുക്കേണ്ടി വന്നിരുന്നു. അന്ന് പിന്നെ അത് പുറത്തറിയേണ്ടെന്ന് കരുതി മൂടി വച്ചു'.

മാസം തികയാതെ ഉണ്ടായ മകനെ കുറിച്ച് മിയയുടെ വാക്കുകള്‍

'ഞങ്ങള്‍ രണ്ട് പേരുടെയും തീരുമാനമാണത്. മകന്‍ ലൂക്ക ജനിച്ച് രണ്ട് മാസത്തിന് ശേഷമാണ് ഇക്കാര്യം പുറംലോകത്തോട് പറയുന്നത്. ലൂക്ക പ്രീമെച്ചര്‍ ബേബിയാണ്. ഏഴാം മാസത്തില്‍ അവന്‍ ജനിച്ചു. ഒരു മാസം എന്‍ഐസിയുവില്‍ കിടന്നു. വെയിറ്റ് കുറവായത് കൊണ്ട് രണ്ട് കിലോ ആയതിന് ശേഷമാണ് നമ്മുടെ കൈയ്യില്‍ തന്നത്'.

Recommended Video

പ്രണയ വിവാഹമാണോ ? മിയ പറയുന്നു | FilmiBeat Malayalam

ഒരു ഫോട്ടോ പങ്കുവെച്ചതോടെ എല്ലാവരും എല്ലാ കാര്യങ്ങളും അറിഞ്ഞതെന്ന് മിയ

'ഗര്‍ഭിണിയായതിനെ പറ്റിയോ കുഞ്ഞിന് ജന്മം കൊടുത്തതിനെ പറ്റിയോ ഒന്നും പറഞ്ഞില്ല. ഞാനും ഭര്‍ത്താവും കുഞ്ഞിനെ എടുത്ത് നില്‍ക്കുന്നൊരു ഫോട്ടോ സോഷ്യല്‍ മീഡിയയിലൂടെ പങ്കുവെക്കുകയാണ് ചെയ്തത്. അത് എല്ലാവര്‍ക്കും ഒരു ഷോക്കിങ് ആയെന്ന് തോന്നു. പെട്ടെന്ന് പറഞ്ഞപ്പോള്‍ എല്ലാവരും ഞെട്ടി. മകനെ കൊണ്ട് അധികം ലൊക്കേഷനില്‍ പോയിട്ടില്ല. ഇടയ്ക്ക് കുഞ്ഞിനൊപ്പം മമ്മിയെയും കൂട്ടി ലൊക്കേഷനിലേക്ക് പോയിട്ടുണ്ടെന്നും നടി സൂചിപ്പിച്ചു'.