'ബുദ്ധിയുള്ളത് കൊണ്ട് മമ്മൂക്ക നിരസിക്കും'; മമ്മൂട്ടിയെ വെച്ച് സിനിമ ചെയ്യാനാ​ഗ്രഹിച്ചിരുന്നെന്ന് നാദിർഷ

എന്നാൽ സമ്മിശ്ര പ്രതികരണം ആയിരുന്നു ഈ സിനിമകൾക്ക് ലഭിച്ചത്. സോണി ലിവിൽ കഴിഞ്ഞ ദിവസം പുറത്തിറങ്ങിയ ഈശോ ആണ് നാദിർഷയുടെ ഏറ്റവും പുതിയ സിനിമ. ചിത്രത്തിൽ ജയസൂര്യ ആണ് നായകൻ. ജാഫർ ഇടുക്കി, നമിത പ്രമോദ് എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു. ഇപ്പോഴിതാ തന്റെ സിനിമാ വിശേഷങ്ങൾ പങ്കുവെച്ചിരിക്കുകയാണ് നാദിർഷ. മമ്മൂട്ടിയെയും മോഹൻലാലിനെയും വെച്ച് സിനിമ ചെയ്യണമെന്ന് ആ​ഗ്രഹമുണ്ടെന്ന് നാദിർഷ വ്യക്തമാക്കി. പോപ്പർ സ്റ്റോപ് മലയാളത്തോടാണ് പ്രതികരണം.

Also Read: പൈസയുള്ള വീട്ടിലെ പെണ്ണിനെ കണ്ടിട്ടും കെട്ടിയില്ല; മൂന്നാമത്തെ പെണ്ണ് കാണലിനെ പറ്റി നടൻ ഹരിശ്രീ അശോകന്‍

'മമ്മൂട്ടിയെയും മോഹൻലാലിനെയും വെച്ച് പടം ചെയ്യാൻ ഏത് സംവിധായകനാണ് ആ​ഗ്രഹമില്ലാത്തത്. മമ്മൂക്കയ്ക്ക് വേണ്ടി കഥ തയ്യാറാക്കിയിരുന്നു. അതുമായിട്ട് മമ്മൂക്കയുടെ അടുത്ത് പോയിട്ടുണ്ട്. മമ്മൂക്കയ്ക്ക് ഇഷ്ടപ്പെടുകയും ചെയ്യാമെന്ന് പറഞ്ഞിട്ടുണ്ടായിരുന്നു. അത് നാല് വർഷം മുമ്പാണ്. പക്ഷെ ഇപ്പോൾ സിനിമ മാറിക്കൊണ്ടിരിക്കുകയല്ലേ. അത് തിരിച്ചറിയണം. മൂന്നാല് വർഷം മുമ്പ് മമ്മൂക്കയോട് പറഞ്ഞ ആ കഥ മതിയായിരുന്നു. പക്ഷെ ഇപ്പോൾ സിനിമ മാറി. പ്രേക്ഷകരുടെ ആറ്റിറ്റ്യൂഡ് മാറി. മേക്കിം​ഗ് മാറി'

Also Read: ഊട്ടിയിലെ തണുപ്പത്തും രാവിലെ പറഞ്ഞ സമയത്തിലും നേരത്തെ എത്തുന്ന ബച്ചൻ; ഓർമ്മകൾ പങ്കുവച്ച് മേജർ രവി

'അപ്പോഴും ആ നാല് വർഷം മുമ്പത്തെ കഥയുമായിട്ട് ചെന്നാൽ മമ്മൂക്കയ്ക്ക് ബുദ്ധി ഉള്ളത് കൊണ്ട് മമ്മൂക്ക പറ്റില്ലെന്ന് പറയും. പിന്നെയും വാശി പിടിച്ച് ചെയ്താൽ ആ നാല് വർഷത്തെ പഴക്കം അതിനകത്ത് ഉണ്ടാവും. അത് മനസ്സിലാക്കാനുള്ള ബുദ്ധി വേണം. മേക്കിം​ഗിൽ എങ്ങനെ നോക്കിയാലും കഥയ്ക്ക് പഴക്കം ഉണ്ടാവും. മമ്മൂക്കയുടെ അടുത്തോ ലാലേട്ടന്റെ അടുത്തോ പോയി ധൈര്യമായിട്ട് പറയാം, അവർ സമ്മതിക്കും എന്ന് നമുക്ക് തന്നെ തോന്നണം'

Also Read: 'ആ സുമുഖനായ താടിക്കാരന് വയസാകാതിരുന്നിരുന്നെങ്കിലെന്ന് ആ​ഗ്രഹിച്ചു, വേണു അങ്കിൾ മരിച്ചപ്പോഴും പോയില്ല'; മുരളി

ഈശോ എന്ന സിനിമയുടെ പേരുമായിട്ട് ബന്ധപ്പെട്ടുണ്ടായ പ്രശ്നങ്ങളെക്കുറിച്ചും നാദിർഷ സംസാരിച്ചു. സിനിമയുടെ കഥ റിലീസ് ചെയ്യുമ്പോൾ ആൾക്കാർക്ക് മനസ്സിലാവും. റിലീസ് വരെ സിനിമയുടെ കഥ ഇതാണെന്ന് ഇവരോട് പറയാൻ പറ്റില്ലല്ലോ. സിനിമയുടെ കഥ കേട്ടാൽ ഇവരൊന്നും മിണ്ടില്ല. ഇതാണ് കഥ എന്ന് പറഞ്ഞ് റിലീസിന് മുമ്പ് കഥ പറയാൻ പറ്റില്ലായിരുന്നെന്നും നാദിർഷ വ്യക്തമാക്കി.