പൃഥ്വിരാജ് സിനിമയിലെത്തിയിട്ട് 15 വര്‍ഷമായി! നേടിയ സ്വപ്‌നങ്ങള്‍ക്ക് പിന്നില്‍ അന്ന് പറഞ്ഞ ഈ വാക്ക്!

Recommended Video

15 വര്‍ഷങ്ങള്‍! ഒരേയൊരു പൃഥ്വി! | Filmibeat Malayalam

പൃഥ്വിരാജ് സുകുമാരന്‍

താരദമ്പതികളായ സുകുമാരന്റെയും മല്ലികയുടെയും മകനായി സിനിമയിലെത്തിയ പൃഥ്വി ഇന്ന്് നടന്‍, ഗായകന്‍, നിര്‍മാതാവ്, സംവിധായകന്‍ എന്നിങ്ങനെ ഉയരങ്ങളിലേക്കുള്ള യാത്രയിലാണ്.

പതിനഞ്ച് വര്‍ഷം

സിനിമയില്‍ വിജയങ്ങള്‍ വാരിക്കൂട്ടി മുന്നേറുന്ന പൃഥ്വിരാജ് സിനിമയിലെത്തിയിട്ട് പതിനഞ്ച് വര്‍ഷം പൂര്‍ത്തിയായിരിക്കുകയാണ്. സിനിമാ ജീവിതത്തിന്റെ പതിനഞ്ചാം വാര്‍ഷികത്തില്‍ മുമ്പ് ആരാധകര്‍ക്ക് നല്‍കിയ വാക്ക് വീണ്ടും ഓര്‍മ്മിച്ച് അതില്‍ മാറ്റമില്ലെന്ന് പറഞ്ഞിരിക്കുകയാണ്.

പൃഥ്വി പറയുന്നതിങ്ങനെ

എന്റെ ആദ്യ ചിത്രം തിയറ്ററുകളിലെത്തിയിട്ട് പതിനഞ്ച് വര്‍ഷങ്ങളായി. വിനോദകരമായ ആ യാത്രയ്ക്കിടെ കഴിഞ്ഞ് പോയ 15 വര്‍ഷങ്ങളിലേക്ക് തിരിഞ്ഞു നോക്കുമ്പോള്‍ മനസ്സു നിറഞ്ഞ നന്ദിയാണ് തോന്നുന്നത്.

വിശ്വാസമര്‍പ്പിച്ച എല്ലാവരോടും നന്ദി

ഒരുപാട് പേരോട് നന്ദി പറയാനുണ്ട്. അതിനാല്‍ എന്നില്‍ വിശ്വാസമര്‍പ്പിച്ച എല്ലാവര്‍ക്കും നന്ദി പറയുന്നു. എല്ലാറ്റിനുമപരി എന്റെ സിനിമകള്‍ കണ്ട് പ്രേക്ഷകരാണ് വിലമതിക്കാനാവാത്ത സമ്മനങ്ങള്‍ തനിക്ക് തന്നതെന്നും താരം പറയുന്നു.

പരാജയമാണ് വിജയിപ്പിക്കുന്നത്

ഞാന്‍ പലപ്പോഴും പറയുന്നത് പരാജയമാണ് നിങ്ങളെ കഠിനാദ്ധ്വാനിയാക്കുന്നത്. അതാണ് എപ്പോഴും പുതിയ കാര്യങ്ങള്‍ ചെയ്യാന്‍ പ്രേരിപ്പിക്കുന്നത്. എന്നാല്‍ വിജയം അങ്ങനെയല്ല അത് നിങ്ങളെ ഭയപ്പെടുത്തുന്നൊരു കെണിയാണ്. ഇപ്പോള്‍ ചെയ്യുന്ന കാര്യങ്ങള്‍ തന്നെ തുടര്‍ന്നാല്‍ മതിയെന്നും പൃഥ്വി പറയുന്നു.

വ്യത്യസ്തമായത് ചെയ്യുന്നു

എന്നില്‍ നിന്നും നിങ്ങല്‍ പ്രതീക്ഷിക്കുന്നത് വ്യത്യസതമായ എന്തെങ്കിലുമാണെന്ന് ഓരോ സിനിമ ഇറങ്ങുമ്പോഴും എനിക്ക് മനസിലാവുന്നുണ്ട്. അതൊക്കേയാണ് വിജയത്തിലേക്കെത്തിക്കാന്‍ തന്നെ പ്രേരിപ്പിക്കുന്നത്. അവയൊന്നും തന്നെ പേടിപ്പിക്കുന്നില്ല.

എല്ലാവരോടും കടപാട് ഉണ്ട്

എനിക്ക് വഴികാട്ടിയ അധ്യാപകരോടും സുഹൃത്തുക്കളോടും കഴിഞ്ഞ 15 വര്‍ഷങ്ങള്‍ക്ക് ഞാന്‍ കടപ്പെട്ടിരിക്കുന്നു. വരുന്ന 15 വര്‍ഷവും ഇതിലും നന്നായി പരിശ്രമിക്കുമെന്ന ഉറപ്പും താരം നല്‍കിയിരിക്കുകയാണ്. സ്‌നേഹത്തോടെ പൃഥ്വി എന്നും പറഞ്ഞാണ് താരം പോസ്റ്റ് അവസാനിപ്പിച്ചിരിക്കുന്നത്.