ആ ബന്ധത്തിന് കഷ്ടിച്ച് ഒരു വർഷത്തെ ആയുസ് മാത്രം! വിവാഹ മോചനത്തെ കുറിച്ച് ശ്രിത ശിവദാസ്

വളരെ സന്തോഷത്തോടെയാണ് എട്ട് വർഷത്തെ സിനിമ ജീവിതത്തെ ശ്രിത നോക്കി കാണുന്നത്. സ്വപ്ന തുല്യമായ തുടക്കമായിരുന്നു തന്റേത്. ഓർഡനറിയെ പ്രേക്ഷകർ ഇരു കൈകളും നീട്ടി സ്വീകരിച്ചു. എന്നാൽ അതിന് ശേഷവും സിനിമകൾ വരുന്നുണ്ടായിരുന്നു. എന്നൽ അതൊന്നും ചെയ്തിരുന്നില്ല. സിനിമ കരിയർ ആക്കണമെന്ന് കരുതിയല്ല അഭിനയിച്ച് തുടങ്ങിയത്. അന്നൊന്നും അതിന്റെ ഗൗരവം അറിയില്ലായിരുന്നു എന്നും ശ്രിത അഭിമുഖത്തിൽ പറയുന്നുണ്ട്.

2014 ആയിരുന്നു വിവാഹം. കഷ്ടിച്ച് ഒരു വർഷം മാത്രമേ ആയുസ് ഉണ്ടായിരുന്നുളളൂ. പരസ്പരം ഒത്ത് പോകാതെ വന്നപ്പോൾ ഞങ്ങൾ വേർപിരിയാൻ തീരുമാനിച്ചു. ആ സമയത്ത് തന്റെ വ്യക്തിപരമായ കാരണങ്ങളാൽ അധികം സിനിമ ചെയ്തിരുന്നില്ല. പിന്നീട് തമിഴിലാണ് ഗംഭീര തുടക്കം ലഭിച്ചത്. സന്താനത്തിനോടൊപ്പമുള്ള ഒരു ഹൊറർ കോമഡി ചിത്രമായിരുന്നു അത്. അത് തമിഴ്നാട്ടിൽ വലിയ ഹിറ്റുമായിരുന്നു . അതിന് ശേഷം കാർത്തിക് രാജ് സംവിധാനം ചെയ്ത ചിത്രത്തിൽ അഭിനയിച്ചിരുന്നു. എന്നാൽ ഇത് റീലീസ് ചെയ്തിട്ടില്. മണിയറയിൽ അശോകനാണ പുറത്തിറങ്ങാനുള്ള ശ്രിതയുടെ മലയാള ചിത്രം.

Recommended Video

Nithya Mammen exclusive interview | FilmiBeat Malayalam

പെട്ടെന്ന് മാറി കൊണ്ടിരിക്കുന്ന മേഖലയാണ് സിനിമ. സാങ്കേതികയുടെ കാര്യത്തിലാണെങ്കിലും സിനിമയുടെ ജോണറുകൾക്കും വലിയ മാറ്റം സംഭവിക്കുന്നുണ്ട്. അഭിനയത്തിന് പുറമേ സമിനിമയുടെ മറ്റ് മേഖലകളിലും സ്ത്രീകൾ കടന്നു വരുന്നത് നല്ലൊരു മാറ്റമായിട്ടാണ് കാണുന്നത്. കൂടാതെ സത്രീകളോടുളള സമീപനത്തിലും മാറ്റം സംഭവിച്ചിട്ടുണ്ട്. വിവാഹത്തിന് ശേഷം സ്ത്രീകൾ സിനിമ വിട്ട് പോകുന്നത് കുറഞ്ഞിട്ടുണ്ട്. വിവാഹമാണെങ്കിലും വിവാഹ മോചനമാണെങ്കിൽ വ്യക്തിപരമാണെന്നും അതിനെ സിനിമയുമായി കൂട്ടിക്കുഴക്കേണ്ട കാര്യമില്ലെന്ന് ഒരു പരിധിവരെ പലരും ചിന്തിച്ച് തു‍ടങ്ങിയിട്ടുണ്ട്. അതെല്ലാം വളരെ പോസിറ്റീവായ കാര്യമാണെന്നും സ്റ്റാർ ആന്റ് സ്റ്റൈൽ മാസികയ്ക്ക് ൻൽകിയ അഭിമുഖത്തിൽ പറയുന്നു.

തമിഴിൽ നിന്ന് ശ്രിതയ്ക്ക് കൂടുതലും അവസരങ്ങൾ ലഭിക്കുന്നത്. കോളിവുഡ് ഇഷ്ടപ്പെട്ടുവോ എന്നുള്ള ചോദ്യത്തിന് ശ്രിതയുടെ മറുപടി ഇങ്ങനെയായിരുന്നു . അഭിനയം എല്ലായിടത്തും ഒരുപോലെ തന്നെയാണ്. കൂടുതൽ വേഷം തമിഴിൽ നിന്നായതു കൊണ്ട് ചെയ്തുവെന്ന് മാത്രം. തിമിഴ് സിനിമയിൽ ചെല്ലുമ്പോൾ നമ്മൾ അവിടത്തെ അതിഥികളാണ്. അതു കൊണ്ട് തന്നെ നല്ല പരിചരണം ലഭിക്കും . മലയാളത്തിൽ നമ്മൾ വീട്ടിലെ കുട്ടികൾ തന്നെയാണല്ലോ. അതിന്റെ ഒരു വൃത്യാസമുണ്ട്. ഭാഷ ഏത് തന്നെയായലും നല്ല കഥാപാത്രങ്ങളെ ലഭിക്കുക എന്നത് ഒരു അഭിനേതാവിനെ സംബന്ധിച്ച് ഏറ്റവും വലിയ അംഗീകാരം-ശ്രിത പറഞ്ഞു.