മഞ്ജു, പാർവതി, നയൻസ്... 2019 ൽ തെന്നിന്ത്യയിൽ ചർച്ചയായ താരറാണിമാർ

മോളിവുഡിലെ ലേഡി സൂപ്പർ കോളിവുഡിൽ അരങ്ങേറ്റം കുറിച്ച വർഷമായിരുന്നു 2019. മലയാളത്തിൽ നിരവധി സ്ത്രപക്ഷ പക്ഷ ചിത്രവുമായി മഞ്ജു എത്തിയിരുന്നു. നായകന്മാർ അരങ്ങ് വാണിരുന്ന കാലത്ത് ഒറ്റയാൾ പേരാട്ടത്തിലൂടെ മുൻനിര താരങ്ങളോടൊപ്പം പിടിച്ച് നിന്ന് ലേഡി സൂപ്പർസ്റ്റാർ എന്ന പദവി സ്വന്തമാക്കാൻ മഞ്ജുവിന് ആയി. രണ്ടാം വരവിലും അങ്ങനെ തന്നെയാണ് . അസുരൻ എന്ന ഒറ്റ ചിത്രത്തിലൂടെ തമിഴ് സിനിമ മേഖലയിലും തിളങ്ങാൻ മഞ്ജുവിന് സാധിച്ചിരുന്നു.

കോളിവുഡിന്റെ ലേഡി സൂപ്പർസ്റ്റാറാണ് നയൻതാര. നായകന്മാർ അരങ്ങ് തകർക്കുന്ന തമിഴ് സിനിമ മേഖലയിൽ തന്റേതായ സ്ഥാനം കണ്ടെത്താൻ നയൻസിന് ചുരുങ്ങിയ സമയം മാത്രമേ വേണ്ടി വന്നുള്ളൂ. ഈ വർഷം കൈനിറയെ ചിത്രങ്ങളായിരുന്നു പ്രിയ താരത്തിന്. തമിഴിൽ മാത്രമല്ല മലയാളം, തെലുങ്ക് എന്നിങ്ങനെ തെന്നിന്ത്യൻ ഭാഷകളിലും താരത്തിന് തിളങ്ങാൻ കഴിഞ്ഞിരുന്നു. വിശ്വാസം, ബിഗിൽ, കൊലയുതിർ കാലം, ലവ് ആക്ഷൻ ഡ്രാമ, സൈറ നരസിംഹ റെഡ്ഡി തുടങ്ങിയ ചിത്രങ്ങൾ മികച്ച പ്രേക്ഷക സ്വീകാര്യത ലഭിച്ചിരുന്നു. വിശ്വാസം സൂപ്പർ ഹിറ്റായിരുന്നു.

ചുരുങ്ങിയ സമയം കൊണ്ട് തെന്നിന്ത്യൻ സിനിമയിലെ മുൻനിര നായികമാരുടെ കൂട്ടത്തിൽ ഇടം പിടിക്കാൻ സായ് പല്ലവിയ്ക്ക് കഴിഞ്ഞു. പ്രേമം എന്ന ചിത്രത്തിലൂടെ വെള്ളിത്തിരയിൽ അരങ്ങേറ്റം കുറിച്ച സായ് പല്ലവിയ്ക്കും ഈ വർഷം മികച്ചതായിരുന്നു. സൂര്യയ്ക്കൊപ്പം പ്രത്യക്ഷപ്പെട്ട എൻജികെ, ഫഹദ് ചിത്രം അതിരനും തിയേറ്ററുകളിൽ മികച്ച അഭിപ്രായം നേടിയിരുന്നു.

പർവതിയുടെ ഗംഭീരമായ രണ്ടാം വരവിനായിരുന്നു ഈ വർഷം മലയാള സിനിമ ലോകം സാക്ഷ്യം വഹിച്ചത്. ഉയരെ എന്ന ഒറ്റ ചിത്രം താരത്തിന്റെ ജാതകം തന്നെ മറ്റി മറിക്കുകയായിരുന്നു. ആസിഡ് ആക്രമണത്തിന് ഇരയായ പല്ലവി രവീന്ദ്രൻ എന്ന കഥാപാത്രം പാർവതിയുടെ കരിയറിൽ വൻ ബ്രേക്ക് നൽകുകയായിരുന്നു. വൈറസിലെ കഥാപാത്രവും ഏറെ ശ്രദ്ധിക്കപ്പെട്ടിരുന്നു.