ജ്യോതികയും സിമ്രാനുമൊക്കെയുണ്ടല്ലോ? വിവാഹ ശേഷം അഭിനയിക്കുന്നതിനെക്കുറിച്ച് പ്രിയാരാമന്‍! കാണൂ!

സിനിമയിലേക്കെത്തിയത്

പിതാവിന് ട്രാന്‍സ്ഫറായി ചെന്നൈയിലേക്കെത്തിയതിന് ശേഷമാണ് സിനിമയിലേക്കെത്തിയത്. സ്‌കൂളില്‍ പഠിച്ച് വരുന്നതിനിടയിലായിരുന്നു ആ അവസരം ലഭിച്ചത്. പൊതുപരിപാടിക്കിടയില്‍ വെച്ചായിരുന്നു ഭാരതിരാജ തന്നെ കണ്ടത്. ടീനേജ് പ്രണയകഥയിലേക്ക് നായികയെ തിരയുന്ന സമയമായിരുന്നു അത്. അങ്ങനെയാണ് തന്നെ തിരഞ്ഞെടുത്തത്. വീഡിയോ ഷൂട്ടൊക്കെ നടത്തിയിരുന്നു. വല്ലിയെ ലഭിച്ചുവെന്നായിരുന്നു അന്ന് രജനീകാന്ത് സാര്‍ പറഞ്ഞത്. ഫോട്ടോ ഷൂട്ടില്‍ തന്നെ സഹായിച്ചത് ലത മാമായിരുന്നു.

രജനീകാന്ത് ചിത്രത്തിലൂടെ

ഡെല്‍ഹിയില്‍ വളര്‍ന്ന ടോംബോയ് യായിരുന്നു താന്‍. ഷൂട്ടിങ്ങ് തുടങ്ങുന്നുവെന്നറിയിച്ചപ്പോള്‍ എക്‌സൈറ്റഡായിരുന്നു. രജനി ചിത്രത്തിലൂടെ തുടക്കം കുറിക്കുന്നുവെന്നോര്‍ത്ത് സന്തോഷിച്ചിരുന്നു. ടൈറ്റില്‍ കഥാപാത്രമായി താനാണെത്തുന്നതെന്നറിഞ്ഞതിന്റെ ത്രില്ലുമുണ്ടായിരുന്നു. സിനിമ കണ്ടതിന് ശേഷമാണ് പലരും തന്റെ കഥാപാത്രത്തെക്കുറിച്ച് ചോദിച്ചതെന്നും താരം പറയുന്നു.

വിവാഹ ശേഷമുള്ള മാറ്റം

മുന്‍പ് നായികയായി നിറഞ്ഞുനിന്നിരുന്നവര്‍ വിവാഹത്തിന് ശേഷം സിനിമയില്‍ തിരിച്ചുവരുന്നില്ല. നായികമാരുടെ കാര്യത്തില്‍ സംഭവിക്കുന്ന കാര്യത്തെക്കുറിച്ച് താരത്തോട് ചോദിച്ചിരുന്നു. സിനിമയ്ക്കകത്തുള്ള ആള്‍ക്കാര്‍ തന്നെ ഇക്കാര്യത്തെക്കുറിച്ച് ചോദിക്കേണ്ടതാണ്. കുടുംബത്തോടൊപ്പം കഴിയുന്നതിനിടയില്‍ ഗ്ലാമറസ് റോള്‍ ചെയ്യാന്‍ പലരും തയ്യാറാവാറില്ല. ഹോളിവുഡിലും ബോളിവുഡിലും വിവാഹം ഒരു വിഷയമല്ല. ജ്യോതികയും സിമ്രാനുമൊക്കെ ഇവിടെയില്ലേയെന്നും താരം ചോദിക്കുന്നു.

ടെലിവിഷനിലേക്ക് ശ്രദ്ധ

സിനിമയുടെ സമയവും പലപ്പോഴും തങ്ങള്‍ക്ക് അനുകൂലമായി വരണമെന്നില്ല. അങ്ങനെയാണ് താന്‍ ടെലിവിഷനിലേക്ക് ശ്രദ്ധ പതിപ്പിച്ചതെന്നും പ്രിയരാമന്‍ പറയുന്നു. മികച്ച കഥാപാത്രമാണ് തനിക്ക് ലഭിച്ചത്. ഭാര്യ, അമ്മ, സംരംഭക തുടങ്ങി എല്ലാ കാര്യത്തിലും മുന്നിട്ടിറങ്ങുന്ന കഥാപാത്രത്തെയാണ് താന്‍ എത്തുന്നതെന്നും താരം പറയുന്നു. ഹീറോ പരിവേഷമുള്ള കഥാപാത്രമാണ് അഖിലാണ്ഡേശ്വരിയുടേത്. പതിവില്‍ നിന്നും വ്യത്യസ്തമായ കഥാപാത്രം കൂടിയാണ്.

എന്തുകൊണ്ട് സ്ത്രീകള്‍?

ടെലിവിഷന്‍ പരമ്പരകളിലെ പ്രധാന കഥാപാത്രം എന്നും സ്ത്രീകളാവുന്നതിന് പിന്നിലെ കാരണത്തെക്കുറിച്ചായിരുന്നു മറ്റൊരു ചോദ്യം. സിനിമ പുരുഷ കേന്ദ്രീകൃതമല്ലേ, അത് പോലെ ടെലിവിഷന്‍ പരമ്പരകള്‍ സ്ത്രീകളുടേതാണ്. ടാര്‍ഗറ്റ് ഓഡിയന്‍സും അവരാണ്. അവരില്‍ നിന്നൊരാള്‍ കഥാപാത്രമായി വരുമ്പോള്‍ പെട്ടെന്ന് കണക്റ്റ് ചെയ്യാന്‍ പറ്റുന്നു. അതാണ് അങ്ങനെ ചെയ്യുന്നതെന്നും പ്രിയ പറയുന്നു.

അവതാരകയായും എത്തുന്നു

ജീന്‍സ് എന്ന പരിപാടി അവതരിപ്പിക്കുന്നത് പ്രിയാരാമനാണ്. നേരത്തെ ഈ പരിപാടി അവതരിപ്പിച്ചിരുന്നത് റോജയായിരുന്നു. മൂന്നാമത്തെ പതിപ്പാണ് താന്‍ അവതരിപ്പിക്കുന്നത്.. ചാനല്‍ പ്രവര്‍ത്തകര്‍ ആവശ്യപ്പെട്ടപ്പോഴാണ് താന്‍ ആ ദൗത്യം ഏറ്റെടുത്തതെന്ന് താരം പറയുന്നു. അവരുടെ വിശ്വാസമാണ് തന്നെയും നയിക്കുന്നത്. അവതാരക എന്ന നിലയിലും തനിക്ക് പൂര്‍ണ്ണ സംതൃപ്തിയുണ്ടെന്നും പ്രിയ പറയുന്നു. അവതരണം മാത്രമല്ല പരിപാടിയുടെ ഉള്ളടക്കവും ഏറെ പ്രധാനപ്പെട്ടതാണ്.