ലാഗ് ഇല്ല, ഫൈറ്റ് പൊളി! തിയേറ്ററുകളിൽ ആഘോഷമാക്കി ലാലേട്ടൻ ബിഗ് ബ്രദർ, പ്രേക്ഷക പ്രതികരണം ഇങ്ങനെ

2020 പുറത്തു വരുന്ന ആദ്യ ലാലേട്ടൻ ചിത്രം എന്ന ലേബലുമായിട്ടാണ് ബിഗ് ബ്രദർ പുറത്തു വരുന്നത്. ഇത് പ്രേക്ഷകരിൽ ഏറെ പ്രതീക്ഷ സൃഷ്ടിച്ചിട്ടുണ്ട്. കൂടാതെ കാണികളിൽ ഏറെ ആകാംക്ഷ ജനിക്കുന്ന തരത്തിലുളള ഫസ്റ്റ്ലുക്ക് പോസ്റ്ററുകളും ടീസറുമായിരുന്നു അണിയറ പ്രവർത്തകർ പുറത്തു വിട്ടത്. ഇത് മോഹൻലാലിന്റെ കരിയറിലെ മികച്ച ചിത്രമായിരിക്കുമെന്ന് നിസംശയം പറയാം.

ചിത്രത്തിന്റെ ആദ്യ പകുതി കഴിയുമ്പോൾ തന്നെ മികച്ച പ്രേക്ഷകാഭിപ്രായമാണ് ലഭിക്കുന്നത്. സച്ചിദാനന്ദൻ എന്ന കഥപാത്രത്തെയാണ ചിത്രത്തിൽ മോഹൻലാൽ അവതരിപ്പിക്കുന്നത്. ഇരുട്ടുലും കണ്ണ് കാണാവുന്ന ഒരു പ്രത്യേക കഴിവുള്ള വ്യക്തിയാണ് സച്ചിദാനന്ദൻ. ഈ കഴിവുള്ളതു കൊണ്ട് തന്നെ പല ഓപ്പറേഷനുകളുലും പോലീസ് അദ്ദേഹത്തിന്റെ സഹായം തേടാറുണ്ട്. ഇരട്ട ജീവപര്യന്തം കഴിഞ്ഞ് പുറത്തു വരുന്ന സച്ചിയെ തേടി പുതിയ ദൗത്യവുമായി പോലീസ് എത്തുന്നു. എന്നാൽ സാമാധാനപരമായ ജീവിത ആഗ്രഹിക്കുന്നതിനാൽ ഇദ്ദേഹം നോ പറയുന്നു. എന്നാൽ തന്റെ ഇളയ സഹോദരൻ മനുവിനെ പ്രത്യേക സാഹചര്യത്തിൽ കാണാതാകുന്നതോടെ സച്ച പോലീസിന്റെ ദൗത്യം സ്വീകരിക്കുകയായിരുന്നു. സർജാനോ ഫ ഖാലീദാണ് മോഹൻലാലിന്റെ സഹോദരനായി എത്തുന്നത്.

ഒരു കുടുംബ ചിത്രമാണ് ബിഗ് ബ്രദർ. സംവിധായകന്റെ സിദ്ദിഖിന്റെ സ്ഥിരം ചേരുവകൾ ഈ ചിത്രത്തിലുമുണ്ട്. കുടുംബത്തിന്റെ രക്ഷകനായി തന്നെയാണ് ചിത്രത്തിൽ മോഹൻലാൽ പ്രത്യക്ഷപ്പെടുന്നത്. കൂടാതെ ക്രോണിക് ബാച്ചിലർ, ഹിറ്റ്ലർ എന്നീ ചിത്രങ്ങളിലെ സമാനമായ കഥാപാത്രങ്ങളും ഈ ചിത്രത്തിലുണ്ട്. സംവിധായകൻ സിദ്ദിഖ് തന്നെ ഇക്കാര്യം വെളിപ്പെടുൂത്തിയിട്ടുമുണ്ട്. എന്നാൽ ചിത്രത്തിലെ കഥകൾ തമ്മിൽ ഒരു ബന്ധവുമില്ല. രണ്ട് മണിക്കൂർ 44 മിനിറ്റാണ സിനിമയുടെ ദൈർഘ്യം.

ബോളിവുഡ് താരം സൽമാൻഖാന്റെ സഹോദരനും നടനുമായ അർബാസ് ഖാനാണ് ലാലേട്ടന്റെ വില്ലനായി എത്തുന്നത്. അർബാസ് ഖാന്റെ ആദ്യ മലയാള ചിത്രമാണിത്. ഏറെ പ്രതീക്ഷയോടെയാണ് താരത്തിന്റെ മോളിവുഡ് എൻട്രി. മോഹൻലാലിനോടെപ്പം അഭിനയിക്കാൻ സാധിച്ചതിലുള്ള സന്തോഷവും താര പ്രകടിപ്പിച്ചിരുന്നു. മോഹൻലാൽ അർബാസ് ഖാൻ എന്നിവരെ കൂടാതെ വൻ താരനിരയാണ് ചിത്രത്തിൽ അണിനിരക്കുന്നത്. അനൂപ് മേനോൻ, സിദ്ദിഖ്, ടിനി ടോം, ദേവൻ , ഹണി റോസ്, എന്നിങ്ങനെ മോളുവുഡിലെ മുൻനിര താരങ്ങൾ ചിത്രത്തിലെത്തുന്നുണ്ട്.