പൊട്ടിച്ചിരിയുടെ പൂരവുമായി മോഹന്‍ലാലും സംഘവും! ഡ്രാമ പൊളിച്ചടുക്കുന്നു! പ്രേക്ഷക പ്രതികരണം കാണൂ!

പൊട്ടിച്ചിരിയുമായി ഡ്രാമ

ഏത് തരത്തിലുള്ള കഥാപാത്രത്തെയും അനായാസമായി തന്നിലേക്ക് ആവാഹിക്കുന്ന താരമാണ് മോഹന്‍ലാല്‍. സിനിമാലോകവും ആരാധകരും ഒരുപോലെ കാത്തിരുന്ന ചിത്രമായ ഡ്രാമ പൊട്ടിച്ചിരിയുമായി മുന്നേറുകയാണെന്നുള്ള റിപ്പോര്‍ട്ടുകളാണ് ഇപ്പോള്‍ പുറത്തുവന്നിട്ടുള്ളത്. ഗംഭീര പ്രേക്ഷക പ്രതികരണമാണ് പുറത്തുവന്നുകൊണ്ടിരിക്കുന്നത്. കോമഡിയും തനിക്ക് വഴങ്ങുമെന്ന് മോഹന്‍ലാല്‍ വീണ്ടും തെളിയിച്ചിരിക്കുകയാണെന്നാണ് ആരാധകര്‍ പറയുന്നത്.

ജോണി ആന്റണിയും ബൈജുവും

മോഹന്‍ലാല്‍ മാത്രമല്ല ജോണി ആന്റണിയും ബൈജുവും നിറഞ്ഞ കൈയ്യടി നേടുന്നുവെന്നുമുള്ള റിപ്പോര്‍ട്ടുകളാണ് പുറത്തുവന്നിട്ടുള്ളത്. ആദ്യ പകുതി പൂര്‍ത്തിയായപ്പോള്‍ മികച്ച പ്രതികരണമാണ് ലഭിച്ചുകൊണ്ടിരിക്കുന്നത്. ലളിതമായ കഥയെ അതീവ രസകരമായി ആവിഷ്‌ക്കരിച്ചിരിക്കുകയാണ് രഞ്ജിത്തെന്ന് ആരാധകര്‍ പറയുന്നു.

മോഹന്‍ലാലും രഞ്ജിത്തും ഒരുമിച്ചെത്തുമ്പോള്‍!

മലയാളത്തിലെ മികച്ച ഹിറ്റ് കൂട്ടുകെട്ടുകളിലൊന്നാണ് മോഹന്‍ലാല്‍-രഞ്ജിത്ത്. എന്നും പ്രേക്ഷകര്‍ ഓര്‍ത്തിരിക്കുന്ന തരത്തിലുള്ള ഒട്ടനവധി ചിത്രങ്ങളാണ് ഈ കൂട്ടുകെട്ടില്‍ നിന്നും പുറത്തിറങ്ങിയത്. ഇരുവരുടേയും കരിയര്‍ ബെസ്റ്റ് ചിത്രങ്ങളായിരുന്നു അവ. സിനിമാലോകം തന്നെ ഒന്നടങ്കം ഏറ്റെടുത്തിരുന്നു ആ ചിത്രങ്ങള്‍. രാവണപ്രഭുവിലൂടെ തുടങ്ങിയ കൂട്ടുകെട്ട് ഇപ്പോള്‍ ഡ്രാമയിലെത്തി നില്‍ക്കുകയാണ്. രഞ്ജിത്ത് സംവിധാനം ചെയ്ത ആദ്യ സിനിമ കൂടിയായിരുന്നു ഇത്. ചന്ദ്രോത്സവം, റോക്ക് ആന്‍ റോള്‍, സ്പിരിറ്റ്, ലോഹം തുടങ്ങിയ സിനിമകളിലും ഇരുവരും ഒരുമിച്ചിരുന്നു. ലോഹത്തിന് ശേഷമുള്ള ഇടവേള അവസാനിപ്പിച്ചിരിക്കുകയാണ് ഇരുവരും.

യുകെയില്‍ ചിത്രീകരണം

പൂര്‍ണ്ണമായും വിദേശത്ത് വെച്ച് ചിത്രീകരിച്ച സിനിമ കൂടിയാണ് ഡ്രാമ. സിനിമയുടെ ചിത്രീകരണത്തിന് വേണ്ടി മോഹന്‍ലാലും സംഗവും ലണ്ടനിലേക്ക് പോയത് മുതല്‍ ആരാധക ശ്രദ്ധയും ഇവിടേക്കായിരുന്നു. രഞ്ജിത്തിന്റെ തന്നെ ചിത്രമായ കടല്‍കടന്നൊരു മാത്തുക്കുട്ടിക്ക് ശേഷം പൂര്‍ണ്ണമായും ലണ്ടനില്‍ ചിത്രീകരിച്ചൊരു സിനിമ കൂടി പ്രേക്ഷകര്‍ക്ക് മുന്നിലേക്കെത്തിയിരിക്കുകയാണ്. ഡ്രാമയുടെ കൂടുതല്‍ ഭാഗവും ചിത്രീകരിച്ചത് വിദേശത്ത് വെച്ചായിരുന്നുവെന്നത് സിനിമയുടെ പ്രധാന സവിശേഷതകളിലൊന്നാണ്.

ബിലാത്തിക്കഥ മാറി

സേതുവിന്റെ തിരക്കഥയില്‍ ബിലാത്തിക്കഥ ഒരുക്കാനുള്ള തയ്യാറെടുപ്പിലായിരുന്നു രഞ്ജിത്ത്. ചിത്രത്തില്‍ മമ്മൂട്ടി അതിഥി താരമായെത്തുന്നുവെന്നായിരുന്നു റിപ്പോര്‍ട്ടുകള്‍. എന്നാല്‍ മമ്മൂട്ടിയല്ല മോഹന്‍ലാലായിരിക്കും ചിത്രത്തിലേക്ക് എത്തുന്നതെന്നാണ് പിന്നീട് അറിയിച്ചത്. അതിഥി താരമായി വരാനിരുന്ന മോഹന്‍ലാലിനെ നായകനാക്കി സിനിമയൊരുക്കാനും ബിലാത്തിക്കഥയുടെ തിരക്കഥ മാറ്റി സ്വന്തം സിനിമയുമായെത്തുകയായിരുന്നു രഞ്ജിത്ത്.

സംവിധായകര്‍ താരങ്ങളായി മാറുമ്പോള്‍

ക്യാമറയ്ക്ക് പിന്നില്‍ നിന്ന് താരങ്ങളെ നിയന്ത്രിച്ചിരുന്നവര്‍ അഭിനേതാക്കളായി മാറിയാല്‍ എങ്ങനെയിരിക്കും, നേരത്തെയും സംവിധായകര്‍ താരങ്ങളായ മാറുന്ന കാഴ്ച നമ്മള്‍ കണ്ടിരുന്നു. ദിലീഷ് പോത്തന്‍, ശ്യാമപ്രസാദ്, ജോണി ആന്റണി, രണ്‍ജി പണിക്കര്‍ തുടങ്ങിയവരൊക്കെ സുപ്രധാന കഥാപാത്രമായാണ് എത്തുന്നത്. ര#്ജിത്തിനൊപ്പം ഇവരും കൂടി ചേരുമ്പോള്‍ സിനിമ എങ്ങനെയിരിക്കുമെന്നറിയാനായി കാത്തിരിക്കുകയാണ് പ്രേക്ഷകര്‍.

അരുന്ധത നാഗിന്റെ കന്നിച്ചിത്രം

തെന്നിന്ത്യന്‍ സിനിമയിലെ അഭിനേത്രികളിലൊരാളായ അരുന്ധതി നാഗ് ഈ ചിത്രത്തിലൂടെ മലയാളത്തില്‍ തുടക്കം കുറിക്കുകയാണ്. പ്രധാനപ്പെട്ട കഥാപാത്രങ്ങളിലൊരാളായാണ് താരമെത്തുന്നത്. കനിഹ, ആശ ശരത്ത്, ടിനി ടോം, സുരേഷ് കൃഷ്ണ, ശാലിന്‍ സോയ തുടങ്ങി വന്‍താര നിര തന്നെ ചിത്രത്തിനായി അമിനിരന്നിട്ടുണ്ട്.