മത്സരമൊക്കെ ഉണ്ടെങ്കിലും ഇക്കാര്യത്തില്‍ മോഹന്‍ലാലും മമ്മൂട്ടിയും തുല്യരാണ്, കാര്യം ??

മമ്മൂട്ടിയും മോഹന്‍ലാലും ഒപ്പത്തിനൊപ്പം

ഒരേ കഥാപാത്രത്തിനെ തന്നെ വ്യത്യസ്ത സാഹചര്യത്തില്‍ അവതരിപ്പിക്കാനുള്ള ഭാഗ്യം നടന്‍മാര്‍ക്ക് ലഭിക്കാറുണ്ട്. പ്രധാന കഥാപാത്രം മാറില്ല എന്നാല്‍ കഥയും സാഹചര്യങ്ങളും മറ്റു കാര്യങ്ങളും മാറുകയും ചെയ്യും. പ്രേക്ഷകര്‍ക്കും ഇത്തരത്തിലുള്ള സിനിമകളോട് താല്‍പര്യമാണ്.

മേജര്‍ മഹാദേവനും സംഘവും എത്തുന്നത് നാലാം തവണ

മേജര്‍ മഹാദേവനായി നാലാമത്തെ തവണയാണ് മോഹന്‍ലാല്‍ 1971 ബിയോണ്ട് ദി ബോര്‍ഡേഴ്‌സിലൂടെ എത്തുന്നത്. കീര്‍ത്തിചക്ര, കുരുക്ഷേത്ര, കാണ്ഡഹാര്‍, തുടങ്ങിയ ചിത്രങ്ങള്‍ക്കു ശേഷമാണ് മേജര്‍ രവിയും മോഹന്‍ലാലും ബിയോണ്ട് ദി ബോര്‍ഡേഴ്‌സിലൂടെ പ്രേക്ഷകര്‍ക്കു മുന്നിലേക്കെത്തുന്നത്.

ഒരേ കഥാപാത്രമായി മമ്മൂട്ടി നാലു തവണ എത്തി

സേതുരാമയ്യരായി നാല് ചിത്രത്തിലാണ് മമ്മൂട്ടി വേഷമിട്ടത്. ഒരു സിബി ഐ ഡയറിക്കുറിപ്പ്, ജാഗ്രത, സേതുരാമയ്യര്‍ സിബി ഐ, നേരറിയാന്‍ സിബി ഐ ഈ ചിത്രങ്ങളിലെല്ലാം മമ്മൂട്ടി സേതുരാമയ്യരായാണ് എത്തിയത്. അഞ്ചാം തവണയും സേതുരാമയ്യരാവാനുള്ള ശ്രമത്തിലാണ് താരമെന്നുള്ള റിപ്പോര്‍ട്ടുകളും പ്രചരിക്കുന്നുണ്ട്.

ഒരുമിച്ച് അഭിനയിച്ചിട്ടുണ്ട്

നിരവധി ചിത്രങ്ങളില്‍ ഇരുവരും തമ്മില്‍ ഒരുമിച്ച് അഭിനയിച്ചിട്ടുണ്ട്. ഇത്തരത്തില്‍ 54 സിനിമകളിലാണ് ലാലും മമ്മൂട്ടിയും ഒരുമിച്ച് അഭിനയിച്ചത്. മമ്മൂട്ടിയും മോഹന്‍ലാലും ഒരുമിച്ചഭിനയിച്ച സിനിമകളൊക്കെ പ്രേക്ഷകര്‍ ഇരുകൈയ്യും നീട്ടി സ്വീകരിച്ചിട്ടുണ്ട്. ഇരുവരുടെയും ആരാധകര്‍ക്ക് ഏറെ ഇഷ്ടമാണ് ഈ കോമ്പിനേഷന്‍. 54 സിനിമകളിലാണ് ഇരുവരും ഒന്നിച്ച് അഭിനയിച്ചത്.

മോഹന്‍ലാല്‍, മമ്മൂട്ടി, ഐവി ശശി കോമ്പിനേഷനിലെ അംഹിസയിലൂടെ തുടങ്ങി

1981 ല്‍ പുറത്തിറങ്ങിയ അംഹിസ എന്ന ചിത്രത്തിലൂടെയാണ് രണ്ടു സൂപ്പര്‍ താരങ്ങളും ആദ്യമായി ഒരുമിച്ചഭിനയിച്ചത്. ചിത്രത്തിലെ മമ്മൂട്ടിയുടെ പ്രകടനത്തിന് മികച്ച സ്വഭാവ നടനുള്ള പുരസ്‌കാരവും നേടിക്കൊടുത്തു.

താരങ്ങള്‍ തമ്മില്‍ മത്സരമുണ്ടായിരുന്നില്ല

മമ്മൂട്ടിയും മോഹന്‍ലാലും തമ്മില്‍ മത്സരമുണ്ടോയെന്നറിയാന്‍ ആരാധകര്‍ക്കെല്ലാം ആകാംക്ഷയാണ്. എന്നില്‍ ഇരുവരും തമ്മില്‍ ഒരിക്കല്‍പ്പോലും മത്സരിച്ചിട്ടില്ല. ഒരുമിച്ച് അഭിനയിച്ചപ്പോള്‍ പോലും പ്രതിസന്ധികളെ മറികടന്ന് മികച്ച പ്രകടനം നടത്താനാണ് ഇരുവരും ശ്രമിക്കുന്നത്.

മത്സര സാധ്യത ഉണ്ടായിരുന്നില്ല

ഇഷ്ടം പോലെ അവസരങ്ങളാണ് ഇരുവരെയും തേടിയെത്തിയത്. അതുകൊണ്ടു തന്നെ തങ്ങള്‍ക്കിടയില്‍ മത്സരത്തിനുള്ള സാധ്യത പോലും ഉണ്ടായിരുന്നില്ല. രണ്ട് പേര്‍ക്കും അവരവരുടേതായ ശൈലി ഉണ്ട്.