തണുപ്പ് കാലത്ത് മഡോണ സെബാസ്റ്റ്യൻ ഇങ്ങനെയാണ്, പാവടയും ജാക്കറ്റ് അണിഞ്ഞ് അടിപൊളി ലുക്കിൽ നടി

ശൈത്യ കാലത്തെ മനോഹരമായ ചിത്രങ്ങളാണ് നടി മഡോണ പങ്കുവെച്ചിരിക്കുന്നത്. പച്ച നിറത്തിലുളള വസ്ത്രം ധരിച്ച് കൊണ്ടാണ് നടി പോസ് ചെയ്തിരിക്കുന്നത്. മഞ്ഞ് വീഴുന്നത് ചിത്രത്തിൽ കാണാൻ സാധിക്കുന്നുണ്ട്. കാലവസ്ഥയ്ക്ക് അനിയോജ്യമായ മേക്കപ്പാണ് നടി ഉപയോഗിച്ചിരിക്കുന്നത്. പച്ച നിറത്തിലുള്ള പാവാടയ്ക്കും ജാക്കറ്റിനോടൊപ്പം ഗോൾഡൻ നിറത്തുലുള്ള അൽപം വലിയ കമ്മലാണ് അണിഞ്ഞിരിക്കുന്നത്. മറ്റ് ആഭരണങ്ങളൊന്നും മഡോണ ഉപയോഗിച്ചിട്ടില്ല. മുടി അൽപം ഉയർത്തി കെട്ടി വ്യത്യസ്ത ലുക്കിലാണ് ചിത്രത്തിൽ പ്രത്യക്ഷപ്പെട്ടിരിക്കുന്നത്. മഡോണയുടെ ശൈത്യകാല ലുക്ക് വൈറലായിട്ടുണ്ട്.

മനോഹരമായ നാല് ചിത്രങ്ങളാണ് നടി പങ്കുവെച്ചിരിക്കുന്നത്. മികച്ച അഭിപ്രായമാണ് ചിത്രത്തിന് ലഭിക്കുന്നത്. നടി ഐശ്വര്യ ലക്ഷ്മിയും മഡോണയുടെ ചിത്രത്തിന് കമന്റുമായി എത്തിയിട്ടുണ്ട്. പച്ച വസ്ത്രം ധരിച്ച് ചുവന്ന കാറിനരുകിൽ നിൽക്കുന്ന മറഡോണയുടെ ചിത്രത്തിനാണ് കൂടുതൽ കമന്റുകൾ ലഭിച്ചിരിക്കുന്നത്. തങ്ങൾക്ക് ഇഷ്ടപ്പെട്ട ചിത്രം അതാണെന്നും ആരാധകർ പറയുന്നു.

തെന്നിന്ത്യൻ സിനിമകളിൽ സജീവമാണെങ്കിലും ഇന്നും മഡോണയ്ക്ക് ഇന്റിമേറ്റ് സീനുകൾ അഭിനയിക്കാൻ കുറച്ച് ബുദ്ധിമുട്ടാണ്. ഏത് ഭാഷയിലായാലും ഇന്റിമേറ്റ് സീനുകളോട് നോ പറയുകയാണ് നടി ചെയ്യാറുള്ളത്. ഗൃഹലക്ഷ്മിയ്ക്ക് നൽകിയ അഭിമുഖത്തിലാണ് ഇക്കാര്യം തുറന്ന് പറഞ്ഞത്. ഇത് തന്റെ ഇപ്പോഴത്തെ നിലപാടാണെന്ന് പറഞ്ഞു കൊണ്ടാണ് ഇന്റിമേറ്റ് സീനുകളോടുള്ള താൽപര്യമില്ലായ്മയെ കുറിച്ച് വെളിപ്പെടുത്തിയത്. എനിക്ക് റൊമാൻസ് ചെയ്യാൻ കുറച്ച് പാടാണ്. അതിപ്പോഴും എന്റെ പ്രൈവറ്റ് ആയിട്ടുള്ള ഏരിയയാണ്. അത് പ്രൊഫഷണലായി കൺവേർട്ട് ചെയ്യാൻ കുറച്ച് സമയമെടുക്കും- നടി പറയുന്നു.

പ്രേമം വിജയമായതിന് തൊട്ട് പിന്നാലെ നടി തെന്നിന്ത്യൻ സിനിമ ലോകത്തേയ്ക്ക് ചേക്കേറുകയായിരുന്നു. മികച്ച ഒരുപിടി നല്ല ചിത്രങ്ങളായിരുന്നു മഡോണയ്ക്ക് അന്യഭാഷകളിൽ നിന്ന് ലഭിച്ചത്. തുടക്കത്തിൽ തന്നെ വിജയ് സേതുപതി, ധനുഷ് എന്നിവരോടൊപ്പം അഭിനയിക്കാൻ നടിക്ക് കഴിഞ്ഞു. കൂടാതെ കന്നഡ ചിത്രത്തിലും നടി അഭിനയിച്ചിട്ടുണ്ട്. ഭാഷ അറിയാത്തതുകൊണ്ട് ആദ്യമൊക്കെ ബുദ്ധിമുട്ടിയിരുന്നുവെന്നും പക്ഷേ കൂടെ അഭിനയിക്കുന്നവർ നല്ല സപ്പോർട്ടായിരുന്നും മഡോണ അഭിമുഖത്തിൽ പറഞ്ഞിരുന്നു. മലയാളികളായ ആർട്ടിസ്റ്റുമാരോട് അവർക്ക് ഭയങ്കര ബഹുമാനമാണെന്നും അന്ന് വെളിപ്പെടുത്തിയിരുന്നു.