'എട്ട് വർഷത്തിന് ശേഷം വധുവായി നിമ്മി', ഇങ്ങനെയൊരു പണി ഒപ്പിക്കുമെന്ന് ഞാൻ പ്രതീക്ഷിച്ചില്ലെന്ന് അരുൺ​ ഗോപൻ

'ജീവിതത്തിൽ ഏറ്റവും അനുഗ്രഹിക്കപ്പെട്ട നിമിഷമായ കല്യാണം വീണ്ടും റീക്രിയേറ്റ് ചെയ്യുകയാണ്. വിവാഹ ദിവസം ഒരുങ്ങിയതുപോലെ കല്യാണ സാരിയൊക്കെ ഉടുത്ത് നിൽക്കാനുള്ള പ്ലാനിലാണ്. ഈ ഫോട്ടോ ഷൂട്ടിനായി ആഭരണങ്ങളെല്ലാം പുതുതായി വാങ്ങുകയായിരുന്നു'.

'എന്റെ നാട്ടിൽ വെച്ചായിരുന്നു ഞങ്ങളുടെ വിവാഹം. റിസപ്ക്ഷൻ കഴിഞ്ഞതിന് ശേഷം ചിരിക്കുമ്പോഴൊക്കെ മുഖം വേദനിക്കുമായിരുന്നു. ബ്രൈഡൽ ലുക്ക് റീക്രിയേറ്റ് ചെയ്യുമ്പോൾ എനിക്ക് ചെറിയ ടെൻഷൻ ഉണ്ട്. നമ്മുടെ ജോലി ഇതായത് കൊണ്ട് ഇതുപോലെ ലുക്ക്‌സ് റീക്രിയേറ്റ് ചെയ്ത് വീഡിയോ എടുക്കാം', നിമ്മി പറഞ്ഞു.

ഞാൻ വീണ്ടും വധു ആയത് എട്ടര വർഷത്തിന് ശേഷമാണ്. നിമ്മിയെ വധുവിന്റെ വേഷത്തിൽ കണ്ടതോടെ ആശ്ചര്യത്തോടെ മൂക്കത്ത് വിരൽ വെക്കുകയായിരുന്നു അരുൺ ഗോപൻ. ഗോപുവിനായി മുണ്ടും ജുബ്ബയും കൊണ്ടുവന്നിട്ടുണ്ടെന്നും അതിട്ട് വരാമോയെന്നും നിമ്മി അരുണിനോട് ചോദിക്കുകയും ചെയ്തു.

വെഡ്ഡിങ് ഷർട്ട് ഇപ്പോഴും ഉണ്ടെങ്കിലും അത് അവിടെ നിന്ന് എടുപ്പിക്കാൻ കഴിഞ്ഞില്ല. അത് കൊണ്ടാണ് കുർത്തിയാക്കിയത്. ഇതാണ് എനിക്കിഷ്ടം എന്ന് അരുൺ പറഞ്ഞു.

ഫോട്ടോ ഷൂട്ട് കഴിഞ്ഞതിന് ശേഷമായാണ് അച്ഛനേയും അമ്മയേയും മോനെയും വിളിച്ചത്. അമ്മയെ കണ്ടപ്പോൾ മോൻ മുഖം പൊത്തുകയായിരുന്നു. എടുക്കാനായി കൈനീട്ടിയെങ്കിലും മകൻ ആര്യൻ നിമ്മിയുടെ അടുത്തേക്ക് വന്നില്ല. എന്റെ കൂടെ ആര്യൻ വരുന്നില്ലല്ലോ ഞാൻ പോവുകയാണെന്ന് പറഞ്ഞപ്പോഴാണ് ആര്യൻ നിമ്മിയുടെ കൈയ്യിലേക്ക് ചാടിച്ചെന്നത്. ഇത് ഞാനൊരിക്കലും പ്രതീക്ഷിച്ചിരുന്നില്ലെന്നും അരുൺ പറഞ്ഞു.

' ഒന്നിച്ച് ഒരു ഷോയില്‍ പങ്കെടുത്തപ്പോഴാണ് ആദ്യമായി നിമ്മിയെ കാണുന്നത്. ലവ് അറ്റ് ഫസ്റ്റ് സൈറ്റ് തന്നെയായിരുന്നു. നിമ്മിയെ ഒറ്റനോട്ടത്തില്‍ കണ്ടപ്പോള്‍ തന്നെ എനിക്കൊരു ഇഷ്ടം തോന്നി. പിന്നീട് സംസാരിച്ചപ്പോൾ അവള്‍ എന്റെയാണ് എന്നുതന്നെയായിരുന്നു മനസ്സ് പറഞ്ഞത്. ഒരു കോമൺ സുഹൃത്ത് വഴി പിന്നീട് വിശദമായി പരിചയപ്പെട്ടു. അധികം താമസിയാതെ ഞങ്ങള്‍ പ്രണയത്തിലാവുകയും ചെയ്തു, അരുൺ ​ഗോപൻ പ്രണയത്തെക്കുറിച്ച് മുമ്പൊരു അഭിമുഖത്തിൽ പറഞ്ഞത്